Patagonia (ffilm)
![]() Poster hybu'r ffilm | |
---|---|
Cyfarwyddwr | Marc Evans |
Cynhyrchydd | Flora Fernandez-Marengo Rebekah Gilbertson Huw Eurig Davies |
Ysgrifennwr | Laurence Coriat Marc Evans |
Serennu | Matthew Rhys Duffy |
Sinematograffeg | Robbie Ryan |
Golygydd | Mali Evans |
Dylunio | |
Dyddiad rhyddhau | 10 Mehefin 2010 - UDA 4 Mawrth 2011 - DU |
Gwlad | Yr Ariannin Cymru |
Iaith | Cymraeg Sbaeneg |
(Saesneg) Proffil IMDb | |
Ffilm ddrama o 2010, yw Patagonia, sydd yn ymwneud â'r Wladfa ym Mhatagonia. Mae'n serennu Matthew Rhys a'r gantores Duffy a chyfarwyddwyd gan y cyfarwyddwr Cymreig, Marc Evans. Dangoswyd am y tro cyntaf yng Ngŵyl Ffilm Ryngwladol Seattle ar 10 Mehefin 2010, ac am y tro cyntaf yng Nghymru ar 4 Mawrth 2011 yng Nghaerdydd.[1]
Plot
[golygu | golygu cod]Mae Gwen a'i gŵr Rhys sydd yn byw yng Nghaerdydd, yn ceisio rhoi eu problemau ffrwythlonaeth y tu ôl iddynt ac achub eu perthynas pan maent yn canfod eu hunain yn teithio i Batagonia ar gyfer lleoliad ffotograffeg Rhys yno. Wrth i Rhys dreulio ei amser yn cymryd lluniau ar gyfer ei waith, mae Gwen a Mateo yn agosau, nes fod gandynt deimladau rhamantus am ei gilydd. Mae'r ffilm yn dilyn perthynas Gwen a Mateo, sydd yn arwain at y penderfyniad mawr sydd ganddi i'w wneud i aros yn y Wladfa gyda Mateo neu mynd adref i Gaerdydd gyda Rhys. Yn y cyfamser, mae'r Archentwraig-Cymreig Cerys yn cynllunio taith i Gymru i ganfod hen fferm ei theulu cyn iddynt ymfudo i Batagonia. Mae'n penderfynu mynd a'i chymydog Alejandro gyda hi fel chaperone, ac yng Nghymru mae ef yn canfod serch gyda merch lleol, Sissy.[2] Wrth ddod i derfyn eu taith, mae Cerys ac Alejandro yn darganfod fod Nant Briallu, sef hen fferm ei theulu yng Nghymru, yn un o'r ffermydd gafodd eu boddi yn ardal Tryweryn yn 1955. Mae'r ffilm yn diweddu wrth i Cerys farw, ond mae'n farwolaeth heddychlon gan ei bod wedi cael rhyddhad o wybod y gwirionedd.
Cast
[golygu | golygu cod]- Matthew Gravelle - Rhys
- Nia Roberts - Gwen
- Matthew Rhys - Mateo
- Marta Lubos - Cerys
- Nahuel Pérez Biscayart - Alejandro
- Duffy - Sissy
- Marco Antonio Caponi - Diego
- Rhys Parry Jones - Martín
- Gabriela Ferrero - Eleonara
- Marcin Kwasny - Marc
- Radosław Kaim - Kris
Cyfeiriadau
[golygu | golygu cod]- ↑ Hannah Waldram (8 Mawrth 2011). Patagonia - Cardiff film locations. Guardian Cardiff.
- ↑ Patagonia.