Бог
![](http://upload.wikimedia.org/wikipedia/commons/thumb/4/4a/Spas_vsederzhitel_sinay.jpg/160px-Spas_vsederzhitel_sinay.jpg)
Бог — непазнавальная трансцэндэнтная Існасьць, стваральнік Сусьвету ці ўвасабленьне Сусьвету, альбо ягоных элемэнтаў для асобаў, якія спавядаюць рэлігію, маюць рэлігійны сьветапогляд, альбо прытрымліваюцца вучэньняў, якія ўключаюць у сябе панятак пра Бога. У рэлігійных вучэньнях, аб’яднаных прынцыпам тэізму, сьцьвярджаецца асабістае быцьцё Вышэйшага, ягонае асабістае стаўленьне (любоў) да створаных істотаў і Сусьвету ў цэлым, ягоная дыялягічныя самараскрыцьці ў актах адкрыцьця. Ідэя багоў паступова стала крышталізавацца ў розныя рэлігійныя традыцыі чалавецтва. Зыходная тэорыя разьвіцьця ёсьць прадстаўленьнем першабытных народаў пра сілы, дзеяньне якіх па-рознаму лякалізуецца на панараме сусьветнага цэлага[1].
Згодна з монатэістычнымі рэлігіямі Бог мысьліцца як найвышэйшая істота, стваральнік і галоўны аб’ект веры[2]. Панятак Бога, як яго апісваюць багасловы, звычайна ўключае ў сябе атрыбуты ўсёведаньня, усемагутнасьці, ўсюдыіснасьці, а таксама вечнае і неабходнае існаваньне. У залежнасьці ад пэўнай рэлігіі, гэтыя атрыбуты выкарыстоўваюцца альбо як аналёгія, альбо ў літаральным сэнсе, як розныя ўласьцівасьці. Бог часьцей за ўсё мысьліцца як безьцялесная істота[2][3]. Безьцялеснасьць і цялеснасьць Бога зьвязаны з уяўленьнямі аб трансцэндэнтнасьці і іманэнтнасьці Бога разам з пазыцыямі сынтэзу гэтых уяўленьняў, як то «іманэнтная трансцэндэнтнасьць». Некаторыя рэлігіі апісваюць Бога без прывязкі да плоці, у той час як іншыя рэлігіі адносяць Бога да мужчынскай плоці, выкарыстоўваючы такія тэрміны як «ён» ці «Айцец».
Бог разумеецца як асоба ці як безасабовая істота. У тэізьме, Бог зьяўляецца стваральнікам і судзьдзёй Сусьвету, у той час як у дэізьме, Бог зьяўляецца толькі стваральнікам і не кіруе Сусьветам. У пантэізьме, Бог ёсьць сам Сусьветам. У атэізьме Бог не існуе, і ў гэты ж час лічыцца невядомай ці неспазнавальнай істотай у кантэксьце агнастыцызму. Шматлікія сярэднявечныя і сучасныя філёзафы распрацавалі аргумэнты за і супраць ідэі існаваньня Бога[4].
Глядзіце таксама
[рэдагаваць | рэдагаваць крыніцу]- Панятак Бога ў політэізьме
- Панятак Бога ў юдаізьме
- Панятак Бога ў хрысьціянстве
- Панятак Бога ў ісламе
- Панятак Бога ў індуізьме
- Панятак Бога ў будызьме
- Тэлеалёгія
Крыніцы
[рэдагаваць | рэдагаваць крыніцу]- ^ Большая российская энциклопедия, Т.3. М., 2005. С.632. Автор определения — С. С. Аверинцев
- ^ а б Swinburne, R.G. «God» in Honderich, Ted. (ed)The Oxford Companion to Philosophy, Oxford University Press, 1995.
- ^ David Bordwell, 2002, «Catechism of the Catholic Church», Continuum International Publishing. — С. 84. — ISBN 978-0-86012-324-8.
- ^ Platinga, Alvin. «God, Arguments for the Existence of», Routledge Encyclopedia of Philosophy, Routledge, 2000.
Вонкавыя спасылкі
[рэдагаваць | рэдагаваць крыніцу] Бог — сховішча мультымэдыйных матэрыялаў