Poliolao

La Poliolao (Poliolais lopezi) estas specio de birdo de la familio de Cistikoledoj, kaj ununura de sia genro Poliolais. Ĝi troviĝas en montaroj de okcidenta Kameruno, la insulo de Bioko en Ekvatora Gvineo kaj en ebenaĵoj de orienta Niĝerio. Ĝi estas surloke komuna en sia ĉefa teritorio, sed ties statuso en Bioko estas necerta laŭ informoj pri etenda senarbarigo ekde 1990.

Kiel legi la taksonomion Poliolao
Poliolao
Biologia klasado
Regno: Animaloj Animalia Filumo: Ĥorduloj Chordata Klaso: Birdoj Aves Ordo: Paseroformaj Passeriformes Familio: Cistikoledoj Cisticolidae Genro: Poliolais Specio: P. lopezi'
Dunomo
Poliolais lopezi (Alexander, 1903)
Konserva statuso
Konserva statuso: Preskaŭ minacata
Aliaj Vikimediaj projektoj

Ties natura habitato estas subtropikaj aŭ tropikaj humidaj montararbaroj. Ĝi iĝas rara pro habitatoperdo. Ĝi troviĝas en densa kaj humida subkreskaĵaro de meza altitudo kaj montararbaroj, ankaŭ en arbarbordoj kaj klaraĵoj, ĉiam en malgrandaj nombroj. Ili preferas densajn arbustojn kaj tangled subkreskaĵaro, ĉefe de Oreacanthus manni. Ili ĉeestas je 800-2,200 m en Monto Kameruno, je 1,950-2,200 en Monto Manenguba kaj je 900-1,900 ie ajn plie en Kameruno, kaj ĝis 1,600 en Bioko.

Ili manĝas ĉefe insektojn, ĉegrunde. Reproduktado okazas en oktobro-februaro en Kameruno kaj en novembro-januaro en Bioko. Ĝi estas probable monogama kaj teritoriema. La nesto estas bulo aŭ sako de musko kun flanka enirejo, pendita 1-1.5 m supergrunde el filiko aŭ herbo. La ino demetas 1 aŭ 2 ovojn.

Estas agnoskataj la jenaj subspecioj: Poliolais lopezi manengubae Serle, 1949 – altaj teroj de sudorienta Niĝerio kaj sudokcidenta Kameruno (escepte Monto Kameruno), Poliolais lopezi alexanderi (Bannerman, 1915 - Monto Kameruno, en sudokcidenta Kameruno kaj la nomiga Poliolais lopezi lopezi (Alexander, 1903) - Bioko en Ekvatora Gvineo (iame Fernando Poo).

Referencoj

• BirdLife International 2004. [1] Arkivigite je 2009-01-05 per la retarkivo Wayback Machine. Konsultita la 22an de januaro 2010. 2006 IUCN Ruĝa Listo de Minacataj Specioj. Konsultita la 10an de julio 2007.
• Ryan, Peter (2006). Family Cisticolidae (Cisticolas and allies). pp. 378–492 in del Hoyo J., Elliott A. & Christie D.A. (2006) Handbook of the Birds of the World. Volume 11. Old World Flycatchers to Old World Warblers Lynx Edicions, Barcelona ISBN 978-84-96553-06-4