Martahi
Martahi Ima marpokat so manjalahi tujuan ni hajat na get dibaen. Satiap hajat na adong di masyarakat huta Angkola-Mandailing dor di oban tu majelis huta ‘kampung’ sanga tu luat ‘persekutuan antarkampung’, bope hajat ni tubu, siriaon dohot siluluton.
Anggo adong halak na get mambaen horja siriaon, dohot calon anak boru na dung sampe tu bagas ni calon tulang nia, i pio suhut ma sude koum nia na donok ngon bagas nia I so mambahas horja ni siriaon na get dibahenon i. Markusip menek on ma na di dokon Martahi ulu tot ‘berbicara dengan berhadapan lutut’. Markusip menek on pe ma namanantuon sadia godang horja na get di bahenon on.
Masyarakat Halak Angkola-Mandailing mananda horja manjadi dua, ima horja godang dohot horja menek. Horja godang bisa dibaen dohot beberapa pulungan utamo, ima salah sada mangkorot horbo, haroan ni raja-raja sada luat, sude dalian na tolu na get mangarejohon karejo di horja, gaba-gaba, dohot pargondang. Anggo horja menek buse ima dibaen halak I mangkorot ambeng sambil idongani raja huta, hatobangon, dohot dalian na tolu. Pargondang tola nga dot mandongani na anggo horja na menek na di baen i.
Martahi ulu tot na I dokon I son, ima na manantuon sanga sadia gogo na get mambaen horja dohot manantuon sude na di pangidoon I sude. Anggo adong di roha nalai na get pagodangkon horja I, hasil pokaton I angkon di palalu tu martahi godang satu luat. Di martahi on, raja-raja satu luat, hatobangon, natoras, dohot dalian na tolu na godang na marroan.
Di martahi godang, di dokon suhut ma tu sude halak na ro di si. Di alusi alak ma na di dokon ni suhut I. aluson na di dokon alai ma na manorangkon sanga bisa do sanga inda alai na dipangidoon ni suhut. Simpul ni hata on disimpulkon ni hatobangon I di pasingkop di barisan ni raja panusunan bulung.
Inti ngon martahi on ima ma lehen sude panontuon na tu adat. Ngon I buse, horja na dibaen I inda ampuna alai be, tai ampuna ni halak bahat doma. On ma so anggo adong horja inda I dokon horja ni koum I, tai manjadi horja ni halak sahuta.
Pas martahi on ma halak na karejo, sondia mambaenna, pamioon, dohot andigan get dibaen, di tontuon sude. Sude halak di si pe dohot malugutkon hepeng na get i baen tu horja i. Martahi on ma na manjadi.