Прагляд зыходнага тэксту старонкі Минское слово

{{Газета}}
'''«Минское слово»''' — штодзённая грамадска-палітычная [[газета]] вялікадзяржаўнага [[шавінізм|шавіністычнага]] кірунку, якая выдавалася з 4 (17) лістапада 1906 да 15 (28) чэрвеня [[1912]] у Мінску на [[Руская мова|рускай мове]]. Рэдактары і выдаўцы [[Густаў Карлавіч Шмід|Г. Шмід]], [[Дзмітрый Васільевіч Скрынчанка|Д. В. Скрынчанка]], І. Паўловіч, [[А. Краскоўскі]], [[Леў Мікалаевіч Цвяткоў|Л. Цвяткоў]]. 

Выступала як пераемнік газеты ''«[[Минская речь]]»''. Спачатку прымыкала да правых [[акцябрысты|акцябрыстаў]]<ref>Г. Шмід быў абараны ў [[Дзяржаўную дума Расійскай імперыі III склікання|III Дзяржаўную думу]] па спісе акцябрыстаў.</ref>, з 1907 года рэдактары газеты ўзначальвалі мінскае аддзяленне [[Саюз рускага народа|Саюза рускага народа]]. Атрымлівала грашовыя субсідыі з фондаў царскага ураду, падрымлівалася асабіста прэм’ер–міністрам [[Пётр Аркадзевіч Сталыпін|П. Сталыпіным]]. Друкавала матэрыалы, якія дыскрэдытавалі беларускае нацыянальнае адраджэнне, негатыўна ставілася да беларускага друку. Адмаўляла  нацыянальную і энтнакультурную самастойнасць беларускага народа, раіла выкрэсліць назвы Беларусь і беларусы, бо іх ''«у палітыцы і па нацыянальнасці не павінна быць»'' (4.11.1907, артыкул «Русские или белорусы»). Абражала беларускіх пісьменнікаў [[Ф. Багушэвіч|Багушэвіча]], [[Янка Купала|Купалу]], [[Якуб Колас|Коласа]], [[Цётка (Алаіза Пашкевіч)|Цётку]] і інш. Заклікала губернскую ўладу не абмяжоўвацца рэпрэсіямі беларускіх нацыянальных дзеячаў і «[[Наша ніва (1906)|Нашай нівы]]», а ''«вырвать зло в самом корне»''. У шматликіх аўтарскіх і рэдакцыйных артыкулах патрабавала ад урада забароны беларускай нацыянальнай культуры. 

На працягу 1912 года газета збірала і друкавала ў рубрыцы «Матэрыялы па гісторыі рэвалюцыйнага руху ў Беларусі» рознага кшталту дакументы (праграму [[БСГ]], беларускія брашуры і лістоўкі, матэрыялы пра настаўніцкі сход у Мікалаеўшчыне з удзелам Я. Коласа<ref>Адбыўся 9.7—10.7.1906 года, разагнаны паліцыяй</ref> і іншыя матэрыялы), да якіх дадавала тэндэнцыйныя каментарыі і тлумачэнні. Фактычна гэта было формай палітычнага даносу з боку газеты.

Накідвалася на рускую дэмакратычную прэсу, у форме лаянкі і паклёпу пісала пра творчасць [[Максім Горкі|Горкага]], [[Леанід Андрэеў|Андрэева]], [[Валерый Брусаў|Брусава]] і інш. [[Сацыял-дэмакратыя|Сацыял–дэмакратаў]] называла «оружием в руках евреев и их наймитов» (8.3.1908). Публікавала нататкі, якія носяць [[антысемітызм|антысеміцкі]] характар. У рэдакцыйным артыкуле «Мазепинцы» (11.1.1912) пісала: ''«Еврейско–[[масоны|масонский]] план разрушения русского государства в своей основе имеет объединение всех инородцев для совместного натиска на русскую государственность»''. За распальванне варожасці паміж народамі Расіі губернскія ўлады канфіскоўвалі асобныя нумары газеты, а на яе рэдактараў накладвалі спагнанні.

Праграму «Минского слова» працягвалі газеты ''«[[Минское русское слово]]»'', ''«[[Северо-Западная жизнь]]»''.

{{зноскі}}

== Літаратура ==
* «Минское слово» // {{Крыніцы/ЭГБ|5|''[[Уладзімір Конан|Конан, У. М.]]''}} — С. 203.

{{Бібліяінфармацыя}}
[[Катэгорыя:Заходнерусізм]]
[[Катэгорыя:Газеты Расійскай імперыі]]
[[Катэгорыя:Газеты на рускай мове]]
[[Катэгорыя:Газеты Мінска]]
[[Катэгорыя:З’явіліся ў 1906 годзе]]
[[Катэгорыя:1906 год у Мінску]]
[[Катэгорыя:Зніклі ў 1912 годзе]]
[[Катэгорыя:Саюз рускага народа]]