Slayer
| Slayer | |
|---|---|
 | |
 Slayer, 2007-ci ildə | |
| Əsas məlumatlar | |
| Üslub |
treş-metal spid-metal |
| Fəaliyyət illəri | 1981—2019 |
| Ölkə |
 ABŞ |
| Şəhər | Hantinqton-Park, Kaliforniya |
| Leybl |
Metal Blade Records Def Jam Recordings American Recordings |
| Heyət |
Tom Araya Kerri Kinq Pol Bostaf Qeri Holt |
| Keçmiş üzvlər |
Ceff Hanneman Deyv Lombardo Con Dette |
| www.slayer.net | |
 Vikianbarda əlaqəli mediafayllar | |
Slayer — Kaliforniyanın Hantinqton şəhərində yaradılmış treş metal qrupu. Qrup 1981-ci ildə bassist-vokalist Tom Araya, və gitaraçılar Kerri Kinq və Ceff Hanneman tərəfindən yaradılmışdır. Slayer-in sürətli və aqressiv musiqi stili onları Metallica, Megadeth və Anthrax da treş metalın əsas "böyük dördlüy"ündən biri etmişdir. Slayer-in hazırkı heyəti Kinq, Araya, zərbçi Pol Bostaf və gitaraçı Qeri Holtdan ibarətdir. Hanneman və zərbçilər Dave Lombardo, Con Dette qrupun keçmiş üzvləridir.
Qrupun orijinal heyətində Kinq, Hanneman, Araya mahnıların sözlərini yazmış, Kinq və Hanneman isə qrupun bütün musiqiləri bəstələmişdirlər. Qrupun mahnılarının sözləri və albom üzlükləri qətl, seriyalı qatillər, nekrofiliya, işgəncə, insanlar üzərində aparılan eksperimentlər, satanizm, nifrət, terrorizm, din, anti-din, Nazism və mühəribələr mövzusunda olduğu üçün qrupun albomları qadağalara, gecikmələrə, məhkəmə işlərinə və dini qruplar və cəmiyyətin bir sıra dəstələri tərəfindən tənqidə məruz qalmışdır. Buna baxmayaraq onun musiqiləri yüksək dərəcədə təsirli olmuş və bir çox qruplar tərəfindən musiqisi, vizual imici və mahnı sözləri baxımından təsir mənbəyi olduğu vurğulanmış, qrupun üçüncü albomu olan Reign in Blood (1986) treş metal albomları arasında ən ağırlardan biri və ən təsirlisi olması hesab edilir.
Slayer bugünədək 12 studiya, 2 canlı albom, bir boks-set, 6 musiqi klipi, 2 EP və bir kover-albom buraxıb. Qrupun studiya albomlarından dördü ABŞ-də qızıl sertifikata layiq görülmüşdür. Qrup beş dəfə Qremmi mükafatı nominasiyası olmuş, Christ Illusion (2006) albomundakı 2 mahnıya — 2007-ci ildə "Eyes of the Insane", 2008-ci ildə isə "Final Six" mahnısına görə bu mükafatın qalibi olmuşdur. 1991–2013-cü illər arasında qrupun ABŞ-də beş milyondan çox albomu satılmışdır. 37 illik səsyazma və performansdan sonra 2018-ci ilin yanvarında Slayer özünün sonuncu dünya turunu elan etmiş,[1] bu turun 2019-cu ilə qədər uzanacağı bəyan edilmişdir.[2][3]
Qrupun tarixi
[redaktə | mənbəni redaktə et]İlk illəri (1981–1983)
[redaktə | mənbəni redaktə et]Slayer 1981-ci ildə Kerri Kinq, Ceff Hanneman, Tom Araya və Deyv Lombardo tərəfindən yaradılmışdır. Qrup fəaliyyətinə Cənubi Kaliforniyadakı barlarda, klublarda Iron Maiden, Judas Priest kimi qrupların mahnılarını ifa etməklə başlamışdır. Qrupun ilkin vizual görünüşü pentaqramlar, makiyaj və tərsinə çevrilmiş xaç kimi elementlərin daxil olduğu satanik mövzuda idi.[4] Qrupun adının ilk başlarda 1981-ci il filmi olan Dragonslayer-dən götürülməsini fikrini Kerri Kinq "Bizim adımız belə olmayıb, bu, bugünə qədər mifdir." deyərək inkar etmişdir.[5]
1983-cü ildə Slayer Kaliforniyanın Anahaym şəhərində yerləşən Woodstock klubunda Bitch qrupu üçün açılış konsertinə dəvət olundu və burada qrup altısı digər qrupların olmaqla, səkkiz mahnı ifa etdilər. Qrup Metal Blade Records-u yenicə yaratmış keçmiş musiqi jurnalisti Brayan Slegelin diqqətini çəkdi. Slayer-ə heyran qalan Slegel qrup ilə səhnə arxasında görüşdü və onlardan qarşıda hazır olacaq Metal Massacre III adlı yığma albomu üçün öz mahnılarını yazmağı təklif etdi. Qrup razılaşdı və onların "Aggressive Perfector" mahnısının 1983-cü ilin ortalarında yayımlanmasından sonra yeraltı musiqi əhatəsində səs-sorağa səbəb oldu və bundan sonra Slegel qrupa səsyazma kontraktı təklif edir.[6]
Show No Mercy, Haunting The Chapel və Hell Awaits (1983–1986)
[redaktə | mənbəni redaktə et]
Səsyazma üçün heç bir büdcəsi olmayan qrup debüt albomunu özü maliyyələşdirməli oldu. Qrup Tom Arayanın terapevt işləyərək yığdığı[7] və Kerri Kinqin atasından alınan[8] pulları bir araya gətirib 1983-cü ilin noyabrında səsyazma studiyasına daxil oldu. Albomun nümayiş olunmaası tezləşdirildi və mahnıların yazılması prosesi tamamlandıqdan üç həftə sonra satışa çıxarılmağa başlandı. Show No Mercy adlanan və dekabrda Metal Blade Records vasitəsilə yayımlanan albom yeraltı musiqi sahəsində populyarlıq qazandırdı. Bundan sonra qrup albomu tanıtmaq üçün Kaliforniya klublarında konsert turu keçirdi. Bu tur qrupa əlavə populyarlıq qazandırdı və sonradan albomun ABŞ-də satış sayı 20000-ə, dünyada isə əlavə 20000-ə yüksəldi.[6]
1984-cü ilin fevralında Kinq qısa müddətlik Deyv Masteynin qrupu olan Megadeth-ə qatıldı.[9] Kinqin qərarından narahat olan Hanneman bir müsahibəsində "Belə getsə, özümüzə yeni gitaraçı tapmalı olacağıq" deyə bildirmişdir.[8] Masteyn qrupunda Kerri Kinqin daimi üzv olmasını istəsə də, Kinq Masteynin qrupunu "çox vaxtımı alır" deyərək beş konsertdən sonra tərk edir.[8] Bu qərar Masteyn və Kinq arasında münasibətlərin pisləşməsinə səbəb olaraq daha sonralar iki qrup arasında uzunmüddətli düşmənçiliyə gətirib çıxardı.[10]
1984-cü ili iyununda Slayer üç mahnıdan ibarət Haunting the Chapel adlı EP çıxardı. Bu EP daha qaranlıq və treş-metala yaxın üslubda olmaqla yanaşı qrupun gələcək istiqamətində bünövrə rolu oynadı.[11] Açılış mahnısı olan Chemical Warfare canlı konsertlərin əsas mahnılarından biri olaraq 1984-cü ildən bəri demək olar ki qrupun bütün konsertlərində ifa olunur.[12]
Həmin ilin sonlarına yaxın Slayer özünün ilk milli turuna Tom Arayanın Camaro model və ona bağlanılmış U-Haul qoşqusu ilə başladı.[8] Qrup 1984-cü ilin noyabrında Nyu-York şəhərində konsert verərkən Live Undead adlı canlı albomu qeydə aldılar.
1986-ci il qrupun ilk böyük uğurunu qazandığı il oldu. Prodüser Rick Rubin'in də köməyi ilə o il satışa çıxan "Reign in Blood" thrash metal musiqi tarixinin ən əhəmiyyətli albomlarından biridir. Bu albom ilə birlikdə Slayer da zirvəyə oturdu. Qrup yenic məşhurlaşmağa başlamışdı, lakin hər şey yaxşı gedərkən birdən-birə Dave Lombardo qrupdan ayrıldı. Yerinə Whiplash qrupundan Tony Scaglione gətirildi. Ancaq təxminən 6 ay sonra Dave qrupa təkrar qayıtdı. 1988-ci ildə qrup dördüncü albomları "South of Heaven"-ı yayımladı. Bir Judas Priest mahnısı olan "Dissident Aggressor" da bu albomda Slayer tərəfindən yenidən ifa olunmuşdu. Bu albom da ümumiyyətlə, "Reign in Blood" qədər olmasa da, bəyənildi. Tom Araya'nın da mahnı sözlərinə kömək etməsiylə birlikdə səsinə daha çox uyğun mahnıların hazırlanmasını təmin etdi. Lombardo'nun dəyərini anlayan qrup bu albomda yenə vurma alətlərdən istifadə etdi.
1990-cı ildə çıxan melodik və mistik bir albom olan "Seasons in the Abyss", Hannemanee King'in qarşılıqlı soloları, Lombardo'nun getdikcə təsir edən ifası, Tom Arayanın da özünə güvənərək səsinin fərqli hallarını göstərməsi, pərəstişkarların gözündə bu albomun daha fərqli bir yerə oturmasını təmin etmişdir. Bu albomdan sonra Dave Lombardo qrupdan ayrıldı. Qrup üzvləri Dave'i məsuliyyətsizliklə günahlandırarkən, Dave günahın onda olmadığını, digər üzvlərin davamlı ona qarşı soyuq davrandığını demişdir. Daha sonra Slayer Paul Bostaph ilə razılaşdı və 1996-ci ilə qədər birlikdə davam etdilər. 1994-cü ildə qrup yeni zərb alətlərindəki ifaçısı ilə birlikdə albomlarını çıxarmağa hazır idi. Altıncı albom "Divine Intervention" satışa çıxarıldı. Bu albomun hazırlığı əsnasında bir çox səs texniki çalışmışdır, bu da Slayer'ın artıq daha peşəkar bir qrup halına gəldiyinin sübutu idi.
1996-cı ildə çıxan "Undisputed Attitude" albomunda Slayer; DRI, Verbal Abuse kimi punk qruplarının mahnılarını ifa etdi. Albomda bir yeni Slayer mahnısı vardır, "Gemini". "Can't Stand You" və "Ddamm" isə Jeff Hanneman'ın 1984-cü ildə qurduğu yan proyekt olan Pap Smear adlı hardcore-punk qrupundakı işləridir. "Diabolus in Musica" 1992-ci ildə çıxdı. 40 dəqiqə 30 saniyəlik bu albom, prodüser Rick Rubin-in Slayer'la birlikdə hazırladığı son albomdur. 2001-ci ildə "God Hates Us All" albomu çıxdı. İlk albom qapağında, İncil'in üstündə qanlar içində Slayer yazılıb. Mahnı sözlərinin də sərt olması nəticəsində Kerry King, "bu albom yalnız pis bir gün keçirən və tanrının onu sevmədiyini düşünən qulları üçündür." deyə şərh etdi. 2002-ci ildə Paul Bostaph qrupdan ayrıldı və Dave Lombardo yenidən qrupa qayıtdı. Qrup, 2006-cı il 25 iyul tarixində "Christ Illusion"-ı yayımladı.
Bundan sonra konsertlərə başlayan qrup 2008-ci ilin yayında yeni albom üzərində çalışdığını açıqladı və qısa bir müddət sonra albomdan olan ilk single "Psychopathy Red" yayımlandı. Slayer hər zamanki kimi albom haqqında çox məlumat vermədi və reklam da etmədi. Qrup ilk olaraq albomun çıxış tarixini 7 iyul olaraq təyin etdi, lakin sonra bu tarix yayın sonuna, daha sonra isə 3 noyabra təxirə salındı. Bu müddət ərzində "Hate Worldwide" və albomla eyni adı daşıyan "World Painted Blood" single'ları yayımlandı. Albomun satışa çıxmasından 2 həftə qədər əvvəl albom internetə düşdü. Tərz olaraq "Christ Illusion"-daki qədər sərt gitara tonları olmasa da vokalı, riffləri, zərbi ilə klassik bir Slayer albomu deyilə bilər.
2011-ci ilin yanvar, fevral aylarında qrup üzvlərindən Jeff Hanneman bir hörümçəyin qolunu sancması ilə uzun bir müalicə müddətinə girmişdir. Hörümçək dişləyindəki virus ət yeyən bir virus olduğundan Jeff'in gitara götürməsi mümkün deyil. Qrup üzvlərindən Tom Araya " Jeff düzələnə qədər studiyaya girməyəcəyik." demişdir. Jeff olmadan konsertlərə davam edən Slayer konsertlərdə Exodus üzvü Gary Holt ilə birlikdə çıxmışdır.
Diskoqrafiya
[redaktə | mənbəni redaktə et]Studiya albomları
[redaktə | mənbəni redaktə et]- 1983 — Show No Mercy
- 1985 — Hell Awaits
- 1986 — Reign in Blood
- 1988 — South of Heaven
- 1990 — Seasons in the Abyss
- 1994 — Divine Intervention
- 1996 — Undisputed Attitude
- 1998 — Diabolus in Musica
- 2001 — God Hates Us All
- 2006 — Christ Illusion
- 2009 — World Painted Blood
- 2015 — Repentless
Konsert albomları (live)
[redaktə | mənbəni redaktə et]- 1984 — Live Undead
- 1991 — Decade of Aggression
Single'ları
[redaktə | mənbəni redaktə et]| İl | Mahnı | Yer | Albom | ||||
|---|---|---|---|---|---|---|---|
| ABŞ [13] |
Danimarka [14] |
Böyük Britaniya [15] | |||||
| 1986 | "Raining Blood" | — | — | 64 | Reign in Blood | ||
| "Angel of Death" | — | — | — | ||||
| "Postmortem" | — | — | — | ||||
| 1990 | "Seasons in the Abyss" | — | — | 51 | Seasons in the Abyss | ||
| 1995 | "Serenity in Murder" | — | — | 50 | Divine Intervention | ||
| 1996 | "I Hate You" | — | — | — | Undisputed Attitude | ||
| 1998 | "Stain of Mind" | — | — | — | Diabolus in Musica | ||
| 2001 | "Bloodline" | — | — | — | God Hates Us All | ||
| 2006 | "Cult" | — | — | — | Christ Illusion | ||
| "Eyes of the Insane" | — | 15 | 97 | ||||
| 2009 | "Psychopathy Red" | — | — | — | World Painted Blood | ||
| "Hate Worldwide" | 2 | — | — | ||||
| 2010 | "World Painted Blood" | 14 | — | — | |||
| 2014 | "Implode" | — | — | — | Repentless | ||
| 2015 | "When the Stillness Comes" | — | — | — | |||
| "Repentless" | 2 | — | — | ||||
| "—" işarəsi single-ın heç bir yeri tutmadığını bildirir. | |||||||
İstinadlar
[redaktə | mənbəni redaktə et]- ↑ Hill, John. "BREAKING NEWS: Slayer Announce Farewell Tour". Loudwire. 2018-01-23 tarixində arxivləşdirilib. İstifadə tarixi: 22 yanvar 2018.
- ↑ "Thrash-Metal Greats Bring Farewell Tour To San Jose". sanfrancisco.cbslocal.com. 19 avqust 2018. 2018-08-21 tarixində arxivləşdirilib. İstifadə tarixi: 21 avqust 2018.
- ↑ "SLAYER's Final World Tour Will Extend Into 2019". blabbermouth.net. 27 avqust 2018. 2019-03-28 tarixində arxivləşdirilib. İstifadə tarixi: 27 avqust 2018.
- ↑ Huey, Steve. "Slayer | Biography". AllMusic. All Media Network. January 5, 2018 tarixində arxivləşdirilib. İstifadə tarixi: January 11, 2018.
- ↑ "Kerry King about the Dragonslayer myth, Christ Illusion, previous albums and experimenting". www.faceculture.nl. October 20, 2006. January 4, 2007 tarixində orijinalından arxivləşdirilib. İstifadə tarixi: April 5, 2007.
- ↑ 1 2 German, Eric. "Interview with Brian Slagel". Metalupdate.com. November 25, 2010 tarixində arxivləşdirilib. İstifadə tarixi: December 4, 2006.
- ↑ "Live Chat with Tom Araya of Slayer". ESPguitars.com. November 12, 2006 tarixində arxivləşdirilib. İstifadə tarixi: December 10, 2006.
- ↑ 1 2 3 4 "An exclusive oral history of Slayer". Decibel Magazine. No. 22. August 2006. August 13, 2006 tarixində arxivləşdirilib. İstifadə tarixi: February 13, 2018.
- ↑ "Megadeth History". Megadeth.com. November 19, 2006 tarixində arxivləşdirilib. İstifadə tarixi: December 10, 2006.
- ↑ "Slayer's Kerry King Says Dave Mustaine is 'A Cocksucker'". Blabbermouth.net. February 12, 2005. March 18, 2007 tarixində orijinalından arxivləşdirilib. İstifadə tarixi: October 21, 2006.
- ↑ Rivadavia, Eduardo. "Slayer:Haunting the Chapel". AllMusic. March 4, 2016 tarixində arxivləşdirilib. İstifadə tarixi: December 1, 2006.
- ↑ "Dark Angel". Voicesfromthedarkside.com. 2007-03-10 tarixində arxivləşdirilib. İstifadə tarixi: March 4, 2007.
- ↑ "Billboard chart search: Slayer "Hate Worldwide"". Billboard. Prometheus Global Media. 2012-03-07 tarixində orijinalından (XML) arxivləşdirilib. İstifadə tarixi: 2018-02-23.
- ↑ "danishcharts.com - Discography Slayer". Hung Medien. 2012-04-06 tarixində arxivləşdirilib. İstifadə tarixi: 2018-02-23.
- ↑ "Böyük Britaniyada maksimum pillə". chartstats.com. 2012-07-22 tarixində arxivləşdirilib. İstifadə tarixi: 2018-02-23.