Cefin Roberts
Cefin Roberts | |
---|---|
Ganwyd | 28 Hydref 1953 ![]() Llanllyfni ![]() |
Dinasyddiaeth | ![]() |
Alma mater | |
Galwedigaeth | actor, cerddor, cyfarwyddwr ![]() |
Awdur, actor, cyfarwyddwr theatrig a cherdd o Gymro yw Cefin Roberts (ganwyd 28 Hydref 1953).
Magwyd Cefin yn Llanllyfni, Dyffryn Nantlle ac yn byw ym Mangor. Astudiodd yng Ngholeg y Drindod Caerfyrddin a Choleg Cerdd a Drama Caerdydd. Bu’n gweithio i Gwmni Theatr Cymru ym Mangor gan weithio o dan ofal Wilbert Lloyd Roberts yn ysgrifennu a chyfarwyddo.[1][2]
Fe sefydlodd Cefin y grwp poblogaidd "Hapnod" gyda'i wraig Rhian yn yr wythdegau cynnar. Fe ddarlledwyd tair cyfres o "Hapnod" - rhaglen adloniant ysgafn ar S4C yn yr 1980au.[3]
Gyrfa
[golygu | golygu cod]Sefydlodd Ysgol Glanaethwy yn 1990 ym Mharc Menai, Bangor, yr ysgol berfformio cyntaf o'i fath yng Nghymru.
Ymunodd â chriw cynhyrchu Rownd a Rownd yn 1995 ac roedd yn bennaf gyfrifol am fraslunio straeon i'r gyfres. Derbyniodd Gymrodoriaeth gan y Coleg Cerdd a Drama yn 1997 a Chymrodoriaeth gan Brifysgol Bangor yn 2001 am ei wasanaeth i fyd y theatr ac ym maes hyfforddi ieuenctid.[2] Bu'n Gyfarwyddwr Artistig Theatr Genedlaethol Cymru rhwng 2003 a 2010.[4]
Yn 2003, enillodd y Fedal Ryddiaith yn Eisteddfod Genedlaethol Maldwyn a'r Gororau am ei nofel Brwydr y Bradwr.[2]
Bywyd Personol
[golygu | golygu cod]Mae'n briod â Rhian Roberts ac mae'n dad i Mirain Haf a Tirion Anarawd.[2] Mae Mirain hefyd yn actores a chantores nodedig a cyhoeddwyd llyfr ffeithiol Cefin Roberts a Mirain Haf am y tad a'r ferch yn 2004.
Gwaith cyhoeddedig
[golygu | golygu cod]Teitl | Blwyddyn | Gwasg | Nodiadau |
---|---|---|---|
Brwydr y Bradwr | 2003 | Gwasg Gwynedd | |
Cymer y Seren | 2009 | Gwasg Gwynedd | |
Perffaith Chwarae Teg, Ysgol Glanaethwy 1990-2011 | 2011 | Gwasg Carreg Gwalch | Hanes Ysgol Glanaethwy, yng ngyfres 'Syniad Da' |
Cofion, Cefin | 2012 | Gwasg y Bwthyn | |
Sgin Ti Fonolog | 2018 | Gwasg y Bwthyn | |
Os na ddon nhw | 2019 | Lolfa | Nofel |
Nadolig Pwy a Wyr 2 | 2019 | Gwasg y Bwthyn | Amlgyfrannog |
Cyfeiriadau
[golygu | golygu cod]- ↑ Rhestr Awduron - Llenyddiaeth Cymru Archifwyd 2016-03-05 yn y Peiriant Wayback; Adalwyd 2015-12-16
- ↑ 2.0 2.1 2.2 2.3 Y Fedal Ryddiaith i Cefin Roberts, Newyddion BBC; Adalwyd 2015-12-17
- ↑ Ysgol Glanaethwy - Cefin & Rhian Roberts Archifwyd 2015-08-17 yn y Peiriant Wayback; Adalwyd 2015-12-16
- ↑ Cefin Roberts yn gadael y Theatr Genedlaethol, Golwg360; Adalwyd 2015-12-16