Alfons Mucha

Alfons MUCHA, ĉeĥe [alfons muĥa] (mucha signifas muŝo), en Francio nomata Alphonse MUCHA [alfoⁿs miŝa], (naskiĝis la 24-an de julio 1860; mortis la 14-an de julio 1939) estis ĉeĥa pentristo, desegnisto kaj ĵurnalisto, konata kiel unu el la plej eminentaj artistoj de la Secesio-stilo.

Alfons Mucha
Persona informo
Alfons Mucha
Naskonomo	Alfons Maria Mucha
Naskiĝo	24-an de julio 1860 (1860-07-24) en Ivančice, Margraflando Moravio,  Aŭstra imperio
Morto	14-an de julio 1939 (1939-07-14) (78-jaraĝa) en Prago
Mortis pro	Naturaj kialoj vd
Mortis per	Pneŭmonito vd
Tombo	Slavín tombejo de Vyšehrad vd
Lingvoj	ĉeĥa vd
Loĝloko	Vieno • Parizo • Munkeno • Prago vd
Ŝtataneco	Aŭstra imperio Dua respubliko de Ĉeĥoslovakio Nazia Germanio Unua respubliko de Ĉeĥoslovakio Aŭstrio-Hungario Ĉeĥoslovakio vd
Alma mater	Akademio de Belartoj Munkeno (1884–1887) Académie Julian Académie Colarossi (en) vd
Subskribo
Familio
Patrino	Amálie Muchová (en) vd
Edz(in)o	Marie Chytilová (en) (1906–) vd
Infanoj	Jiří Mucha, Jaroslava Muchová (en) vd
Profesio
Okupo	poster artist (en) grafikartisto ilustristo instruisto dizajnisto de juveloj universitata instruisto dezajnisto pentristo litografisto poŝtmarkdesegnisto fotisto grafikisto internodekoraciisto vd
Aktiva en	Vieno • Munkeno • Parizo • Prago • Mikulov vd
Verkado
Verkoj	Slava epopeo ❦ Hradcany issue vd
Honorigoj Honorigoj  Ordeno de Francisko Jozefo  honorary citizen of Letohrad (en)  Oficiro de la Honora Legio vd
Membrecoj Membrecoj Sdružení výtvarných umělců moravských (fr) Czech Academy of Science and Art (en) vd
En TTT	Oficiala retejo vd
vd	Fonto: Vikidatumoj

Li naskiĝis en Ivančice en Moravio. Sukceson li akiris en Parizo, kie li famiĝis per siaj afiŝoj por la glora aktorino Sarah Bernhardt kaj aliaj (simile kiel Toulouse-Lautrec). Li estis kreinto de nova stilo kun dikaj konturoj, plata perspektivo kaj ornamaj floraj elementoj. La stilo estas france nomata art-nouveau, sed en aliaj lingvoj oni uzas terminon secesio (= apartiĝo, separiĝo). (Fine de la 20-a jarcento liaj afiŝoj fariĝis granda modo.) Al lia pariza ateliero venadis Rostand, Rodin, Gauguin, Strindberg kaj aliaj. Mucha estis konata kaj admirata en Munkeno, Vieno, Nov-Jorko, sed malmulte en Ĉeĥio.

Mucha kreis multajn pentradojn, afiŝojn, reklamojn, kaj librajn ilustraĵojn, ankaŭ desegnaĵojn por juveloj, tapiŝoj, murpapero, kaj teatraj scenejoj kiuj konatas en la stilo «art nouveau». Muchaj verkoj ofte havis belajn sanajn junajn virinojn en fluaj roboj, ofte ĉirkaŭitaj inter grandaj floroj kiuj foje faris haloojn malantaŭ la virinaj kapoj.

Tamen post ekesto de Ĉeĥoslovakio en 1918 li estis petita krei la unuan ĉeĥoslovakan poŝtmarkon kun motivo de Prago. En la 20-aj jaroj de la 20-a jarcento en kastelo Zbiroh (okcidenta Bohemio) A. Mucha kreis monumentan ciklon de dudek grandegaj historiaj pentraĵoj Slava epopeo, en kiu li esprimis sian patriotismon per bildigo de gravaj eventoj el la slava historio (nun en la kastelo de Moravský Krumlov).

Mucha estis framasono kaj unu el la refondintoj de ĉeĥa framasonismo post la unua mondmilito. Loĝio en Prago portas la nomon Alphons Mucha.

Lia filo Jiří Mucha (1915-1991) estis eminenta verkisto.

Eksteraj ligiloj

• Ligoj al Muzeo de Alfons Mucha
• La Slava epopeo Arkivigite je 2005-03-11 per la retarkivo Wayback Machine

Afiŝo el la jaro 1909 bildiganta Maude Adams-on kiel Johana de Arko-n