Google Chrome

	Google Chrome
Распрацоўка	Google
Апошняя вэрсія	103.0.5060.114 (4 ліпеня 2022 г.; 2 гады таму)
Напісаны на	C++, Асэмблер
АС	Microsoft Windows; Mac OS X; Linux
Тып	браўзэр
Ліцэнзія	BSD
Афіцыйная старонка	google.com/chrome

Гэта артыкул пра браўзэр. Калі вам патрэбны артыкул пра апэрацыйную сыстэму, глядзіце артыкул Google Chrome OS.

Google Chrome — браўзэр з адкрытым кодам, распрацаваны кампаніяй Google, для адлюстраваньня інфармацыі выкарыстоўваецца рухавік WebKit, распрацаваны для браўзэра Apple Safari на аснове KHTML. Першая публічная бэта-вэрсія для Microsoft Windows выйшла 2 верасьня 2008 году. Браўзэр распаўсюджваецца на ўмовах адмысловай ліцэнзіі EULA. Частка кода браўзэра, або ўвесь код адкрыты пад назвай «Chromium» пад ліцэнзіяй тыпу BSD і іншымі. Афіцыйны пераклад існуе на больш як 30 моваў, аднак не на беларускую, хоць саматужны пераклад на беларускую мову зрабілі 4 верасьня 2008 году^[2].

Апісаньне

У адрозьненьне ад іншых браўзэраў, у Chrome кожная ўкладка зьяўляецца асобным працэсам. У выпадку, калі працэс апрацоўкі зьмесціва ўкладкі завісьне, яго можна будзе зачыніць бяз рызыкі страціць усё зьвесткі ў браўзэры.

У Chrome для апрацоўкі сцэнараў JavaScript выкарыстоўваецца рухавік V8 JavaScript. Паводле тэсту хуткасьці^[3], хуткасьць апрацоўкі скрыптоў у Chrome прыкладна адпавядае хуткасьці апошніх вэрсіяў браўзэра Opera з каэфіцыентам 1,2Х (Opera 9.50a = 1.0Х, Opera 9.23 = 1.1Х, Safari 3.0.3 = 1.3Х).

Бязь ведама карыстача адпраўляе на сэрверы Гугла:

нумары вэрсіяў браўзэра й іншых праграмаў Google, усталяваных на кампутары;
пошукавыя запыты;
уведзеныя вэб-адрасы, у тым ліку нязнойдзеныя;
весткі аб вэрсіях Windows і DirectX;
сеціўны адрас карыстача^[4].

Гісторыя выданьняў

2 верасьня 2008 — кампанія Google абвясьціла аб выпуску ўласнага браўзэра Chrome. Першапачаткова Chrome выпушчаны толькі пад Microsoft Windows, пазьней плянуецца стварыць вэрсіі для апэрацыйных сыстэмаў Linux і Mac OS X.

Першае

12 сьнежня 2008 году^[5] Гугл выпусьціў Chrome 1.0 з наступнымі складнікамі ды ўласьцівасьцямі:

рухавік V8 JavaScript, што выкарыстоўвае віртуальную машыну для агляду й паскарэньня выкананьня яваскрыптоў;
адчынены рухавік вырысоўваньня WebKit;
адасобленасьць укладак і надбудоваў як асобных працэсаў дзеля абароны ад шкоднаснага коду;
падтрымка абароны ад фішынгу й шкоднасных сайтаў;
падтрымка абароны перадачы зьвестак;
вакно закладак^[6].

Другое

22 траўня 2009 году пабачыла сьвет другое выданьне з наступнымі зьменамі:

магчымасьць групаваць і перамяшчаць укладкі;
падтрымка поўнаэкраннага выгляду (пераход ажыцьцяўляецца клявішай F11);
аўтазапаўненьне формаў^[7];
магчымасьць рэдагаваць сьпіс хуткіх спасылак на часта наведваныя сайты, разьмешчаны на экране новай укладкі^[8].

Трэцяе

16 верасьня 2009 году адбыўся выпуск трэцяга выданьня праграмы з наступнымі абнаўленьнямі:

паскарэньне яваскрыпт-рухавіка на 25% (параўнальна з другім выданьнем);
падтрымка тэмаў;
скасаваньне пошукавага поля ў адчыненай укладцы^[9];
падтрымка загрузкі старонкі разам з разьмешчаным на ёй відэафайлам^[10].

Крыніцы

^ Abdul Syed (4 ліпеня 2022) Stable Channel Update for Desktop (анг.) Chrome Releases
^ Google Chrome — ужо і па-беларуску// Наша Ніва. 4 верасьня 2008
^ Web Browser Javascript Benchmark (анг.)
^ «Цікаўныя» браўзэры шпіёняць за карыстачамі// Беларускія навіны ІТ. 24 красавіка 2009
^ Выйшла фінальная версія Google Chrome// Беларускія навіны ІТ. 12 сьнежня 2008
^ Павел Міхайлаў. Google Chrome 1.0: вартасці і недахопы навінкі// Беларускія навіны ІТ. 19 сьнежня 2008
^ Google выпусціла Chrome 2// Беларускія навіны ІТ. 22 траўня 2009
^ Браўзэр Google Chrome стаў на 30% хутчэй// Беларускія навіны ІТ. 25 траўня 2009
^ Выйшла стабільная версія браўзэра Google Chrome 3.0// Беларускія навіны ІТ. 16 верасьня 2009
^ Google выпусціла Chrome 3.0// Беларускія навіны ІТ. 16 верасьня 2009

Вонкавыя спасылкі

Афіцыйны сайт (анг.)
Chrome і Байнэт

[1] Abdul Syed (4 ліпеня 2022) Stable Channel Update for Desktop (анг.) Chrome Releases

[2] Google Chrome — ужо і па-беларуску// Наша Ніва. 4 верасьня 2008

[3] Web Browser Javascript Benchmark (анг.)

[4] «Цікаўныя» браўзэры шпіёняць за карыстачамі// Беларускія навіны ІТ. 24 красавіка 2009

[5] Выйшла фінальная версія Google Chrome// Беларускія навіны ІТ. 12 сьнежня 2008

[6] Павел Міхайлаў. Google Chrome 1.0: вартасці і недахопы навінкі// Беларускія навіны ІТ. 19 сьнежня 2008

[7] Google выпусціла Chrome 2// Беларускія навіны ІТ. 22 траўня 2009

[8] Браўзэр Google Chrome стаў на 30% хутчэй// Беларускія навіны ІТ. 25 траўня 2009

[9] Выйшла стабільная версія браўзэра Google Chrome 3.0// Беларускія навіны ІТ. 16 верасьня 2009

[10] Google выпусціла Chrome 3.0// Беларускія навіны ІТ. 16 верасьня 2009

[1]

[2]

[3]

[4]

[5]

[6]

[7]

[8]

[9]

[10]