Д’ябал носіць Прада (фільм)

	Д’ябал носіць Прада
	па-ангельску: The Devil Wears Prada
Жанр	камэдыйная драма[d], драматычны фільм і экранізацыя раману[d]
Рэжысэр	Дэйвід Фрэнкел[d][…];
Сцэнарыст	Алін Брош Макена[d];
Заснаваны на	The Devil Wears Prada[d]
Прадусар	Ўэндзі Фінэрман[d];
У ролях	Мэрыл Стрып[…]; Эн Гэтэўэй[…]; Эмілі Блант[d][…]; Стэнлі Туччы[d][…]; Сайман Бэйкер; Эдрыян Грэнье[d][…]; Трэйсі Томс[d]; Дэніел Санджата[d]; Жызэль Бюндхэн; Рэбэка Мэйдэр[d]; Брыджэт Гол[d]; Гайдзі Клюм; Джэймз Нотан[d]; Стэфані Шастак[d]; Валентына Гаравані[d]; Дэйвід Маршал Грант[d]; Джордж Ўулф[d]; Алексі Гілмар[d]; Джон Ротман[d]; Аліса Сатэрлэнд[d]; Хімэна Ояс[d];
Кампазытар	Тэадор Шапіра[d];
Апэратар	Флёрыян Бальгаўс[d];
Мантаж	Марк Ліволскі[d]
Вытворчасьць	20th Century Fox
Распаўсюд	InterCom[d] і Netflix
Дата выхаду	29 чэрвеня 2006, 12 кастрычніка 2006 і 30 чэрвеня 2006
Працягласьць	109 ± 0 хвіліна
Краіна	ЗША;
Мова	ангельская мова
Бюджэт	35 000 000 $
Прыбытак	326 551 094 $
	Старонка на IMDb
	Афіцыйны сайт

«Д’я́бал носіць Пра́да» (па-ангельску: The Devil Wears Prada) — амэрыканскі камэдыйна-драматычны фільм 2006 году рэжысэра Дэйвіда Фрэнкела і прадусара Ўэндзі Фінэрман. Сцэнар быў падрыхтаваны Алін Брош Макенай, і базаваўся на аднайменным рамане Лорэн Вайсбэргер 2003 году. У экранізацыі зьняліся Мэрыл Стрып у ролі Міранды Прыстлі, уплывовай рэдактаркі моднага часопісу, і Эн Гэтэўэй у ролі Андрэа «Эндзі» Сакс, выпускніцы каледжу, якая прыехала ў Нью-Ёрк і ўладкоўваецца на працу ў якасьці памочніцы Прыстлі. Эмілі Блант і Стэнлі Туччы выступаюць у ролі супамочніцы Эмілі Чарлтан і арт-дырэктара Найджэла Кіплінга адпаведна. У фільм таксама выконвалі ролі Эдрыян Грэнье, Сайман Бэйкер і Трэйсі Томс. Правы на экранізацыю раману былі набыьыя адразу пасьля выхаду кніжкі ў сьвет у 2003 годзе кампаніяй 20th Century Fox, аднак праект атрымаў разьвіцьцё толькі пасьля таго як была складзеная ўгода на ўдзел у фільме Мэрыл Стрып. Асноўныя здымкі доўжыліся 57 дзён і ў асноўным праходзілі ў Нью-Ёрку з кастрычніка па сьнежань 2005 году. Дадаткова некаторыя сцэны здымаліся ў Парыжы. За выкананьне ролі Стрып атрымала намінацыю на Оскар і прыз Залатога Глёбуса як найлепшая акторка ў камэдыі альбо м’юзыклю. Былі адзначаныя таксама выступі Блант і Гэтэўэй.

Сюжэт

Андрэа «Эндзі» Сакс (Эн Гэтэўэй) ёсьць пачаткоўкай-журналісткай, якая нядаўна скончыла Паўночна-заходні ўнівэрсытэт. Не зважаючы на ейныя кпіны з індустрыі моды праз дробнасьць і нязначнасьць, яна атрымлівае працу малодшага асабістага памочніка Міранды Прыстлі (Мэрыл Стрып), галоўнай рэдактаркі часопісу Runway, працу, аб якой марыць мільёны дзяўчатаў. Эндзі плянуе мірыцца з празьмернымі патрабаваньнямі і зьневажальным абыходжаньнем Міранды на працягу аднаго году толькі ў надзеі атрымаць працу рэпартэра альбо пісьменьніка ў іншым месцы. Спачатку Эндзі мітусіцца са сваёй працай і дрэнна ўпісваецца ў калектыў, бо зусім не клапоціцца пра моду. Асабліва кпіць зь дзяйчыны ейная калега старшая памочніца Эмілі Чарлтан (Эмілі Блант). На адной з нарадаў Міранда аблайвае Сакс перад усёй камандай, таму дзяўчына зьвяртаецца па дапамогу да арт-дырэктара Найджэла (Стэнлі Туччы), які навучае яе базавым прынцыпам моды. Эндзі пачынае стыльна апранацца і робіць высілкі дзеля сваёй пазыцыі, улагоджваючы ўсе прыхамаці і фантазіі Міранды. Праблемы ўзьнікаюць у ейных адносінах са сваім хлопцам Нэйтам (Эдрыян Грэнье), які ўсё часьцей лічыць, што яна марнуе ўвесь свой час, адказваючы на выклікі сваёй новай начальніцы.

Міранда пачынае заўважаць зьмены ў зьнешнім выглядзе Эндзі, што падвышае ейную прыхільнасьць да падначаленай. Начальніца пачынае даваць ёй больш адказнасьці і складаных задачаў. Павольна, але ўпэўнена, Эндзі становіцца больш глямурнай і пачынае, не жадаючы спачатку, прыстасоўвацца да філязофіі часопісу. Яна паступова пачынае пераўзыходзіць Эмілі ў сваёй працы. Тым часам Эмілі захоплена думкамі аб удзеле ў Парыскім тыдні моды ў якасьці памочніцы Міранды і пачынае губляць здароўе, спрабуючы выкарыстоўваць экстрэмальныя дыеты. На дабрачыннай акцыі яна ня можа даць інфармацыю пра госьця, які накіроўваецца да Міранды. Эндзі здолела выратаваць Міранду ад зьбянтэжанасьці і ўзнагароджваецца тым, што яе просяць замяніць Эмілі ў якасьці памочніцы Міранды на тыдні моды. Міранда кажа Эндзі паведаміць аб гэтым рашэньне Эмілі, але калі Эндзі тэлефануе Эмілі, тую зьбівае самаход, у выніку чаго Эмілі трапляе ў шпіталь. Затым Эндзі расказвае навіну Эмілі, якая акрыяла, але тая прыходзіць у лютасьць. Калі Эндзі распавядае Нэйту навіну, ён раззлаваны, бо бачыць што яна той, з каго калісьці кпіла, і яны разыходзяцца.

У Парыжы Эндзі даведваецца ад самой Міранды пра ейнае хуткае разжэнства. Пазьней той жа ноччу Найджэл кажа Эндзі, што пагадзіўся на працу ў якасьці крэатыўнага дырэктара ў будучага дызайнэра Джэймза Голта (Дэніел Санджата). Акрамя таго, Эндзі праводзіць ноч з прывабным маладым пісьменьнікам Крыстыянам Томпсанам (Сайман Бэйкер), які распавядае ёй, што Міранду зьбіраюцца замяніць Жаклін Фале (Стэфані Шастак) на пасадзе галоўнага рэдактару Runway. Спачуваючы Мірандзе ў ейнай цяперашняй сытуацыі, Эндзі спрабуе папярэдзіць яе ад звальненьні, але гэта не атрымліваецца. Тым ня менш, падчас абеду ў той жа дзень Міранда аб’яўляе Жаклін новым крэатыўным дырэктарам Голта, пакідаючы Эндзі і Найджэла ашаломленымі. Пазьней у аўтамабіле Міранда тлумачыць Эндзі, што яна ўжо ведала аб намеры яе замяніць і ахвяравала Найджэлам, каб захаваць сваю пасаду. Калі Эндзі выказвае пратэст супраць гэтага рашэньня, Міранда паказвае, што Эндзі зрабіла тое ж самае з Эмілі, пагадзіўшыся паехаць у Парыж. Калі яны спыняюцца, Эндзі выходзіць з самаходу і выкідае свой мабільны тэлефон у фантан на плошчы Згоды, пакідаючы Міранду і звальняючыся тым самым з пасады.

Крытыка

На Rotten Tomatoes фільм мае рэйтынг ухваленьня 75% на грунце 195 аглядаў, а таксама сярэдні рэйтынг 6,7/10. На думку крытыкаў, «Д’ябал носіць Прада» ёсьць рэдкім фільмам, які пераўзыходзіць паводле якасьці зыходны раман, а Мэрыл Стрып дасьціпна выкрыла вобраз прадстаўнікоў моднай сцэны Нью-Ёрку, а Эн Гэтэўэй пераўзышла самую сябе^[14]. На Metacritic фільм мае сярэднеўзважаныя 62 балы з 100 магчымых, заснаваныя на 40 крытычных рэцэнзіях, што сьведчыць пра ў цэлым пазытыўныя водгукі^[15]. Аўдыторыя, апытаная CinemaScore, паставіла фільму сярэднюю адзнаку B паводле шкалы ад A+ да F. Першапачатковыя рэцэнзіі на фільм былі сканцэнтраваныя ў першую чаргу на выкананьні ролі Стрып, ухваляючы яе за тое, што яна зрабіла надзвычай несымпатычны пэрсанаж значна больш складаным, чым яна была апісаная ў рамане. На думку крытыка Энтані Скота з выданьня The New York Times, зь срабрыстымі валасамі і бледнай скурай, ейным шэптам, такім жа дасканалым, як і паставай, Міранда ў выкананьні Стрып выклікае як жах, гэтак і матляньне^[16].

Крыніцы

^ http://www.imdb.com/title/tt0458352/
^ ^а ^б http://www.commeaucinema.com/notes-de-prod/le-diable-s-habille-en-prada,50220
^ ^а ^б http://www.filmaffinity.com/en/film845394.html
^ ^а ^б ^в ^г ^д ^е ^ё ^ж ^з https://www.siamzone.com/movie/m/4088
^ ^а ^б ^в http://www.metacritic.com/movie/the-devil-wears-prada
^ ^а ^б ^в ^г http://www.film-o-holic.com/dvd-arvostelut/paholainen-pukeutuu-pradaan
^ ^а ^б ^в http://www.allocine.fr/film/fichefilm_gen_cfilm=61445.html
^ ^а ^б ^в ^г ^д http://www.fotogramas.es/Peliculas/El-diablo-viste-de-Prada
^ ^а ^б ^в ^г ^д ^е ^ё ^ж ^з ^і http://www.imdb.com/title/tt0458352/fullcredits
^ ^а ^б ^в ^г ^д ^е Чэхаславацкая кінабаза (чэс.) — 2001.
^ выгрузка зьвестак Freebase — Google.
^ IMDb (анг.) — 1990.
^ IMDb (анг.) — 1990.
^ «The Devil Wears Prada». Rotten Tomatoes.
^ «The Devil Wears Prada: Reviews». Metacritic.
^ «In 'The Devil Wears Prada,' Meryl Streep Plays the Terror of the Fashion World». The New York Times.

Вонкавыя спасылкі

Д’ябал носіць Прада (анг.) на сайце IMDb
Д’ябал носіць Прада на сайце «Rotten Tomatoes» (анг.)
Д’ябал носіць Прада на Metacritic

[_0af7cb967ffcc043-1] ttps://www.imdb.com/title/tt0458352/

[_78e7ae6258bcfa5f-2] а ^б http://www.commeaucinema.com/notes-de-prod/le-diable-s-habille-en-prada,50220

[_9e155c9105e2a281-3] а ^б http://www.filmaffinity.com/en/film845394.html

[_fa281cdc729a36ff-4] а ^б ^в ^г ^д ^е ^ё ^ж ^з https://www.siamzone.com/movie/m/4088

[_a3daec3e1cb96cef-5] а ^б ^в http://www.metacritic.com/movie/the-devil-wears-prada

[_f57f28fbab29e643-6] а ^б ^в ^г http://www.film-o-holic.com/dvd-arvostelut/paholainen-pukeutuu-pradaan

[_ecd5b4793dd9fbaf-7] а ^б ^в http://www.allocine.fr/film/fichefilm_gen_cfilm=61445.html

[_0fda1b81e50c6c63-8] а ^б ^в ^г ^д http://www.fotogramas.es/Peliculas/El-diablo-viste-de-Prada

[_da90e51413a07a4f-9] а ^б ^в ^г ^д ^е ^ё ^ж ^з ^і http://www.imdb.com/title/tt0458352/fullcredits

[_1ecf8a1df5596551-10] а ^б ^в ^г ^д ^е Чэхаславацкая кінабаза (чэс.) — 2001.

[_b84263a2c783b788-11] выгрузка зьвестак Freebase — Google.

[_3707bedb80a54edc-12] IMDb (анг.) — 1990.

[_6c74aed491d45616-13] IMDb (анг.) — 1990.

[14] «The Devil Wears Prada». Rotten Tomatoes.

[15] «The Devil Wears Prada: Reviews». Metacritic.

[16] «In 'The Devil Wears Prada,' Meryl Streep Plays the Terror of the Fashion World». The New York Times.

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]

[14]

[15]

[16]