Vendsyssel-Thy
Vendsyssel-Thy aŭ Nørrejyske Ø (Dane por Nordjutlanda insulo) estas plejnorda parto de Jutlando (Danio) kaj la due plej granda insulo de Danio. Ekde la jaro 2007 ĝi kune kun la duoninsulo Himmerland kaj la insuloj Mors kaj Læsø konsistigas Regionon Norda Jutlando.
| Vendsyssel-Thy | ||
|---|---|---|
 | ||
| insulo [+] | ||
| Akvejo | Norda maro | |
| Koordinatoj | 57° 6′ N, 9° 30′ O (mapo)57.19.5Koordinatoj: 57° 6′ N, 9° 30′ O (mapo) | |
| Ĉefa loko | Hjørring | |
| Plej alta punkto | Knøsen | |
| - alteco | 136 m | |
| Longo | 194 km (121 mi) | |
| Larĝo | 71 km (44 mi) | |
| Akvokolektejo | 4 685,73 km² (468 573 ha) [+] | |
| Areo | 4 685,73 km² (468 573 ha) [+] | |
|
||
|
||
 |
||
| Vendsyssel-Thy | ||
 Vikimedia Komunejo: Nørrejyske Ø [+] |
||
Oni tamen malofte kalkulas ĝin aparta unuo. Ĝi konsistas de tri areoj kiuj multpli ofte aludatas ol la tuta insulo, ĉefe pro tio, ke ĝi antikve ne estis insulo. La tri areoj estas:
- Vendsyssel, plej granda parto oriente kaj norde (en la eksa Nordjutlanda provinco)
- Hanherrederne en la centro (dividita inter la eksaj provincoj Nordjutlanda kaj Viborg)
- Thy okcidente (en la eksa provinco Viborg, krom la plejsuda parto, Thyholm, en la eksa distrikto Ringkjøbing).
Vendsyssel-Thy iam konektis kun restanta Jutlando 13-kilometre longa kaj 1-kilometre larĝa istmo, Aggertange limiginta la Nordan maron de Limfjorden. Ĝi insuliĝis la 3-an februaro de 1825 kiam inundo kreis kanalon Agger tra la norda parto de la istmo. Alia inundo en 1862 kreis Kanalon Thyborøn tra centra Aggertange, kaj Kanalo Agger ekŝtopiĝis per sablo, fermiĝante en 1877. Tiel ĉi la insulo iomete pligrandiĝis.
Antikva Ĝermana tribo, Vandaloj, eble devenis de Vendsyssel kaj de tiu prenis sian nomon.
- Areo: 4 685 km²
- Loĝantaro: 306 373 (1-a de januaro, 2003)
- Gravaj urboj: Hjørring, Frederikshavn, Løkken, Lønstrup, Brønderslev, Hirtshals