Kani
| |||||||||||||||
| |||||||||||||||
|
Bonvenon Ĉe Mi
Saluton!
Mia nomo estas José María Salguero Rodríguez, sed miaj geamikoj konas min esperante per kromnomo Kani multe pli facile prononcebla, kio devenas el popola sudhispana vorto.
Mi naskiĝis en 1957 kaj estas hispana esperantisto, mi esperantistiĝis en 1998. Mia profesio estis instruisto de la hispanaj lingvo kaj literaturo. Mi nun loĝas en Don Benito en la sudokcidento de Hispanio.
Mi intencas plenigi artikolojn unue pri birdoj, sed ankaŭ pri literaturo, historio, geografio, ktp.
Kontaktu min
redakti- Per retpoŝto: saliko69@hotmail.com
- Per Vikipedio preferinde
Miaj taskoj
redakti- Dum lundoj mi trarigardas multajn el la artikoloj metitaj dum la semajno. Mi klopodas plibonigi eraretojn de redaktado, krei bluajn ligilojn, aldoni kategoriojn kaj establi alilingvajn ligilojn, kiam tio ne ekzistas. Krome, ankaŭ ligi novajn artikolojn al iamaj, kiel riparo de fiŝkaptaj retoj. Krome mi malfermas kaj legas kelkajn aliajn artikolojn pri scivolemo.
- Mia ĉefa tasko lastatempe (unue en la jaroj 2014-2016, poste el 2019) estas plialtigi la kategoriojn de la 1000 plej gravaj artikoloj, unue suprenigante artikolojn el la malsupra al la meza, kaj poste el la meza al la supra. En la komenco de 2021 estis jam 470 en la plej alta kategorio, pli ol en la meza. Mi pliampleksigas la amplekson tiukadre, sed ankaŭ la kvaliton: lingva polurado, bluigo de ruĝaj ligiloj, ktp. Tiel ankaŭ komence de Februaro 2021 laŭ alfabeta ordo jam estas tre multaj bonkvalitaj artikoloj ĝis Kontinento.
- Krome, mi ŝatas krei artikolojn pri birdoj, verkistoj, biografioj, municipoj de Hispanio (en 2020 jam estis faritaj preskaŭ ĉiuj el la suda duono), sed ne nur pri tio.
|
Sennacieca Asocio Tutmonda Mi estas SAT-ano. |