Coginio
![](http://upload.wikimedia.org/wikipedia/commons/thumb/5/54/Wok_cooking_and_the_heat_source_by_The_Pocket_in_Nanjing.jpg/200px-Wok_cooking_and_the_heat_source_by_The_Pocket_in_Nanjing.jpg)
Coginio yw'r broses o baratoi bwyd drwy osod gwres, dewis, mesur a chyfuno amrys o gynhwysion mewn modd trefnus er mwyn cynhyrchu bwyd diogel a bwytadwy. Mae'r broses yn cynnwys amryw helaeth o ddulliau, offer a chyfuniadau o gynhwysion i newid blas, golwg, ansawdd neu dreuliadedd bwyd. Mae'r ffactorau sy'n effeithio ar y canlyniad yn cynnwys amrywiaethau yn y cynhwysion, amodau'r awyrgylch, offer, a'r person gallus, sef y cogydd, sy'n gwneud y coginio.
Mae amrywiaeth eang coginio yn fyd-eang yn adlewyrchu'r amrywiaethau mewn diwylliant, amaethyddiaeth, esthetig, economi, cymdeithas a chrefydd ar draws y byd.
Mae gosod gwres ar fwyd fel arfer, ond nid bob tro, yn ei newid yn gemegol, gan effeithio ar y blas, golwg, ansawdd a'i werth maeth. Mae dulliau o goginio sy'n cynnwys berwi gyda hylif mewn llestr wedi cael ei ymarfer ers y 10fed mileniwm CC, yn dilyn dyfodiad crochenwaith.