Selgovae
Neuz
![](http://upload.wikimedia.org/wikipedia/commons/thumb/e/e4/Galloway.ptolemy.names.Ptolemy.map.png/220px-Galloway.ptolemy.names.Ptolemy.map.png)
Ar Selgovae a oa ur bobl vrezhon eus hanternoz Enez Vreizh, er reter d'an Novantae, e Dumfriesshire ha reter Galloway, e mervent Skos, a zo meneget o anv e Douaroniezh Klaudios Ptolemaios. N'ouzer ket kalz hiroc'h eget ar meneg-se.
Sed a oa anvioù o c'hêrioù, hervez Plolemaios: Carbantorigum, Uxellum, Corda, ha Trimontium. Koulskoude ne oa ket kêrioù er c'hornad en amzer-se, neuze ne rae nemet menegiñ pe kampoù roman pe kreñvlec'hioù brezhon.
Aet e vije o bro d'ober ur rann eus Rheged, e kornôg Skos eta, goude disparti ar Romaned. Darn avat a gomz eus Gododdin, met neuze e vefe er reter.
Evezhiadennoù
[kemmañ | kemmañ ar vammenn]- Lavaret ez eus bet e teue an anv Selkirk (iliz ar Selgovae?) eus hini ar Selgovae: da neuze e vijent bet diazezet ivez e reter Skos?
- Dont a rafe anv ar Solway Firth eus hini ar Selgovae hervez lod, met hervez lod all e vije un anv saoznek rik.