Zheng He
![](http://upload.wikimedia.org/wikipedia/commons/thumb/2/28/Admiral_Zhenghe.jpg/220px-Admiral_Zhenghe.jpg)
Da Zhèng Hé (kin. 鄭和 / 郑和, W.-G. Cheng Ho), Gebuatsnam Mǎ Sānbǎo (馬三寶 / 马三宝), muslimischa Nama Hajji Mahmud Shams (* 1371 in Kunming in da Provinz Yunnan; † 1433 oda 1435) wor a kinäsischa Admirai.
Da Zheng He hod mit grouße Flottn zwischn 1405 und 1433 siebn große Expeditiona inn Pazifik und an Indischn Ozean untanumma. Dabei hod er ned nur erfolgreich as Piratenunwesen bekämpft, sondan a d'Meeae bis nach Arabien und Ostafrika dafoascht. Seine Dschunken, de mit nei Masten angebli zu de größtn Holzschiffe vo alle Zeitn ghört hom, hom dabei mehr als 50.000 Kilometa zruckglegt.[1]
Sei Beinam San Bao (三寶) hod Spekulationa driba ausgläst, dass da Muslim Zheng He as historische Vorbuid fia de arabische Songgstoit Sindbad da Seefoara gwen sei kunnt.
Lebn und Reisn vom Zheng He
[Werkeln | Am Gwëntext werkeln]Kindheit und Afstieg
[Werkeln | Am Gwëntext werkeln]Da Zheng He is zua Zeid voda Ming-Dynastie in Kunyang, am heiting Puning, in da siidkinäsischn Provinz Yunnan ois Suhn vo ana muslimischn Famij gboren worn. Sei Geburtsnama war Ma He. Er war a direkta Nachkomm – in sechsta Generation – vom berihmtn, in de Deanst vo de Mongoln stehadn Minista Sayyid ’Umar Shams al-Dīn (1211–1279), dem seine Vorfoarn urspringli aus Buchara kema san und ois Nachfoarn vom Mohammed goitn hom. Sei Großvoda und Voda ham, oi glaibige Muslime, olle zwoa de Hadsch, de Puigafoart af Mekka, absolviad ghobt. Im Joar Hongwu 15 (1382) is a ois ejfjaariga Bua in Gfangaschoft vo de Ming-Truppn kema, de grad de Provinz Yunnan befriedet ghobt ham. Mit 13 Joarn is a kastriad worn und ois Deana znagst anan Hof vom Prinzn von Yan, Zhu Di, kumma, dea wo spada ois Cheng Zu da Yongle-Kaiser (1403–1424) vo da Ming-Dynastie wean suit.
Da Ma He hod si als außergewöhnlicha Diena zoagt und is in da Kriagskunst und Diplomatie untawiesn worn. Da Prinz Zhu Di hod am Ma He an neia Nama Zheng He (Cheng Ho) gem, nachdem as Pferd vom Eunuchn in ana Schlacht bei Zhenglunba gtötet worn is. Als weitera Nama vom Zheng He tritt San Bao af, was „drei Juwelen“ bdeitet. Da Zheng He war nach de Berichte a imposante Erscheinung. Ea soi iba zwoa Meta groß und recht wampad gwen sei (wos bei ana Kastration voam End vom Wachsdum recht glaubhaft is) und a diafe recht duachdringade Stimm ghobt ham (Kastration nachm Stimmbruch?).
Ois da Prinz Zhu Di im Joar 1402 Koasa worn is, hod des a an erheblichn Machtzuawox fian Zheng He bedeidd. 1403 hod da Koasa eam zum Admirai gmocht und befoin, Floddn vo Schatzschiffe zum baun und damit de Gwassa rund um Kina zum dakundn. Da Admirai Zheng He wor da easchte Eunuch, dea wo so a hoche Position in de Armee vo Kina ghobt hod.
Vamuatli hod a af seine Roasn a Glasl mit seim Gmacht mitgfiad, damit a im Foi vo am Unglick wenigstns im Jenseits wieda "a ganza Mo" sei kunnt.
Schiff, Navigation
[Werkeln | Am Gwëntext werkeln]![](http://upload.wikimedia.org/wikipedia/commons/thumb/7/7f/ZhengHeShips.gif/250px-ZhengHeShips.gif)
De Floddn vom Zheng He hom aus Schiff vo vaschiedana Bauweisn bstondn, darunta riesige Dschunkn, de „Schatzschiffe“, de wo noch oidn kinäsischn Kronikn Moß vo bis zua 120 Meta Läne und 50 Meta Broadn ghobt ham. Olladings moant de modeane Foaschung, dass de Gräßnogobn woi stoark ibatriebn sand und de gräßtn Schatzschiffe nua eppa 59 bis 84 Meta[2] groß worn. Des worn de Flaggschiff vo da Floddn und san in Nanjing am Jangtse in Trockendocks baut worn. Um de Schiff hochseetichtig zu mocha, sans in Schoddenbauweis gfeatigt worn.[1]
Untar de Schiff worn a große Roßschiff, de wo nua Roß transportiad hom, Wossaschiff, de wo nua Frischwossa fia de Besotzung bfeadat ham, Vasoaga und Kriagsschiff. Zua de Vasoagungsschiff hsm a Agrarschiff ghesd, af dene Mungbohnlsoot obaut worn is. Unwissentli is so fia de Moschoftn de Gfoar, af hoha See an Skorbut zu dagranga, drastisch varingat worn.[1] Die Flotte hod tausende vo Tonnen chinesische Handelsgüter an Bord ghobt. Zur Navigation is scho da Kompass bnutzt worn, der in Kina im 11. Joarhundad dafundn worn is. Markiade Raichastabal hams ois Uhrn hergnumma. Jeda Dog hod zehn Wachn zu je 2,4 Stundn (2 h : 24 min) umfosst. De geografische Breite is durch Messung vo da astronomischn Häh vom Polarstern im Nordn und vomKreiz vom Siidn af da Siidhaloibkugl damiddelt worn.
Jubiläum
[Werkeln | Am Gwëntext werkeln]Am Zheng seine Roasn san im Joar 2005 gfeiat worn. In Qingdao is am 24. Mai 2005 d'Grüne Augenbraue in See gstochn, Nachbau vo oam vo de kleanan Seeschiff vo da historischn Floddn, um nach 40 Dogn in kinäsische Küstngwassa 17 asiatische und afrikanische Häfn so ozlaffa wia voa exakt 600 Joar da große Zheng.
Emso hod si vo Taiwan aus a private Expedition af seine Spurn afn Weg gmocht. In Nanjing is af seim unscheinborn Grab a Statue baut worn, wo Allahu akbar drauf gschriem stähd.
Literatua
[Werkeln | Am Gwëntext werkeln]- Jacques Gernet : Le monde chinois. 2. L'époque moderne X siècle – XIX siècle, Armand Colin, Paris, 2005,ISBN 2-266-16133-4
- Geoffrey J. Martin, Preston E. James: All Possible World's. A History of Geographical Ideas. Odyssey Pr., Indianapolis 1972, John Wiley & Sons, New York 1993, Oxford University Press, New York 2005. ISBN 0-471-06121-2, ISBN 0-19-516870-4
- J.V. Mills (Hrsg.): Ma Huan. Ying Yai Sheng Lan. The Overall Survey of the Ocean's Shores. 1433. Cambridge 1970.
- Leo Philip: Die Armada des Kaisers. in: GeoEpoche. H 8 – Das alte China., GEO, Hamburg 2000.
- Louise Levathes: When China Ruled the Seas. Simon & Schuster, New York 1994. ISBN 0-671-70158-4
- Qihuang Xie u. a.: Zhongguo shaoshu minzu lishi renwu zhi di yi ji. in: Historische Persönlichkeiten der Minderheiten-Völker Chinas. Bd 1. Beijing 1983, S. 101–105.
- Salmom, Claudine / Ptak, Roderich: Zheng He; Images & Perceptions In: South China and Maritime Asia, Volume 15, Hrsg: Ptak, Roderich /Höllmann Thomas, O. Harrasowitz Verlag, Wiesbaden, 2005
- Shusen Qiu: Zhongguo Huizu da cidian. in: Großes Lexikon der Hui-Nationalität Chinas. Nanjing 1992, S. 1018.
Spekulationa iwa weidane Roasn vo da Schotzfloddn
[Werkeln | Am Gwëntext werkeln]- Gavin Menzies: 1421. The Year China Discovered America Bantam Press, London 2002. ISBN 0-593-05078-9
- Gavin Menzies: 1421. Als China die Welt entdeckte. Droemer, Minga 2003. ISBN 3-426-27306-3
- P.J. Rivers: "1421" Voyages, Fact & Fancy. Ipoh 2004.
- Robert Finlay: How (not) to rewrite World History. Gavin Menzies and the Chinese Discovery of America, Journal of World History, Vol. 15, No. 2 (2004), S. 229–242 – Rezension
- W.A.R. Richardson: Gavin Menzies' cartographic fiction, the case of the Chinese 'discovery' of Australia. in: The Globe. Canberra 2004,56, 1 – 11. ISSN 0311-3930
Englisch
[Werkeln | Am Gwëntext werkeln]- Hok-lam Chan: The Chien-wen, Yung-lo, Hung-hsi, and Hsüan-te reigns, 1399–1435. In: The Cambridge History of China, Volume 7: The Ming Dynasty, 1368–1644, Part 1. Cambridge: Cambridge University Press 1998, ISBN 978-0-521-24332-2
- Deng, Gang (2005). Chinese Maritime Activities and Socioeconomic Development, c. 2100 BC – 1900 AD. Greenwood Press. ISBN 0-313-29212-4.
- Edward L. Dreyer: Zheng He: China and the Oceans in the Early Ming, 1405–1433. Longman 2007
- Duyvendak, J.J.L. (1938). "The True Dates of the Chinese Maritime Expeditions in the Early Fifteenth Century". T'oung Pao 34 (5): 341–413. doi: .
- Levathes, Louise (1996). When China Ruled the Seas: The Treasure Fleet of the Dragon Throne, 1405–1433. Oxford University Press, trade paperback. ISBN 0-19-511207-5.
- J. V. G. Mills: Ying-yai Sheng-lan, The Overall Survey of the Ocean's Shores (1433), translated from the Chinese text edited by Feng Ch'eng Chun with introduction, notes and appendices by J. V. G. Mills, White Lotus Press 1970
- Ming-Yang, Dr Su. 2004 Seven Epic Voyages of Zheng He in Ming China (1405–1433)
- Ray, Haraprasad (1987). "An Analysis of the Chinese Maritime Voyages Into the Indian Ocean During Early Ming Dynasty and Their Raison d'Etre". China Report 23 (1): 65–87. doi: .
- Viviano, Frank (2005). "China's Great Armada." National Geographic, 208(1):28–53, July.
Im Netz
[Werkeln | Am Gwëntext werkeln]- Die Schiffe des Drachen: Artikel aus Die Zeit
- Rekonstruktion vo an großen Schatzschiff (Seite nicht mehr abrufbar; Suche in Webarchiven) (chinesisch)
- QuickTime-Film über Schatzschiffe
- Les Sept Expéditions Ming de l'Amiral Zheng He, sur le site ArtsLivres.com
- Pourquoi les Chinois n'ont pas colonisé le monde plus tôt?, sur le site Novaplanet.com
- La «flotte des Trésors» largue les amarres, sur le site Herodote.net
- La longue léthargie de la Chine, sur le site du Monde
- Zhenghe (englisch)
- 1421 (Verlagswerbung zu dem Roman)
- Taipe Times: Following the wake of Zheng He
- The Society of Extreme Exploration, Taiwan
- Michael L. Bosworth: The Rise and Fall of 15th Century Chinese Seapower. 1999
- Duchesne, Ricardo (2006) Asia First? (Seite nicht mehr abrufbar; Suche in Webarchiven) The Journal of The Historical Society 6 (1), 69-91 – Zum Aufstieg vom Westen
- Zheng He – The Chinese Muslim Admiral
- Zheng He Journey to Arabia
- Zheng He 600th Anniversary
- BBC radio programme "Swimming Dragons".
- TIME magazine special feature on Zheng He (August 2001)
- Virtual exhibition from elibraryhub.com
- Ship imitates ancient vessel navigated by Zheng He (Seite nicht mehr abrufbar; Suche in Webarchiven) at peopledaily.com (25 September 2006)
- Kahn, Joseph (2005). China Has an Ancient Mariner to Tell You About. The New York Times.
- Newsletter, in Chinese, on academic research on the Zheng He voyages
- 國立成功大學鄭和研究站
Literatur von und über Keine Treffer im DDB-OPAC, 19. April 2007 im Katalog der Deutschen Nationalbibliothek