Cəfər Hüseynoğlu
 | Bu məqalədəki məlumatların yoxlanıla bilməsi üçün əlavə mənbələrə ehtiyac var. |
 | Bu məqalənin ensiklopedik tələblərə cavab vermədiyinə dair şübhələr var. |
| Cəfər Hüseynoğlu | |
|---|---|
| Cəfər Hüseyn oğlu Əliyev | |
| Doğum adı | Cəfər Əliyev |
| Təxəllüsü | Cəfər Hüseynoğlu |
| Doğum tarixi | |
| Doğum yeri | Füzuli rayonu, Azərbaycan SSR, SSRİ |
| Vəfat tarixi | (75 yaşında) |
| Vəfat yeri | Bakı, Azərbaycan |
| Vətəndaşlığı |
 SSRİ→ Azərbaycan |
| Milliyyəti | azərbaycanlı |
| Təhsili | Şuşa Müəllimlər İnstitutu |
| İxtisası | pedaqoq |
| Fəaliyyəti | jurnalist |
| Əsərlərinin dili | azərbaycanca |
| Mükafatları | "Vətən" ali ustad jurnalist mükafatı |
Əliyev Cəfər Hüseyn oğlu (Cəfər Hüseynoğlu) — publisist, 1950-ci ildən Azərbaycan Jurnalistlər Birliyinin üzvü.
Həyatı
[redaktə | mənbəni redaktə et]Cəfər Hüseynoğlu 1925-ci il dekabrın 23-də Füzuli rayonunda, faytonçu ailəsində anadan olmuşdur. Burada orta təhsilini almış, sonra ikiillik Şuşa Müəllimlər İnstitutunda təhsil almışdır (1939–1941). Əmək fəaliyyətinə Ağdam rayonunun Gülablı kənd orta məktəbində tarix müəllimi kimi başlamışdır (1941–1942). 1942–1946-ci illərdə İkinci dünya müharibəsində döyüşən ordu sıralarında olmuşdur. Tərxis edildikdən sonra bir müddət Bakıda müəllim, sonra rayon komsomol komitəsində katib, rayon partiya komitəsində təbliğatcı, "Qızıl Araz" qəzetinin məsul katibi işləmişdir (1946–1948). "Bakinski raboçi" qəzetinin Arazboyu və Ağdam bölgələrində xüsusi müxbir işləmişdir (1948–1966). "Kənd həyatı" jurnalında müxbir, Azərbaycan Elmlər Akademiyasının "Xəbərlər" məcmuəsində baş redaktorun müavini (1966–1976), Azərbaycan Dostluq Cəmiyyətində Xaricdə yaşayan həmvətənlərlə əlaqə şöbəsinin müdiri (1976), Bakı şəhər Veteranlar Şurasının sədr müavini (1983–1987), Təbrizdə nəşr edilən "Azadlıq beşiyi" və "Körpü" qəzetlərinin Azərbaycan Respublikası üzrə xüsusi müxbiri (1993–2000) olmuşdur. Dövri mətbuatda külli miqdarda müxtəlif janrlarda yazıları dərc olunmuşdur. Xarici ölkə qəzet və jurnallarda Azərbaycan həqiqətləri haqqında məqalələri işıq üzü görmüşdür.
Xidmətlərinə görə 2 döyüş ordeni və 6 medalla təltif olunmuşdur. Azərbaycan Respublikası Ali Soveti Rəyasət heyətinin fəxri fərmanına layiq görülmüşdür. "Vətən" ali ustad jurnalist mükafatı laureatı olmuşdur.
2000-ci il dekabrın 26-da Bakı şəhərində vəfat etmişdir.
Əsərləri
[redaktə | mənbəni redaktə et]- Bakının yaşıl örtüyü. Bakı: Azərnəşr, 1976, 16 səh.
- Cəsur döyüşcü. Bakı: Elm, 1996, 50 səh.
- Yolun düşsə Təbrizə. Bakı: Elm, 1996, 50 səh.
- Pages using the JsonConfig extension
- 23 dekabrda doğulanlar
- 1925-ci ildə doğulanlar
- 75 yaşında vəfat edənlər
- 26 dekabrda vəfat edənlər
- 2000-ci ildə vəfat edənlər
- Əlifba sırasına görə yazıçı və şairlər
- Azərbaycan jurnalistləri
- Azərbaycanlı jurnalistlər
- Azərbaycan publisistləri
- Azərbaycanlı publisistlər
- Azərbaycan Jurnalistlər Birliyinin üzvləri
- Füzuli rayonunda doğulanlar
- Bakıda vəfat edənlər