Carlos IV
Neuz
![](http://upload.wikimedia.org/wikipedia/commons/thumb/2/2e/Carlos_IV_de_rojo.jpg/200px-Carlos_IV_de_rojo.jpg)
Carlos IV (1748-1819) a oa roue Spagn war-lerc'h e dad, Carlos III.
E vreur Felipe Antonio de Borbón a oa da vezañ roue, met kavet e voe dic'houest, dra ma oa berr a spered.
Dimezet e voe da María Luisa de Parma (1751-1819), merc'h da zug Parma.
Diroueet e voent gant o mab Fernando VII.
Mervel a reas en harlu e Roma e 1819.
Anvet en doa Goya da livour al lez.
Dimeziñ ha bugale
Dimezet e oa Carlos IV d'e geniterv María Luisa de Borbón-Parma (merc'h da Felipe, Dug Parma) en 1765.
Pevarzek bugel o doe, diwar ar peder gwech warn-ugent ma voe brazezet María Luisa de Borbón-Parma. Seizh hepken a vevas betek dibenn o c'hrennoad:
- Carlos Clemente Antonio ( 1771 - 1774).
- Carlota Joaquina ( 1775 – 1830), dimezet da João VI, Roue Portugal.
- María Luisa Carlota ( 1777 - 1782).
- María Amalia (1779 – 1798), dimezet d'hec'h eontr Antonio Pascual de Borbón, Infant Spagn ( mab da Carlos III).
- Carlos Domingo Eusebio ( 1780 - 1783)
- María Luisa Josefina (1782 – 1824), dimezet da Luis de Borbón-Parma, dug Parma ha Roue Etruria.
- Carlos Francisco de Paula ( 1783 - 1784).
- Felipe Francisco de Paula (1783 - 1784).
- Fernando ( 1784 –1833), Roue Spagn evel Fernando VII.
- Carlos María Isidro ( 1788 – 1855), kont Molina, a savas emsav ar garlouriezh hag a glaskas bezañ roue Spagn war-lerc'h e vreur evel Carlos V.
- María Isabel ( 1789 – 1848). Dimezet div wech:
- da Francesco Iañ an Div Sikilia (1777 – 1830),
- da Francisco, kont ar Balzo.
- María Teresa (1791 - 1794). Marvet gant ar vrec'h.
- Felipe María Francisco ( 1792 - 1794).
- Francisco de Paula Antonio, dug Cádiz ( 1794 – 1865);
- dimezet d'e geniterv, Luisa Carlotta an Div Sikilia, merc'h d'e c'hoar María Isabel de Borbón ha d'he fried kentañ Francesco Iañ an Div Sikilia. O mab henañ Francisco de Asís de Borbón, a zimezas d'e geniterv, ar rouanez Isabel II, merc'h d'e eontr Fernando VII.