Bürhan Kərimov

Bürhan Kərimov
Bürhan Kərim oğlu Kərimov
Doğum tarixi	1922
Doğum yeri	Ağdaş rayonu, Azərbaycan SSR, SSRİ
Vətəndaşlığı	SSRİ→ Azərbaycan
Milliyyəti	azərbaycanlı
Atası	Kərim
Elm sahəsi	atom fizikası
Elmi dərəcələri	fizika-riyaziyyat elmləri doktoru (1962), professor,
Təhsili	Azərbaycan Dövlət Universitetinin Fizika-riyaziyyat fakültəsi, Moskva Dövlət Universiteti
Tanınır	professor, dünyada tanınmış atom fizikasının nümayəndəsi

Bürhan Kərimov (1922, Ağdaş) — MDU-nun professoru, fizika-riyaziyyat elmləri doktoru.

Həyatı

Bürhan Kərimov 1922-ci ildə Ağdaş rayonunda anadan olub. 1939-cu ildə Ağdaş şəhər S.M. Kirov adına orta məkətbi, 1944-cü ildə Azərbaycan Dövlət Universitetinin (ADU) fiziki-riyaziyyat fakültəsini bitirmişdir. 1944-45-ci illərdə fizika kafedrasında assistent işləmişdir. 1946-49-cu illərdə M.V. Lomonosov adına Moskva Dövlət Universitetinin (MDU) fizika fakültəsinin aspirantı olmuşdur. 1950-ci ildə fizika-riyaziyyat elmləri üzrə namizədlik dissertasiyasını müdafiə etmişdir. B.Kərimov 1962-ci ildə fizik-riyaziyyat elmləri üzrə doktorluq dissertasiyasını müdafiə etmişdir.

Fəaliyyəti

O, 1953–76-cı illərdə M.V Lomonosov adına Moskva Dövlət Universitetinin fizika fakültəsində nəzəri fizika kafedrasında baş elmi işçi vəzifəsində çalışmışdır. 1976-cı ildən həmin kafedrada professor işləmişdir. B.Kərimov 1950–53-cü illərdə ADU-nun nəzəri fizika kafedrasında baş müəllim və dosent işləmişdir. "Kvant mexanikası", "Elektrodinamika", "Elektron nəzəriyyəsi" və "Nüvə fizikası" kursları mühazirələrini oxumuşdur. B.Kərimovun elmi işləri zərrəciklər fizikasının və nüvə fizikasının müasir problemlərinin tədqiqinə həsr olunub. Dünyada tanınmış atom fizikasının nümayəndəsi, atom fizikası kafedrasının müdiri. Dünya şöhrətli alimin atom fizikasına aid çoxlu elmi əsərləri var. B.Kərimov 200-dən çox elmi işlərin müəllifidir. O, 30 elmlər namizədi və 4 elmlər doktoru hazırlamışdır.