Беларуская сетка тэлекамунікацыяў
![]() | |
Тып | закрытае акцыйнае таварыства |
---|---|
Дэвіз | Свой сярод сваіх |
Заснаваная | 5 лістапада 2004 (19 гадоў таму) |
Заснавальнікі | «НДІ сродкаў аўтаматызацыі» (75%), «Белтэлекам» (25%) |
Уласьнікі | «Турксэл» |
Краіна | Беларусь |
Разьмяшчэньне | Менск |
Адрас | Ленінскі раён, Чырвонаармейская вул., д. 24[1] |
Ключавыя фігуры | Яйла Эрдал (генэральны дырэктар), Алтунташ Мурат (намесьнік па продажах)[1] |
Галіна | сфэра паслугаў |
Прадукцыя | сотавая сувязь[2] |
Паслугі | сотавая сувязь, доступ да Сеціва |
Абарачэньне | ![]() |
Апэрацыйны прыбытак | -32,6 млн $ (2010) |
Лік супрацоўнікаў | 500 (2022 год) |
Матчына кампанія | «Турксэл» |
«Беларуская сетка тэлекамунікацыяў» — прадпрыемства сотавай сувязі Беларусі, заснаванае ў лістападзе 2004 году.
На 2022 год «БеСТ» меў сотавую сетку «Лайф» з ахопам 94 % земляў Беларусі, на якіх пражывала звыш 99 % насельніцтва Беларусі. Сетка сувязі 4-га пакаленьня налічвала звыш 630 000 абанэнтаў. Па ўсё краіне працавала звыш 11 500 базавых станцыяў, зь якіх звыш 4000 належалі да 4-га пакаленьня сотавай сувязі. Гандлёвая сетка налічвала 9 уласных крамаў і 112 кропак продажу, а таксама звыш 160 дылерскіх шапікаў у 120 гарадах Беларусі. Сім-карткі «Лайф» прадавалі ў 1200 шапікаў па ўсёй Беларусі[3].
Гісторыя
[рэдагаваць | рэдагаваць крыніцу]Кампанія была зарэгістраваная 5 лістапада 2004 году, 24 сакавіка 2005 атрымала ліцэнзію на падаваньне паслуг сувязі стандарту GSM. Заснавальнікам ЗАТ зьяўляюцца Навукова-дасьледчае рэспубліканскае ўнітарнае прадпрыемства «НДІ Сродкаў Аўтаматызацыі» (УП «НДІ СА») і Рэспубліканскае ўнітарнае прадпрыемства «Белтэлекам» (РУП «Белтэлекам») зь дзелямі ў статутным фондзе 75 % і 25 % адпаведна. Абодва заснавальнікі — дзяржаўнай формы ўласнасьці. У ліпені 2005 г. БеСТ вызвалілі ад мясцовых падаткаў пры разбудове сеткі сувязі[4]. У верасьні пачалася і ў 2008 г. скончылася ўстаноўка абсталяваньня «Алкатэль» (Парыж, Францыя)[5], вырабленага ў Кітаі (Шанхай)[6]. У лістападзе зьявіўся сайт прадпрыемства зь беларускай вэрсіяй[7]. 21 сьнежня пачалося падлучэньне абанэнтаў[8].
У ліпені 2006 г. БеСТ пазычыў у Кітаі 234 млн $ на разбудову сеткі[9] (50 млн $ у кітайскага ўраду, 184 млн $ у Экспартна-імпартнага банку Кітая[10]). 20 ліпеня сетка пашырылася на Горадню[11], 3 жніўня — на Віцебск[12], 17 жніўня — на Магілёў[13], 31 жніўня — на Берасьце[14], 15 верасьня — на Гомель[15]. На 14 лістапада сетка пакрывала прастору пражываньня 35% насельніцтва Беларусі[16]. На 16 лістапада БеСТ падпісаў пагадненьні з «МТС» і «А1» пра супольнае выкарыстаньне вежаў сувязі з 2007 году[17].
У лістападзе 2007 году кампанія правяла рэбрэндынг, зьмяніўшы лягатып і ўсталяваўшы дэвіз «Свой сярод сваіх».
18 студзеня 2008 г. зьявілася магчымасьць аплаты паслугаў сувязі БеСТ у банкаматах Беларусбанка[18]. Турэцкая тэлекамунікацыйная кампанія Turkcell падпісала дамову аб набыцьці 80% акцыяў ЗАТ «БеСТ» 29 ліпеня 2008 году. Дамова куплі-продажы акцый падпісаны паміж Дзяржаўным камітэтам па маёмасьці Беларусі як прадаўцом, «Белтэл Тэлекамунікасьён Хізмэтлеры А. Ш.» у якасьці пакупніка і «Турксэл Ілетышым Хізмэтлеры А. Ш.» як гаранта. Дзель акцыяў кампаніі «БеСТ» набытая ў Дзяржкаммаёмасьці Беларусі (заснавальнікі кампаніі бязвыплатна перадалі яму права кіраваньня акцыямі) за $500 млн. у 3 этапы: 26 жніўня прадпрыемства сотавай сувязі «Турксэл» (Стамбул, Турцыя) пералічыла 300 млн $ за атрыманыя 80% акцыяў[19], 31 сьнежня 2009 і 2010 гадоў выплаціла яшчэ па 100 млн $[20][21]. Дадатковы плацёж у памеры $100 млн будзўзьведзены пасьля атрыманьня гадавога дадатнага прыбытку кампаніяй «БеСТ». Па завяршэньні ўгоды на пакінутыя 20% акцый БеСТ пачне дзейнічаць пяцігадовая забарона продажу. Такім чынам, кожнага абанэнта «БеСТа» турэцкая кампанія ацаніла ў $3947,4, а ўсю кампанію — у 468,75 паказчыкаў выручкі за мінулы год. З улікам абавязку «БеСТа», які, прыкладна складае каля $200 млн, фундатары з Турцыі ацанілі кожнага беларускага абанэнта прыкладна ў $5000, гэта беспрэцэдэнтны і рэкордны кошт на прасторы СНД. 3 сьнежня 2008 г. БеСТ зьмяніў гандлёвы знак на «Жыцьцё:)» (па-ангельску: Life:))[22].
9 траўня 2009 г. галасавое мэню сеткі стала падавацца й па-беларуску. 23 ліпеня Дзяржаўная камісія па радыёчастотах пры Савеце бясьпекі Рэспублікі Беларусь вылучыла ЗАТ «БеСТ» радыёчастотны спэктар для эксплюатацыі радыёэлектронных сродкаў сеткі сотавай рухомай электрасувязі трэцяга пакаленьня тэхналёгіі UMTS[23]. 2 лістапада адбыўся запуск сотавай сеткі 3-га пакаленьня[24].
7 сьнежня 2010 г. БеСТ атрымаў прызнаньне ў якасьці найбуйнейшай у краіне сотавай сеткі 3-га пакаленьня[25].
У сакавіку 2011 г. БеСТ праводзіў беларускамоўную рэклямную кампанію[26][27]. На 27 кастрычніка 2011 г. укладаньні БеСТ склалі 1 млрд $[28].
10 сьнежня 2022 году Дзяржаўны камітэт па маёмасьці Беларусі заключыў новае інвэстыцыйнае пагадненьне з «Турксэлам», які абавязаўся ўкласьці ў інфраструктуру «БеСТ» 100 млн даляраў цягам 2022—2032 гадоў. Пры гэтым астатнія 20 % паёў «БеСТ» перадалі «Турксэлу» за 1165,66 даляраў. Цягам 10-годзьдзя «Турксэл» меў выплаціць яшчэ 100 млн $ у выглядзе штогадовых адлічэньняў памерам прынамсі 50 % ад чыстага прыбытку. На час пагадненьня абанэнцкая база «БеСТ» складала 1,5 млн карыстальнікаў. Асноўным пайшчыкам «Турксэла» ад 2020 году быў Фонд народнага дабрабыту Турэччыны[29].
Статыстыка
[рэдагаваць | рэдагаваць крыніцу]Па стане на 1 лютага 2009 году сетка ахапляе 76,1% тэрыторыі краіны, на якой пражывае каля 98,8% гарадзкога насельніцтва. Сетка абслугоўваецца 726 сайтамі. Апэратар абслугоўвае 231 тыс. абанэнтаў. Тэрытарыяльна абанэнцкая база апэратара разьмяркоўваецца наступным чынам[30]:
- 30% — Менск і Менская вобласьць
- 17% — Берасьцейская вобласьць
- 14% — Гомельская вобласьць
- 14,5% — Гарадзенская вобласьць
- 14,5% — Магілёўская вобласьць
- 10% — Віцебская вобласьць
Апэратар life:) па выніках паўгодзьдзя 2009 году паказаў страты (мінусовае значэньне EBITDA) у памеры 14,56 млн даляраў пры выручцы на ўзроўні 3,59 млн даляраў. Па выніках другога квартала 2009 году паказчык EBITDA (прыбытак да выліку адсоткаў, падаткаў, амартызацыі і зносу) у life:) склаўся адмоўным у памеры 8,197 млн дол. супраць 6,369 млн даляраў трыма месяцамі раней. Выручка павялічылася больш за ўдвая да 2,554 млн дол., выдаткі засталіся фактычна на ранейшым узроўні — 2,79 млн дол. Абанэнцкая база life:) вырасла за квартал на 200 тыс. абанэнтаў і склала па стане на 1 ліпеня 600 тыс. кантрактаў.[31]
Дата | Колькасьць (тыс.) і дзель сотавых абанэнтаў | Ахоп насельніцтва |
---|---|---|
1 жніўня 2006 | 10 (0,19%[32]) | 0,1% |
7 лістапада 2007 | 176 (2,56%[33]) | 1,84% |
1 красавіка 2008 | 185 (2,57%)[34]) | 1,93% |
29 сьнежня 2009 | 1000 (11%)[35]) | 10,53% |
1 кастрычніка 2011 | 1252 (11,92%)[36]) | 13,23% |
1 кастрычніка 2020 | 1500 (12,43%)[37] | 15,94% |
Крытыка
[рэдагаваць | рэдагаваць крыніцу]![]() | Гэты артыкул можа зьмяшчаць матэрыял неэнцыкляпэдычнага характару. Калі ласка, палепшыце яго згодна з правіламі афармленьня артыкулаў. |
Гісторыя з мабільным апэратарам БеСТ выйшла вельмі павучальнай. Апынулася, што дзяржава ня ў стане стварыць прадпрыемства, якое б эфэктыўна працавала нават у такой пэрспэктыўнай сфэры, як мабільная сувязь. Таму, прамучыўшыся чатыры гады, беларускія ўлады прадалі БеСТ туркам.
Насуперак надзеям улад ніякай канкурэнцыі А1 і МТС новы апэратар скласьці ня змог. Да лістапада 2006 году на рахунку БеСТа было ўсяго-то каля 13 тысячаў абанэнтаў. Ды і наступныя тэмпы разьвіцьця не ўражвалі.
23 студзеня 2008 г. у Горадні пагаршалася якасьць сувязі праз адключэньне перадавальніка ў выніку нясплаты арэнды за разьмяшчэньне антэны[38]. А 7 лютага 2008 году намесьнік міністра сувязі і інфарматызацыі Ларыса Лабковіч заявіла, што ў працы БеСТа складаецца крытычная сытуацыя як з выкананьнем паказчыкаў па паслугах сувязі, так і зь іх фінансавым станам. Яна адзначыла, што гадавое заданьне па платных паслугах насельніцтву апэратар выканаў толькі на 13 адсоткаў.
«Беларускі дзяржапэратар БеСТ працуе стабільна і выконвае ўсе становішчы аб ліцэнзіі. Пад той аб'ём рынка, які яны плянуюць ахапіць, іншы фундатар не патрэбен», — заявіў у мінулым красавіку міністар сувязі і інфарматызацыі Беларусі Мікалай Панцялей. 27 чэрвеня Панцялей заявіў «Interfax», што перамовы аб продажы БеСТа на сёньняшні дзень не вядуцца. Але мінула ледзь больш месяца і высьвятлілася, што кантрольны пакет беларускага дзяржапэратара стаў уласнасьцю турэцкай кампаніі.
Па афіцыйнай інфармацыі Turkcell заплаціў за 80% акцый БеСТ 500 мільёнаў даляраў. Зараз будучае трэцяга апэратара выглядае куды цікавейшым. Спажыўцы таксама павінны выйграць ад абвастрэньня канкурэнцыі на беларускім рынку мабільнай сувязі. Толькі ўсё гэта магло здарыцца значна раней, калі бы ліцэнзію трэцяга апэратара першапачаткова падалі прыватнай кампаніі.
9 красавіка 2009 г. сотавы апэратар «А1» выявіў рассылку сваім абанэнтам некалькіх тысячаў спам-паведамленьняў аб тарыфэ «Сусьветны» сеткі «Лайф» і да 2-ой паловы 10-га дня красавіка блакаваў зыходныя кароткія паведамленьні ад «Лайф»[39]. Пры канцы 2009 году і ў 1-ай палове 2010-га[40] прадпрыемства ладзіла продаж 3G-мадэмаў у мясцовасьцях, дзе іх выкарыстаньне было немажлівым праз адсутнасьць 3G-сувязі[41].
У траўні — чэрвені 2011 г. «Лайф» блакаваў сваім абанэнтам доступ да сайтаў Хартыя’97, Беларускі партызан і prokopovi.ch[42][43].
Нумары абанэнтаў
[рэдагаваць | рэдагаваць крыніцу]- +375 25 xxx xx xx
У сувязі з уводам у Рэспубліцы Беларусь паслугі па міграцыі нумароў нумары абанэнтаў могуць прымаць значэньні:
- +375 29 xxx xx xx
- +375 33 xxx xx xx
- +375 44 xxx xx xx
Крыніцы
[рэдагаваць | рэдагаваць крыніцу]- ^ а б Кантакты (рас.) // ЗАТ «Беларуская сетка тэлекамунікацыяў», 2022 г. Праверана 13 сьнежня 2022 г.
- ^ https://life.com.by/company/about
- ^ Пра нас (рас.) // ЗАТ «Беларуская сетка тэлекамунікацыяў», 2022 г. Праверана 13 сьнежня 2022 г.
- ^ «БеСТу» льготы // Наша Ніва : Газэта. — 29 ліпеня 2005. — № 28 (434). — С. 5. — ISSN 1819-1614.
- ^ Апэратар сотавай сувязі ЗАТ «БеСТ» пачне дзейнасьць 18 верасьня гэтага года БелТА. Зьвязда, № 166 (25498) (2 верасьня 2005). Праверана 29 чэрвеня 2012 г.
- ^ Аляксандар Лукашэнка: «Нашы адносіны — гэта адносіны сяброў» Афіцыйна. Зьвязда, № 238 (25570) (6 сьнежня 2005). Праверана 29 чэрвеня 2012 г.
- ^ «БеСТ» мае беларускую вэрсію // Наша Ніва : Газэта. — 18 лістапада 2005. — № 43 (449). — С. 21. — ISSN 1819-1614.
- ^ Сьвятлана Барысенка (5 студзеня 2006) «БеСТ»: няма платы за паветра Розгалас. Зьвязда, № 2 (25591). Праверана 29 чэрвеня 2012 г.
- ^ Аляксей Арэшка (29 ліпеня 2008) Дзяржава прадала 80% акцыяў сотавага апэратара «БеСТ» турэцкай кампаніі Turkcell за 600 млн. даляраў Эканоміка. БелаПАН. Праверана 29 чэрвеня 2012 г.
- ^ Да візыту прэзыдэнта Беларусі ў Кітай Дасье. БелТА (11 кастрычніка 2010). Праверана 29 чэрвеня 2012 г.
- ^ Барыс Пракопчык (22 ліпеня 2006) Першы дзяржаўны апэратар GSM пачаў працаваць у Горадні Розгалас. Зьвязда, № 162 (25751). Праверана 29 чэрвеня 2012 г.
- ^ Аляксандар Пукшанскі (8 жніўня 2006) «БеСТ»: на сувязі Віцебск Розгалас. Зьвязда, № 173 (25762). Праверана 29 чэрвеня 2012 г.
- ^ Сяргей Куркач (22 жніўня 2006) Барыс Батура: «На Магілёўшчыне БеСТ павінен стаць сапраўды народным апэратарам сотавай сувязі» Розгалас. Зьвязда, № 183 (25772). Праверана 29 чэрвеня 2012 г.
- ^ Яна Сьветава (2 верасьня 2006) «БеСТ» прыйшоў у Берасьце Розгалас. Зьвязда, № 194—195. Праверана 29 чэрвеня 2012 г.
- ^ Уладзімер Пернікаў (20 верасьня 2006) БеСТ «даляцеў» і да Гомеля Рэшта. Зьвязда, № 209—210. Праверана 29 чэрвеня 2012 г.
- ^ Віктар Марозаў (14 лістапада 2006) «БеСТ»: танныя размовы Розгалас. Зьвязда, № 244 (25833). Праверана 29 чэрвеня 2012 г.
- ^ БеСТ будзе выкарыстоўваць вышкі МТС і Velcom // Наша Ніва : Газэта. — 24 лістапада 2006. — № 43 (497). — С. 19. — ISSN 1819-1614.
- ^ Аляксей Арэшка (18 студзеня 2008) Аплата паслуг апэратара сотавай сувязі «БеСТ» стала магчымай ва ўсіх банкаматах «Беларусбанка» Эканоміка. БелаПАН. Праверана 29 чэрвеня 2012 г.
- ^ Аляксей Арэшка (29 жніўня 2008) Апэратар сотавай сувязі «БеСТ» адкрыў свой першы цэнтар абслугоўваньня ў Горадні Эканоміка. БелаПАН. Праверана 29 чэрвеня 2012 г.
- ^ Ягор Марціновіч (4 студзеня 2010) Turkcell заплаціў за «Бест» яшчэ 100 мільёнаў. Наша Ніва. Праверана 29 чэрвеня 2012 г.
- ^ Turkcell пералічыла 100 млн. даляраў за «БеСТ». Telegraf.by (31 сьнежня 2010). Праверана 29 чэрвеня 2012 г.
- ^ На айчынным рынку мабільнай сувязі афіцыйна зьявіўся новы брэнд - «Life:)» («Жыцьцё») Эканоміка. Белтэлерадыёкампанія (3 сьнежня 2008). Праверана 29 чэрвеня 2012 г.
- ^ Аляксей Арэшка (19 жніўня 2009) Генэральны дырэктар ЗАТ «БеСТ» Азджан Эрміш: На працягу шасьці-дзевяці месяцаў мы плянуем зрабіць паслугі 3G-тэхналёгіі даступнымі ўсяму насельніцтву Беларусі Відэа. БелаПАН. Праверана 29 чэрвеня 2012 г.
- ^ У Беларусі запушчана першая 3G-сетка стандарту UMTS Грамадзтва. БелТА (2 лістапада 2009). Праверана 29 чэрвеня 2012 г.
- ^ Аляксей Арэшка (9 сьнежня 2010) Life:) адстаяў у судзе права называць сваю 3G-сетку «найбуйнейшай у Беларусі» БелаПАН. Наша Ніва. Праверана 29 чэрвеня 2012 г.
- ^ Яўген Васількоў (3 сакавіка 2011) Life:) рыхтуе беларускамоўную рэкламную кампанію. Наша Ніва. Праверана 29 чэрвеня 2012 г.
- ^ Сямён Печанко (8 сакавіка 2011) Life :) «Бывайце здаровы, жывіце багата!». Наша Ніва. Праверана 29 чэрвеня 2012 г.
- ^ Мабільны апэратар Life даў беларускай эканоміцы мільярд даляраў. Эўрапейскае радыё для Беларусі (27 кастрычніка 2011). Праверана 29 чэрвеня 2012 г.
- ^ Антон Гардзялкоўскі, «Офіс мэдыя». Турэцкі «Турксэл» стаў 100%-ым уладальнікам апэратара «БеСТ» // Беларускае радыё «Рацыя», 10 сьнежня 2022 г. Праверана 13 сьнежня 2022 г.
- ^ БеСТ распавёў аб разьмеркаваньні абанэнцкай базы па рэгіёнах (рас.)
- ^ За паўгодзьдзе life:) спрацаваў у страту на 14,56 млн даляраў (рас.)
- ^ Аляксей Раманчук (4 жніўня 2006) Нас, «мабільных», — 5 мільёнаў БелТА. Зьвязда, № 171 (25760). Праверана 29 чэрвеня 2012 г.
- ^ Ігар Карней (7 лістапада 2007) Якія рэсурсы засталіся ў разьвіцьці мабільнай сувязі ў Беларусі? Эканоміка. Радыё «Свабода». Праверана 29 чэрвеня 2012 г.
- ^ Аляксей Арэшка (15 красавіка 2008) Беларускі дзяржаўны GSM-апэратар «БеСТ» у лютым—сакавіку падключыў толькі крыху больш як 1 тыс. абанэнтаў Эканоміка. БелаПАН. Праверана 29 чэрвеня 2012 г.
- ^ Аляксей Арэшка (29 сьнежня 2009) Life:) падключыў мільённага абанэнта БелаПАН. Наша Ніва. Праверана 29 чэрвеня 2012 г.
- ^ Андрэй Асфура (12 кастрычніка 2011) Сотавай сувязьзю ў Беларусі карыстаюцца 10,5 млн. абанэнтаў Эканоміка. БелТА. Праверана 29 чэрвеня 2012 г.
- ^ https://web.archive.org/web/20200607211959/https://42.tut.by/686077
- ^ Сяргей Апановіч (23 студзеня 2008) У Горадні за няплату арэнды адключылі перадатчык «БеСТ». Эўрапейскае радыё для Беларусі. Праверана 29 чэрвеня 2012 г.
- ^ Марына Носава (10 красавіка 2009) Апэратар velcom аднавіў прыём СМС з сеткі life:) у Беларусі Эканоміка. БелаПАН. Праверана 29 чэрвеня 2012 г.
- ^ Яўген Бяласін (10 жніўня 2010) Берасьцейцы ўсё часьцей судзяцца з апэратарамі мабільнага інтэрнэту. Эўрапейскае радыё для Беларусі. Праверана 29 чэрвеня 2012 г.
- ^ Ева Вайтоўская (3 чэрвеня 2011) Незадаволеныя «Лайфам» карыстальнікі скардзяцца на папулярнага апэратара мабільнай сувязі Эканоміка. Новы час. Праверана 9 жніўня 2011 г.
- ^ 3G life заблакаваў доступ да сайтаў prokopovi.ch і charter97.org. Наша Ніва (21 траўня 2011). Праверана 29 чэрвеня 2012 г.
- ^ life:) разблакаваў апазыцыйныя сайты. Telegraf.by (21 чэрвеня 2011). Праверана 29 чэрвеня 2012 г.
Вонкавыя спасылкі
[рэдагаваць | рэдагаваць крыніцу]- Афіцыйны сайт life:)
- Андрэй Беркутаў (12 кастрычніка 2009) Званіць і неабавязкова Інтэрвію. Беларускае тэлеграфнае агенцтва. Праверана 29 чэрвеня 2012 г.