Commonwealth
![]() |
Fia andane Bedeitunga schau: Commonwealth (Begriffsklearung). |
Commonwealth of Nations | ||
---|---|---|
![]() Kortn vo de Commonwealth-Mitglieda | ||
Englische Bezeichnung | Commonwealth of Nations | |
Sitz vo de Organe |
Marlborough House, London, UK | |
Vuasitz | Charles III. (Obahapt) Paul Kagame (Vorsitzenda) Patricia Scotland (Generalsekretärin) | |
Mitgliedstootn |
56 | |
Amts- und Orwatssprochn | ||
www.thecommonwealth.org |
Da Commonwealth oda Commonwealth of Nations (bis 1947: British Commonwealth of Nations) is a loose Stootnvabindung, de wo in easchta Linie aus ehemolign Kolonien vum British Empire bstäht und aus em Vaeinigtn Königreich vo Großbritannien und Nordirlond. Da Nama Commonwealth stommt aus dem Englischn und bedeitet gmoasoma Woistond (common = gmoasom / wealth = Woistond). De Vabindung zuit dahea af wirtschafdliche Zammaorbat ob und geopolitischn Einfluss. Des aloanige Obahapt vom Commonwealth is da Kenig oda de Kenigin vo Großbritannien; zua Zeit da Kenig Charles III. In de Commonwealth Realms is da Kenig oda de Kenigin ah no Staatsoberhaupt.
Gschicht
[Werkeln | Am Gwëntext werkeln]Des Commonwealth of Nations is a Vaeinigung vo unobhängign, souveräna Stootn, des wo hei ois Nochfoiga vom British Empire gsegn wean ko. De Grindung woa a Reaktion vo da britischn Regiarung Ofong vom 20. Joahundat af de Foadarunga noch Autonomie vo de britischn Ibaseegebiet, wia z. B. Kanada, Sidafrika, Australien und Neiseeland, um so es Empire stärka an de Krone z bindn.
Im Balfour-Bericht vum 18. Novemba 1926 wead festglegt, dass de Dominions autonome Gmoaschoften innahoib vom British Empire san, in koana Weis jemand untagordnet, nua duach de Treie zua Krone vabundn (“[...] are autonomous Communities within the British Empire, equal in status, in no way subordinate one to another in ay aspect of their domestic or external affairs, though united by a common allegiance to the Crown, and freely associated as members of the British Commonwealth”). Des gonze is nacha spada, am 11. Dezemba 1931 nuamoi im Statut vo Westiminster niedagschribn woan.
Mid de Beitritt vo Indien, Ceylon (heit: Sri Lanka) und Pakistan is es sogenennte neie Commonwealth entstondn. 1957 is mit da ehemolign britischn Kolonie Goidküstn (Ghana), a middlafrikanischs Lond im Commonwealth beitretn. Mit da Zeit wead es Commonwealth a Affongbeckn fia de friahan Kolonien vom British Empire. Ob 1950, da Ausruafung vo da Republik in Indien, is es aa koa Beitrittsbedingung mea, en britischn Kenig oda de britische Kenigin ois oagnas Stootsobahapt onzakenna. Boid vadoppet si de Ozoi vo de Mitglieda. 1955 hod da Commonwealth nua 8 Mitglieda ghobt und im Joar 1964 scho zwanzge. In da Foige vo dera Aweitarung is im Joar 1965 es sognennte Commonwealth Secretariat grindt woan und daduach is da Commonwealth a multiethnische und a multikulturelle Organisation woan, genau des wos es heit aa no is. Mit dem Beitritt vo Mosambik im Joar 1995, wead easchtmols a Lond afgnomma worn, des wo nia a britische Kolonie woa (Mosmabik woa portugisisch).
Commonwealth Heit
[Werkeln | Am Gwëntext werkeln]Zuazeit umfosst da Commonwealth of Nations 56 Mitgliedsstootn, vo dena 15 (de sognenntn Commonwealth Realms) in a Personalunion mid Großbritannien vabundn san, des hoasst, dass de Queen, es offizielle Stootsobahapt vo de Lända is. Olladings wead seit de 1970a Joar, wen ma vom Stootsobahapt vo z. B. Kanada redt, neama Queen/King of the United Kingdom gsogt, sondan ma spricht nacha, um de oagne Suveränität z fiarazhebm vo da Queen of Canada oda vom King of Canada. So is aa mit de ondan 15 Commonwealth Realms.
Heit lebn 26% da gsomtn Wejdbevökarung in Stootn de wo em Commonwealth onkean; da bevejkarungsreichste Stoot darunta is Indien mit mea ois oana Milliarde Eihwohna, weidas hom Bangladesch und Pakistan meara ois wia 100 Milliona Eihwohna. Mitglieda san oba a kloane Stootn wia de Inslgruppn Tuvalu im Pazifik, mit nua etwa 11.500 Eihwohna.
Wen a Mitgliedsstoot heit zua Republik wead, muass a automatisch austretn, ko oba af Otrog wieda afgnumma wern. Ois Irland si zua Republik ausgruafa hod, is des olladings neama wieda entretn. Es sognennte Commonwealth Office is de absolute Zentrale vom Commonwealth und sitzt in London. Ähnlich wia bei da UNO schickt jeds Lond an Vatreta dohin. Zuasäzlich dazua treffa si de Stoots- und Regierungschefs vo de Mitgliedsstootn olle 2 Joar zu am 1-wäching Gipfetreffn. Da Gipfe findt jeds Mol in am ondan Mitgliedstoot stott und weat traditionell vum britischn Monarchn, deazeit Kenig Charles III., aeffnet.
Obahaipta
[Werkeln | Am Gwëntext werkeln]![](http://upload.wikimedia.org/wikipedia/commons/thumb/5/5f/Elizabeth_II_greets_NASA_GSFC_employees%2C_May_8%2C_2007_edit.jpg/220px-Elizabeth_II_greets_NASA_GSFC_employees%2C_May_8%2C_2007_edit.jpg)
- Kenig George V. (1931–1936)
- Kenig Edward VIII. (1936)
- Kenig George VI. (1936–1952)
- Kenigin Elizabeth II. (1952–2022)
- Kenig Charles III. (seit 2022)
Generalsekretäre
[Werkeln | Am Gwëntext werkeln]- Arnold Smith (aus Kanada / 1965 - 1975)
- Shridath Ramphal (aus Guyana / 1975 - 1990)
- Emaku Anyaoku (aus Nigeria / 1990 - 1999)
- Don McKinnon (aus Neiseelond / 1999 - 2008)
- Kamalesh Sharma (aus Indien / seit 1. Aprui 2008)
- ...
- Patricia Scotland (aus Dominica / seit 2017)
Commonwealth Realms
Schau aa unta: Commonwealth Realms
- Antigua und Barbuda
- Australien
- Bahamas
- Barbados
- Belies
- Grenada
- Tschamaika
- Kanada
- Neiseelond
- Papua.Neiguinea
- Salomonen
- St. Kitz und Newis
- St. Luzia
- St. Vincent und de Grenadinen
- Tuvalu
- Vaeinigtes Kenigreich
Mitglieda
[Werkeln | Am Gwëntext werkeln]Deazeit hot da Commonwealth 56 Mitglieda (Beitrittsjoa in Klomma):
- Australien (1931)
- Kanada (1931)
- Neiseelond (1931)
- Südafrika (1931; Austritt 1961, Wiedaeintritt 1994)
- Vaeinigtes Kenigreich (1931)
- Indien (1947)
- Pakistan (1947; Austritt 1972, Wiedaeintritt 1989, Suspendiarung vu 1999 bis 2004, erneute Suspendiarung am 22. Novemba 2007, Wiedaaufnohme am 12. Mai 2008)
- Sri Lanka (1948)
- Gabun (2022)
- Ghana (1957)
- Malaysia (1957)
- Nigeria (1960; Suspendiarung vu 1995 bis 1999)
- Sierra Leone (1961)
- Tansania (1961)
- Togo (2022)
- Zypern (1961)
- Jamaika (1962)
- Trinidad und Tobago (1962)
- Uganda (1962)
- Kenia (1963)
- Malawi (1964)
- Sambia (1964)
- Malta (1964)
- Gambia (1965)
- Singapua (1965)
- Barbados (1966)
- Lesooto (1966)
- Guyana (1966)
- Botsuana (1966)
- Fidschi (1970; Austritt 1987 und Wiedaeintritt 1997, Suspendiarung vu 2000 bis 2001, aneite Suspendiarung am 8. Dezember 2006)
- Maurizius (1968)
- Eswatini (1968; bis 2018 Swasilond)
- Samoa (1970)
- Tonga (1970)
- Bangladesch (1972)
- Bahamas (1973)
- Grenada (1974)
- Papua-Neiguinea (1975)
- Seeschelln (1976)
- Dominika (1978)
- Salomoonen (1978)
- Tuvalu (1978)
- Kiribati (1979)
- St. Vincent und de Grenadinen (1979)
- St. Luzia (1979)
- Wanuatu (1980)
- Antigua und Barbuda (1981)
- Belies (1981)
- Malediwn (1982)
- St. Kitz und Newis (1983)
- Brunei (1984)
- Namibia (1990; obwohl Namibia bis 1916 deitsches Protektorat woa, do es danoch unta südafrikanischa Vawoltung stond)
- Kamerun (1995; obwohl Kamerun bis 1916 deitsches Protektorat bzw. Ost-Kamerun ob 1919 franzesisches Mandats-/Troihondgebiet woa. Nua es kloanere West-Kamerun woa britisches Mandats-/Troihondgebiet)
- Mosambik (1995; ols ehemolige portugisische Kolonie da oanzige Mitgliedstoot, dea a nit partiell jemois Toal vum britischn Kolonialreich woa)
- Nauru (1999)
Ehemohige Mitglieda
[Werkeln | Am Gwëntext werkeln]- Irland hod de Union 1949 valossn
- Simbabwe is am 7. Dezemba 2003 austretn mit voruasgehenda Suspendiarung vum 20. März 2002
Eehnliche Vabindunga
[Werkeln | Am Gwëntext werkeln]- Frankophonie
- Gmoaschoft vo de unobhängign Stootn (GUS)
- Gmoaschoft vo de Portugisisch-Sprechendn Lända (CPLP)
- Niedaländische Sprochunion