Алена Васільеўна Чэкан

Алена Васільеўна Чэкан
Дата нараджэння	26 красавіка 1946(1946-04-26)
Месца нараджэння	Кіеў, УССР, СССР
Дата смерці	21 снежня 2013(2013-12-21) (67 гадоў)
Месца смерці	Кіеў, Украіна
Грамадзянства	СССР  Украіна
Адукацыя	Тэатральны інстытут імя Барыса Шчукіна
Месца працы	Маскоўскі драматычны тэатр на Малай Броннай[d] Кінастудыя імя А. Даўжэнкі Q4220150? Український тиждень Radio Svoboda Ukraine[d]
Прафесія	журналістка, актрыса, сцэнарыст
IMDb	ID 0155000
Медыяфайлы на Вікісховішчы

Алена Васільеўна Чэкан (укр.: Олена Василівна Чекан; 26 красавіка 1946, Кіеў — 21 снежня 2013, Кіеў) — савецкая і ўкраінская кінаактрыса, сцэнарыст, журналістка.

Біяграфія

Нарадзілася 26 красавіка 1946 года ў Кіеве.

Пасля заканчэння ў 1972 годз Вышэйшага тэатральнага вучылішча імя Б. В. Шчукіна пачала мастацкую дзейнасць у якасці актрысы ў Тэатры на Малой Броннай (Масква), працягнуўшы яе ў Тэатры імя Пушкіна (Масква).

Вярнуўшыся ў Кіеў, працягнула мастацкую дзейнасць у Тэатры-студыі акцёра Кіеўскай студыі ігравога кіно імя А. П. Даўжэнкі, Тэатры-студыі «Сузор’е» (Кіеў).

Здымалася ў 1980-1990-х гадах. Стварыла монаспектаклі паводле вершаў Марыны Цвятаевай і Лесі Украінкі.

У 2001 годзе сумесна з Юрыем Макаравым напісала сцэнар да 4-серыйнага дакументальнага фільма «Мой Шаўчэнка».

Працавала на ўкраінскім тэлебачанні ў якасці аўтара і вядучай тэлепраграмы «Імгненні вечнасці» на «Інтэры», затым творчым рэдактарам праграмы «Дакумент» у тэлерадыёкампаніі «Студыя 1+1». З моманту заснавання ў 2007 годзе штотыднёвага грамадска-палітычнага часопіса «Український Тиждень» працавала там журналістам, памочнікам шэф-рэдактара.

Вясной 2012 года ў Алены дыягнаставалі пухліну галаўнога мозгу IV стадыі. Алена Чэкан перанесла тры аперацыі, апошнюю гама-нож зрабілі ў Празе ў шпіталі "На Гамолцы! пры падтрымцы супрацоўнікаў пражскай студыі «Радыё Свабода». Франтмэн рок-гурта ДДТ Юрый Шаўчук прысвяціў ёй свае сольныя канцэрты падчас тура з праграмай «Інакш» 5 чэрвеня 2013 года ў Кіеве і 19 верасня 2013 года ў Адэсе, просячы публіку дапамагчы Алене сабраць сродкі на хіміятэрапію.

Памерла 21 снежня 2013 года пасля працяглай хваробы.

Фільмаграфія

Па інфармацыі ўкраінскіх СМІ, дэбютавала у кіно ў фільме «Салярыс» Андрэя Таркоўскага (не пазначана ў тытрах).

Здымалася ў асноўным у 1980-1990-х гадах. Іграла ў фільмах:

• «Нязручны чалавек»,
• «Сямейны круг»,
• «Пад свіст куляў»,
• «Жанчыны жартуюць усур’ёз» (1981, Ліза),
• «Гракі»,
• «Таямніцы святога Юра» (1982),
• «Тры гільзы ад англійскага карабіна» (1983),
• «У прывідаў у палоне» (1984),
• «Мост праз жыццё»,
• «Прэм’ера ў Сасноўцы»,
• «Набліжэнне да будучыні» (1986, эпізод),
• «Побач з табой»,
• «Да расследавання прыступіць»,
• «Цыганка Аза» (1987),
• «Блакітная ружа»,
• «Грэшнік» (1988, эпізод),
• «Як мужчыны пра жанчын гаварылі»,
• «Вязень замка Іф» (1988),
• «Штармавое папярэджанне»,
• «Дарога праз руіны»,
• «Хачу зрабіць прызнанне»,
• «Буйная»,
• «Допінг для анёлаў»,
• «Ніагара» (1991).