Скачкі ў ваду
Выгляд
![](http://upload.wikimedia.org/wikipedia/commons/thumb/4/4f/N657815313_2283069_8370.jpg/220px-N657815313_2283069_8370.jpg)
Скачкі́ ў ваду́ — спаборніцтвы сярод мужчынаў і жанчынаў па скачках з вышкі й трампліну ў ваду.
Складаюцца з сэрыяў абавязковых і адвольных скачкоў з трампліну (вышыня 1 і 3 м) і вышкі (5, 7,5 і 10 м). Існуюць 6 афіцыйных катэгорыяў скачкоў: зь пярэдняй стойкі ўперад і назад, з задняй стойкі ўперад і назад, зь вінтамі й са стойкі на руках (толькі з вышак). Скачкі ацэньваюцца па 10-бальнай шкале.
Як від спорту ўзьніклі ў сярэдзіне ХІХ стагодзьдзя у Нямеччыне. У праграме Алімпійскіх гульняў з 1904 (мужчыны) і 1912 (жанчыны). Першы чэмпіянат Эўропы праведзены ў 1926, чэмпіянат сьвету — у 1973.
Найбольш пашыраны ў Кітаі, ЗША, Нямеччыне, Італіі, Мэксыцы, Расеі й інш.
Літаратура
[рэдагаваць | рэдагаваць крыніцу]- Петрыкаў А. Скачкі ў ваду // БЭ ў 18 т. Т. 14. Мн., 2002.