Sami Herzog
| Sami Herzog | ||
|---|---|---|
| ||
| Persona informo | ||
| Naskiĝo | la 25-an de februaro 2000, do nun 24-jara en Munkeno | |
| Profesio | ||
| Okupo | aktoro filmaktoro  vd
| |
| Aktiva dum | 2007 - 2014 | |
Sami Herzog [zami hercok] (naskiĝis la 25-an de februaro 2000 en Munkeno, do nun 24-jara) estas germana infana aktoro. Li unuafoje aktoris en la porinfana kineja filmo Hexe Lilli - Der Drache und das Magische Buch, filmita en somero 2007 kaj kineje publikigita post intensa animaciigo nur du jarojn poste, en 2009. En la filmo li havis la rolon de Leon, la eta frato de la ĉefrolo Lilli. Laŭdire la filmprodukta firmao trovis la sep-jarulon por tiu rolo en la paŭzejo de sia elementa lernejo. En la daŭrigo de la filma sukceso, filmo nomata Hexe Lilli - Die Reise nach Mandolan, lian rolon transprenis la unu jaron pli juna kolego Miguel Wansing Lorrio. Aldoniĝis pluraj voĉaj projektoj lige al la kineja filmo, komence de la jaro 2012 ankoraŭ epizodo de la krimfilma televida serio "SOKO Stuttgart", kaj en 2014 - kiel 14-jarulo - partopreno en la krimfilma televida serio Kommissarin Lucas. Tiu serio de 2014 laŭ la stato de 2023 estas la lasta fojo kiam li publike aktoris - sekve eblas daŭre karakterizi lin kiel "infana aktoro", kvankam li intertempe estas 24-jara.