Kundalini

Kundalini, chakras, asin nadis.

Sa Hinduismo, an Kundalini (Sanskrito: कुण्डलिनी, romanisado: kuṇḍalinī, lit. 'nakapuripot na halas', pluasyon ) sarong porma nin enerhiyang pambabae nin Dios (o Shakti) na tinutubod na yaon sa pamitisan kan gulod, sa muladhara. Importanteng konsepto iyan Śhaiva Tantra, kun saen tinutubod na iyan sarong pwersa o kapangyarihan na konektado sa banal na babae o sa daing pormang aspekto kan Diosa. An enerhiyang ini sa hawak, kun pinapatalubo asin pinupukaw sa paagi kan kaugalian na tantriko, tinutubod na minagiya pasiring sa espiritwal na katalingkasan. An Kuṇḍalinī kaayon ki Parvati o Adi Parashakti, an supremong persona na yaon sa Shaktismo; asin kan mga diyosang Bhairavi asin Kubjika. An termino, kaiba an mga kaugalean na konektado diyan, inarog sa Hatha yoga kan ika-9 na siglo. Poon kaidto inarog iyan sa iba pang klase nin Hinduismo siring man sa modernong espiritwalidad asin kaisipan sa panahon nin Bagong edad.

An mga pagkagimata kan kuṇḍalinī sinasabing may laen-laen na paagi. An dakol na sistema nin yoga nakasentro sa pagpukaw sa Kuṇḍalinī sa paagi kan: meditasyon; paghangos na pranayama; an pagpraktis nin asana asin pagkanta kan mantras. An Kundalini Yoga naimpluwensiyahan kan Shaktismo asin mga eskwelahan nin Tantra kan Hinduismo. Nakua kaini an pangaran niya sa pagsentro kan enerhiyang kundalini sa paagi kan regular na pagpraktis kan Mantra, Tantra, Yantra, Asanas o Meditasyon.