Geografio (de la grekaj vortoj γη [ge] = "tero", kaj γραφειν [grafejn] = "priskribi") aŭ Tersurfascienco estas scienco, kiu studas la strukturon kaj fizikajn ecojn de la tersurfaco kaj ilian interagon kun la homaj agoj.
«Milito estas la maniero per kiu Dio instruas geografion al usonanoj. »
— Ambrose Bierce
« Kiu serĉas ĉielon sur la tero, endormiĝis en geografia leciono. »
— Stanislaw Jerzy Lec
« Fizika geografio kaj geologio estas neapartigeblaj sciencaj ĝemeloj. »
— Roderick Murchison
« Ni eble ne verkos historion, sed ni ŝanĝos geografion. (Kiam li donis la ordonon eksplodi centojn da tunoj da eksplodaĵoj proksime al la belga urbo Ipro, mortigante 10.000 germanojn. La detonacio aŭdiĝis eĉ en Londono.)»
— Charles Harington, brita generalo dum la unua mondmilito.
« GEOGRAFISTO: Kapo, kiu povas diri al vi senpripense la diferencon inter la ekstera mondo kaj la interna. »
— Ambrose Bierce
« Mi volas pendigi mapon de la mondo en mia domo. Tiam mi metos pinglojn en ĉiujn lokojn, al kiuj mi vojaĝis. Sed unue mi devos vojaĝi al la supraj du anguloj de la mapo, por ke ĝi ne falu. »
— Mitch Hedberg
« Geografio de Ptolemeo estas la sola libro pri kartografio, kiu travivis el la klasika periodo kaj unu el la plej influaj sciencaj verkoj de ĉiuj tempoj. »
Geografio en Vikipedio
Geografio en Komunejo
Geografio en Vikivortaro
