Abimanyu

Abimanyu

अभिमन्यु
llustrasi Abimanyu saking buku Maha-Bharata, The Epic of Ancient India olih Romesh Dutt, 1899.
Tokoh Mahabharata
Wastan	Abimanyu
Ejaan Déwanagari	अभिमन्यु
Ejaan IAST	Abhimanyu (Abhi-man-yu)
Wastan liyanan	Partasuta, Partatmaja, Saubadra, Sakratmajatmaja Versi wayang: Angkawijaya, Jaka Pengalasan, Jaya Murcita, Wanudara, Wirabatana
Kitab pustaka	Mahabharata
Saking	Kerajaan Kuru
Genah	Dwaraka Plangkawati (versi wayang)
Kasta	kesatria
Dinasti	Kuru
Klan	Candrawangsa
Senjata	panah
Aji	Arjuna
Biyang	Subadra
Rabi	Utari Sasirekha (Mahabharata versi Telugu) Siti Sundari (versi wayang Jawa)
Okan	Parikesit

Abimanyu (Déwanagari: अभिमन्यु; ,IAST: Abhimanyu,; kaucapang 'abi-man-yu') inggih punika silih tunggil tokoh ring wiracarita Mahabharata. Dane putran Arjuna miwah Subadra. Ring wiracarita Mahabharata, kocap Abimanyu sane karencanayang pacang ngentinin Yudistira dados raja. Nanging pamuputne dane kacaritayang seda ring payudhan. Dane seda sajeroning payudhan ageng ring Kurukshetra pinaka silih tunggil kesatria pinih alit saking Pandawa, wireh daweg punika dane wawu mayusa nem belas tiban. Abimanyu nganten sareng Utari, putri Raja Wirata. Dane madue oka asiki mawasta Parikesit, sane embas sawusan Abimanyu seda mayudha.

Manut mitologi Hindu, Abimanyu inggih punika inkarnasi Warcasa, putra Dewa bulan. Dane masemaya, putran dane pacang tedun ka mercapada tur lamine wantah nembelas warsa, riantukan dane tan prasida lami mapalasan sareng okane. Abimanyu mayusa 16 tiban daweg seda ring payudhan.