Inizi Gwerc'h
An Inizi Gwerc'h (pe Virgin Islands e saozneg) a zo inizi er Mor Karib, etre an Antilhez Bihanañ hag an Antilhez Brasañ.
![](http://upload.wikimedia.org/wikipedia/commons/thumb/7/78/Virgin_Islands-map-CIA.jpg/300px-Virgin_Islands-map-CIA.jpg)
Douaroniezh
[kemmañ | kemmañ ar vammenn]Ur c'hant enezenn bennak zo anezho, kerreg hag enezennoùigoù, 600 km² en holl. En hanternoz dezho emañ ar Meurvor Atlantel hag er c'hreisteiz ar Mor Karib, adalek Puerto Rico betek foz Anegada.
Teir lodenn
[kemmañ | kemmañ ar vammenn]Teir lodenn zo anezho:
- an Inizi Gwerc'h Breizhveurat, er reter hag en hanternoz, a zo un Tiriad Breizhveurat Tramor
- an Inizi Gwerc'h Stadunanat er c'hreisteiz, zo un Tiriad Aozet, ha n'emañ ket e SUA,
- an Inizi Gwerc'h Spagnol, er c'hornôg, a zo stag ouzh Puerto Rico
- an Inizi Gwerc'h Nederlandat, etre 1625 ha 1680.
Dollar SUA eo ar moneiz en holl anezho.
Istor
[kemmañ | kemmañ ar vammenn]Dizoloet e voent gant Kristof Kolomb en 1493 hag anvet Santa Ursula y las Once Mil Vírgenes (berraet en Las Vírgenes), abalamour ma c'hoarvezas kement-se da zeiz santez Ursula, da lavarout eo Santez Ursula hag an Unnek Mil Gwerc'hez (hag ar Gwerc'hezed dre verrdro). Splann eo eta : n'eo ket an inizi a zo gwerc'h, met ar plac'hed. Da neuze e tlefent bezañ anvet Inizi ar Gwerc'hezed. Anat eo e teu ar fazi eus an droidigezh diwar an anv gallek.