Абзац

Сюды перасылаецца запыт «Чырвоны радок». На гэту тэму патрэбны асобны артыкул.

Абза́ц (ням.: Absatz — уступ) — фрагмент звязнага тэксту, які складаецца з адной або некалькіх фраз (сказаў) і характарызуецца адзінствам і адноснай завершанасцю зместу.

Таксама абзацам называецца водступ управа ў пачатку першага радка з мэтай аддзялення адной часткі тэксту ад другой, чырвоны радок. Абзац афармляе пачатак новай думкі і сігналізуе пра заканчэнне папярэдняй.

Асноўная функцыя абзаца — графічнае вылучэнне, афармленне кампазіцыйна-сінтаксічных адзінак тэксту. Падзел на абзацы залежыць ад аўтарскай задумы, манеры выкладу матэрыялу, важнасці інфармацыі ў межах тэксту.

Гл. таксама

• Параграф
• Знак абзаца

Літаратура

• Абзац // Культура Беларусі: энцыклапедыя / рэдкал.: Т. У. Бялова (гал. рэд.) [і інш.]. — Мн.: Беларус. Энцыкл. імя П. Броўкі, 2010. — Т. 1. — 704 с. — 3 000 экз. — ISBN 978-985-11-0496-9.
• Абзац // Беларуская энцыклапедыя: У 18 т. Т. 1: А — Аршын / Рэдкал.: Г. П. Пашкоў і інш. — Мн. : БелЭн, 1996. — Т. 1. — 552 с. — 10 000 экз. — ISBN 985-11-0035-8. — ISBN 985-11-0036-6 (т. 1).