Templo de Kukulkano
| Templo de Kukulkano | |||
|---|---|---|---|
 | |||
| piramido [+] | |||
| Koordinatoj | 20° 40′ 58″ N, 88° 34′ 7″ U (mapo)20.682888888889-88.568611111111Koordinatoj: 20° 40′ 58″ N, 88° 34′ 7″ U (mapo) | ||
|
|||
 |
|||
| Templo de Kukulkano | |||
 Vikimedia Komunejo: Chichen Itza - Castillo [+] |
|||
La Templo de Kukulkano aŭ Piramido de Kukulkano (strukturo ankaŭ konata kiel «La Kastelo», ĉar la hispanaj konkistadoroj en la 16-a jarcento serĉis ĝian similecon arkitekturan kun la ekzistantaj en la eŭropa kontinento), estas antaŭkolumba konstruaĵo situanta en la Jukatana duoninsulo, en la nuna samnoma subŝtato en Meksiko. La nuna templo estis konstruita en la 12-a jarcento de nia erao de la majaoj de la etno Itzá en sia ĉefurbo, la antaŭkolumba urbo Chichén Itzá. Ĝia dizajno konsistas el piramida geometriaĵo, el naŭ niveloj aŭ bazamentoj, kvar ĉefaj fasadoj ĉiu el ili kun centra perono, kaj supera platformo finiĝanta per templeto. En tiu konstruaĵo estis kultita la majaa dio Kukulkano, pro tio oftas en ĝi la serpentaj dekoraciaĵoj. Aliflanke ĝi ankaŭ havas simbolismojn kiuj aludas la plej gravajn numerojn kiujn la majaaoj uzis en la majaa kalendaro (la suna agrikultura kalendaro, Haab aŭ Xihuitl, de 5 × 73, do 365 tagoj), la kalendaro colkino (la sankta kalendaro Tzolkʼin de 260 tagoj) kaj la kalendara rado (hispane rueda calendárica, kombino de la 365-tagaj kaj 260-tagaj cikloj). La liniigo de la piramido ebligas observi diversajn fenomenojn pri lumo kaj ombro, kiujn ĝi mem produktas dum la ekvinoksoj kaj solsticoj ĉiujare.
Kukulkano estas grava dio en la majaa mitologio, majae k'u uk'ulkan, tio estas "plumo kaj serpento" konata ankaŭ kiel kiĉee Q'uk'umatz, tio estas "plumigita serpento", en la mitologio de la kiĉeoj. Tiele aperas en Popol Vuh kiel dio kaj kreanto de la mondo .
En 1988, Unesko deklaris la majaan urbon Chichén Itzá kiel Monda heredaĵo. En komparo kun la Piramido de Keopso en Egiptio, aŭ eĉ kun la Piramido de la Suno de Teotiŭakano, la dimensioj de la piramido de Kukulkano estas etaj.
