Aleksandr Bakulev

Vikipediya, azad ensiklopediya
Naviqasiyaya keç Axtarışa keç
Aleksandr Bakulev
Doğum tarixi 25 noyabr (7 dekabr) 1890
Vəfat tarixi 31 mart 1967(1967-03-31)[2] (76 yaşında)
Vəfat yeri
Dəfn yeri
Milliyyəti rus
Atası Nikolayeviç Bakulev
Elm sahələri Aorta koronar şuntlama, cərrahiyyə[1], siyasət[1]
Elmi dərəcəsi
İş yeri
  • Bakulev adına Ürək-damar Cərrahiyyəsi Elmi Mərkəzi[d]
Təhsili
  • Saratov Dövlət Universiteti[d],
  • İmperator Nikolay Universiteti[d]
Üzvlüyü
Mükafatları Sosialist Əməyi Qəhrəmanı
"Lenin" ordeni "Lenin" ordeni "Lenin" ordeni "Qırmızı əmək bayrağı" ordeni "Qırmızı ulduz" ordeni 3-cü dərəcəli "Müqəddəs Stanislav" ordeni "1941–1945-ci illər Böyük Vətən müharibəsində Almaniya üzərində qələbəyə görə" medalı
"Lenin" mükafatı "Stalin" mükafatı RSFSR əməkdar elm xadimi
Vikianbarın loqosu Vikianbarda əlaqəli mediafayllar

Aleksandr Bakulev (tam adı: Aleksandr Nikolayeviç Bakulev; 25 noyabr (7 dekabr) 1890 – 31 mart 1967[2], Moskva[2]) – rus cərrahı, SSRİ-də döş cərrahlığının banilərindən biri. SSRİ Elmlər Akademiyasının akademiki (1958), Tibb Elmlər Akademiyasının akademiki (1948) və prezidenti (1953–60).

Həyatı

[redaktə | vikimətni redaktə et]

Aleksandr Bakulev 1890-cı il dekabrın 7-də Vyatka quberniyasının Nevenikov kəndində anadan olmuşdur. 1918-ci ildə Saratov Universitetinin Tibb fakültəsini bitirmiş, S. İ. Spasokukotskinin tələbəsi olmuşdur.

Fəaliyyəti

[redaktə | vikimətni redaktə et]

Bakulev 1943-cü ildən ömrünün sonunadək İkinci Moskva Tibb İnstitutunun fakültə cərrahlığı kafedrasının müdiri olmuşdur. 1956-cı ildən özünün yaratdığı Döş Cərrahlığı İnstitutuna (indiki Rusiya Tibb Elmlər Akademiyasının A. N. Bakulev adına Ürək-Damar Cərrahlığı Elmi Mərkəzi) başçılıq etmişdir. Əsas işləri mədə-bağırsaq yolu cərrahlığı, neyrocərrahlıq, urologiya, ağciyər və ürək-damar cərrahlığı məsələlərinə həsr edilmişdir. Qida borusunun plastikası üsulunu (Bakulev üsulu), baş beynin ödemi zamanı araxnoidal boşluğa piltə qoyulması üsulunu (1935) təklif etmişdir;

Beyin abseslərinin müalicə üsulunu, mədə kənar edildikdən sonra qida borusu və nazik bağırsağın birləşdirilməsi qaydasını (Gertsen – Bakulev qaydası), 1940-cı ildə nazik bağırsaqla onikibarmaq bağırsağın ilgəkşəkilli anastomozunun yaradılması qaydasını (Bakulev – Delbe qaydası) işləyib hazırlamışdır. 1948-ci ildə SSRİ-də ilk dəfə olaraq botal axacağın bağlanması əməliyyatını yerinə yetirmiş, 1952-ci ildə ürək qüsuru – mitral dəliyin stenozu zamanı mitral komissurotomiyanı uğurla həyata keçirmişdir; kəskin miokard infarktı olan xəstələrin əməliyyatını təklif etmişdir. Perikard boşluğuna dərman yeritmək üçün inyeksiya iynəsi (Bakulev iynəsi) ixtira etmişdir.[3]

Əsərləri

[redaktə | vikimətni redaktə et]
  • Пневмонэктомия и лобэктомия. M., 1949 (А. V. Gerasimova ilə birlikdə);
  • Хирургическое лечение болезней сердца и магистральных сосудов. М., 1952;
  • Врождённые пороки сердца. M., 1955 (Y. N. Meşalkin ilə birlikdə);
  • Хирургическое лечение опухолей и кист средостения. M., 1967 (R. S. Kolesnikova ilə birlikdə).

Həmçinin bax

[redaktə | vikimətni redaktə et]

Xarici keçidlər

[redaktə | vikimətni redaktə et]

İstinadlar

[redaktə | vikimətni redaktə et]
  1. ↑ 1 2 3 4 Çex Milli Hakimiyyət Məlumat bazası.
  2. ↑ 1 2 3 4 Бакулев Александр Николаевич // Большая советская энциклопедия (rus.): [в 30 т.]. / под ред. А. М. Прохорова 3-е изд. Москва: Советская энциклопедия, 1969.
  3. ↑ Azərbaycan Milli Ensiklopediyası (25 cilddə). 3-cü cild: Babilistan – Bəzirxana (25 000 nüs.). Bakı: "Azərbaycan Milli Ensiklopediyası" Elmi Mərkəzi. 2011. səh. 94. ISBN 978-9952-441-07-9.
Mənbə — "https://az.wikipedia.org/w/index.php?title=Aleksandr_Bakulev&oldid=6736204"