Distrikto Darmstadt-Dieburg
| blazono | mapo |
|---|---|
| subdistrikta blazono | situo de la subdistrikto en Germanio |
| Bazaj datumoj | |
| Federacia Lando: | Hesio |
| Regiono: | distrikto Darmstadt |
| Administra urbo: | Darmstadt |
| Areo: | 658,51 km² |
| Enloĝantoj: | 290.803 (septembre 2005) |
| Enloĝantoj po km²: | 442 |
| Aŭtokodo: | DA |
| Komunumoj: | 23 |
| Adreso de la distrikta administracio: |
Jägertorstr. 207 64289 Darmstadt |
| rete: | www.ladadi.de |
| retpoŝte: | kreisverwaltung@ladadi.de |
| situo de la subdistrikto en Hesio | |
| situo de la subdistrikto en Hesio | |
La subdistrikto Darmstadt-Dieburg situas en distrikto Darmstadt de la germana federacia lando Hesio. Najbaras norde la subdistrikto Offenbach, oriente la bavaraj subdistriktoj Aschaffenburg kaj Miltenberg, sude la subdistriktoj Odenwald kaj Bergstraße kaj okcidente la subdistrikto Groß-Gerau. La areo de la urbo Darmstadt estas ĉirkaŭata de la subdistrikto Darmstadt-Dieburg okcidente (urbo Pfungstadt kaj Griesheim), sude (urbo Seeheim-Jugenheim) kaj oriente (urboj Dieburg, Reinheim, Groß-Umstadt, Babenhausen). En la urboparto Kranichstein de Darmstadt situas la administrado subdistrikta, la (antaŭe solaj) oficejoj en Dieburg iom post iom fermiĝas.
Geografio
La subdistrikto situas je la nord-okcidenta rando de la montaro Odenwald. La pejzaĝoj diversas: la okcidenta parto, kie situas Weiterstadt, Griesheim kaj Pfungstadt, apartenas al la senmonta pejzaĝo "Ried". La sudokcidenta parto ĉirkaŭ Seeheim kaj Alsbach apartenas al la monteta pejzaĝo "Bergstraße", kiu situas inter la rejna ebenaĵo kaj la ankoraŭ pli monta Odenwald. La regiono ĉirkau Darmstadt kaj Messel estas aparte arbaroriĉa kaj malmulte loĝata. La nordorienta parto ĉirkau Dieburg kaj Groß-Umstadt estas tre fekunda, monteta pejzaĝo tranĉita de multaj rojoj kaj la rivereto Gersprenz (prononcu Gerŝprenc). Sude de tie la montetoj pli grandas kaj jam apartenas al la distrikto Odenwald.
Ekonomio
Kvankam la regiono de Dieburg estas tre fekunda, kaj en la regiono de Groß-Umstadt eĉ kreskas bona vino, kaj kvankam en la okcidento de la distriko oni perlaboras multe da mono per kultivo de asparago, la plej grava ekonomia branĉo de la subdistrikto ne estas la agrikulturo. En iuj lokoj troviĝas gravaj entreprenoj de la konstrumaeriala industrio (Groß-Umstadt) aŭ la nutraĵoindustrio (Alsbach - Hähnlein). Aliaj lokoj profitas de la proksimeco al la autoŝosea reto kaj la urbo Darmstadt kaj havas aparte multajn servo-entreprenojn kaj supermerkatojn.
Trafiko
La okcidenton de la subdistrikto pasas la aŭtoŝoseoj A5 Basel/Heidelberg - Frankfurt/Kassel, kaj A 67 Mannheim - Darmstadt. Plie pluraj federaciaj stratoj pasas la distriktan aeron, inter alie la strato B 3 Heidelberg - Frankfurt, B 26 Riedstadt/Darmstadt - Aschaffenburg/Hanau, B 45 Eberbach/Erbach - Hanau kaj B 426 Gernsheim/Darmstadt-Eberstadt - Höchst (Odenwald)/Obernburg.
Internaciaj trajnoj pasas survoje norden tra Frankfurt kaj suden tra Mannheim, sed ankaŭ la regionaj urboj bone atingeblas trajne. La trajnan trafikon al celoj ene de la subdistrikto organizas la trafika entrepreno DADINA.
Vidindaĵoj
- la malnova urbo de Groß-Umstadt
- en Nieder-Beerbach la kastelruino Frankenŝtajn
- kastelo Lichtenberg en Fischbachtal
- kastelo Heiligenberg en Seeheim-Jugenheim
- la malnova urbo kaj muzeo en Dieburg
- kastelo Braunshardt (Weiterstadt)
- Rathaus Pfungstadt
- la kastelo kaj malnova urbo de Babenhausen
- la fortikaĵa ruino Otzberg
Konatas la elfosejo Grube Messel, kiu riĉas je fosilioj de pratempaj plantoj kaj bestoj (ekde 1995 ĝi estas agnoskata monda natura heredaĵo deUNESKO).
Historio
La subdistrikta areo jam frue estis enloĝata. La cirkla digo de Fischbachtal estas supozeble kelta. La romianoj konkeris la areon fine de la unua postkrista jarcento. Ĉirkau 125 p. K. en la regiono de la nuna suda Hesio fondiĝis la administra unuo "Civitas Auderiensium" kun ĉefa municipo Dieburg. Dum la okcidenta parto de la subdistrikto restis maldense loĝata, la regiono de Dieburg kaj Groß-Umstadt altiris multajn loĝantojn. Post foriro de la romianoj unue alemanoj, poste ekde 506 p. K. frankonoj okupis la regionon. Ĉiuj lokonomoj finiĝantaj je "-heim" estas frankonaj fondaĵoj.
Dum la mezepoko pluraj regantoj dividis inter si la regionon. Okcidente la grafoj de Katzenelnbogen evoluigis la lokojn Darmstadt, Groß-Gerau, Zwingenberg kaj Reinheim al urboj. La kamparanoj de Weiterstadt kaj Griesheim liveris la nutraĵojn por la grafaj kasteloj en Darmstadt kaj Groß-Gerau, dum Pfungstadt kaj Seeheim iĝis centroj de propraj distriktoj. Dum 1476 la tuta posedo de Katzenelnbogen transiris al Hesio.
En la orienta parto de la distrikto la historio pli komplikis. Estis tre malgrandaj regnoj, kolektante malmultajn vilaĝetojn, kaj pli grandaj areoj, kiuj tamen pliparte estis pli etaj ol la nunaj komunumoj. Ili estis administrataj de propraj nobeluloj (Eppertshausen) aŭ apartenis al pli grandaj grafejoj aŭ dukejoj. Groß-Umstadt ekzemple duone apartenis al Palatinato kaj duone al Hanau, kaj Dieburg apartenis al la koron-dukejo Mainz, kiu provis krei ligon inter siaj posedaĵoj en Rheinhessen okcidente kaj Unterfranken oriente. Dum la reformacio preskaŭ ĉiuj lokoj krom Dieburg kun Münster kaj Eppertshausen (daŭre katolikaj) iĝis protestantaj.
Post 1803 la tuta areo falis al la granddukejo Hessen-Darmstadt. Ekestis la subdistriktoj Darmstadt, Reinheim kaj Dieburg, poste restis nur Darmstadt kaj Dieburg. Dum 1938 Darmstadt iĝis sendependa urbo, sed tamen restis administra centro de la subdistrikto Darmstadt, al kiu ĝi ne plu apartenis. Dum 1977 unuiĝis subdistriktoj Darmstadt kaj Dieburg kaj ekestis la hodiaŭa nomo. Kelkaj lokoj antaŭe estis donitaj al aliaj subdistriktoj, ekzemple Fränkisch-Crumbach al la subdistrikto Odenwald, Urberach, Ober- kaj Nieder-Roden al la subdistrikto Offenbach. La daŭre sendependa Darmstadt iĝis administra centro, Dieburg restis dependanco. Ekde la fino de 2004 la tuta adminstrado estas translokigata al la urboparto Kranichstein de Darmstadt.
Urboj kaj Komunumoj
(enloĝantoj junie 2005)
|
Urboj
|
Komunumoj
|
Ligoj