چیلپاق مایا
چیلپاق مايا، يا دا چیلپاق ماژا (ایسپانيولجا: La Maja Desnuda)، ایسپانیالی نقاش(Francisco de Goya) فرانچیسکو دئ قويانین 1790 ایلنن 1800 يیللاری آراسیندا تاماملادیغی تخمین ائدیلن تابلوسودور. اثر بو آندا مادریددکی پرادو موزه سینده سرگیلنمکته دیر. رسام بو تابلويو، ایسپانيول انگیزیسيونونون چیلپاق خانیم رسیملرینین چکمه سینی ياساقلادیغی بیر دؤنمده، ایسپانيا باش وزیری مانوئل دئ گودويون ایسته یی اوزرینه چکدی. رسیم، گودويون کولکسیونونا 12 نوامبر 1800 تاریخینده آرتیریلدی.
![](http://upload.wikimedia.org/wikipedia/commons/thumb/6/67/Francisco_Goya_-_La_maja_desnuda%2C_photoshop%27ed.jpg/400px-Francisco_Goya_-_La_maja_desnuda%2C_photoshop%27ed.jpg)
قويا بو چالیشماسیندا، اوزرینده ياستیقلار اولان ياتاقدا اوزانمیش چیلپاق بیر قادینی بئتیملدی (تصویره چکدی). بو تابلو اون دوقوزونجو يوزيیل رومانتیزمیندکی ائروتیک تخیل محک داشلاریندان بیری اولدو. چیلپاق ماياداکی مودئلین، رسامین سو ساتیجیسی، گی یینیک مایا (ملبس مایا) و یئمیشان ساتیجیسی ایسیملی اثرلریندکی مودئللر کیمی صمیمی بیر شکیلده ایزله ينین گؤزلرینین ایچینه باخماسی، قادینا جینسل باخیشدان راحاتجا ال تاپما بیر ایماژ قازاندیرمیشدیر. قويانین بو رسمی، نقاشین خيال دونياسیندا، آشاغی طبقه دن قادینلارلا باغلی، چکینگن و اوتانجاق بیر گوناه ایشلمه ضربه سی اولدوغو شکلینده يوروملاندی. هونر تاریخچیسی تئودور هئتزر تابلويلا ایلگیلی گؤروشلرینی بئيله آچیقلادی:
“ قويا، بیزلری چیلپاق قادینین گرچکچی وجود ياپیسی اوزرینده دقیق اولمايا زورلادی. هیچ کیمسه رسمین گوج و انرژی صاحبی اولدوغونو ،رد ائدمز و بو اؤزللیک، قويانین دیگر تابلولاریندا دا واردیر. بوتون بو سؤيلدیکلریمین اؤته سینده، بو اثر، قويانین لاب کسکین اؤزللی یینی اورتايا چیخارتدی: اینسان ووجودونا يئنی گؤزلرله باخابیلمک."