Аўтамабіль-цыстэрна
![](http://upload.wikimedia.org/wikipedia/commons/thumb/e/ed/Ford_Shell_Fuel_Lkw_IMG_20180417_192801.jpg/220px-Ford_Shell_Fuel_Lkw_IMG_20180417_192801.jpg)
Аўтамабіль-цыстэрна -- аўтамабіль, абсталяваны цыстэрнай. Прызначаны для перавозкі і часовага захоўвання вадкасцяў (нафтапрадуктаў, харчовых прадуктаў), сыпучых грузаў, звадкаваных газаў.
Параметры цыстэрны
[правіць | правіць зыходнік]Ёмістасць цыстэрны складае ад 0,8 да 40 кубаметраў. Яна можа мець цыліндрычную, канічную, эліптычную, прамавугольную, чамаданную форму. Матэрыялы, з якіх вырабляюць сасуд -- сталь, алюміневыя сплавы, нержавеючая сталь або пласмаса. Чорнае жалеза выкарыстоўваецца ў якасці асноўнага матэрыялу ўсё радзей, гэта звязана з яго адносна высокай вагаю адносна алюміневых сплаваў ці нержавеючай сталі. Алюміневыя сплавы выкарыстоўваюцца пры вытворчасці цыстэрн для перавозкі светлых нафтапрадуктаў, нержавеючая сталь -- пры вытворчасці сасудаў для перавозкі харчовых вадкасцяў, хімічных вадкасцяў, паліва.
Некаторыя тыпы перавазімых прадуктаў патрабуюць прытрымлівацца тэмпературнага рэжыму, што, у сваю чаргу, адлюстроўваецца на канструкцыі цыстэрн -- з ізаляцыяй (бітум, малако і іншыя) ці без ізаляцыі (светлыя нафтапрадукты). Цыстэрны могуць быць шматсекцыйнымі ці монасекцыйнымі.