Камп’ютарная клавіятура

Беларуская раскладка клавіятуры

Камп’ютарная клавіяту́ра — асноўная прылада ўводу інфармацыі ад карыстальніка ў камп’ютар.

Стандартная камп’ютарная клавіятура, якую таксама называюць клавіятурай PC/AT або AT-клавіятурай (паколькі яе пачалі пастаўляць разам з камп’ютарамі серыі IBM PC/AT), мае 101 або 102 клавішы. Клавіятуры, якія пастаўлялі разам з папярэднімі серыямі — IBM PC і IBM PC/XT — мелі 86 клавіш. Размяшчэнне клавіш на AT-клавіятуры падпарадкоўваецца адзінай агульнапрынятай схеме, спраектаванай у разліку на англійскі алфавіт.

Камп’ютарная клавіятура.

Па сваім прызначэнні клавішы на клавіятуры дзеляцца на шэсць груп:

• функцыянальныя;
• алфавітна-лічбавыя;
• кіравання курсорам;
• лічбавая панэль;
• спецыялізаваныя;
• мадыфікатары.

Дванаццаць функцыянальных клавіш размешчаны ў самім верхнім радку клавіятуры. Ніжэй размяшчаецца блок алфавітна-лічбавых клавіш. Правей гэтага блока знаходзяцца клавішы кіравання курсорам, а з самога правага боку клавіятуры — лічбавая панэль.

Гл. таксама

• Дыгітайзер