Yeghegnadzor

Yeghegnadzor ( armenavon Եղեգնաձոր ) tir widava is dota ( Yeghegnadzor Hamaynk ) vageiste Xayastana, istef widot ke Vayots Dzor winka. Yeghegnadzor arte mon 120 km- gerone Yerevan patectafu kelu tigir. Tawavopa Sazopa   Lidawickaf sazorig koe Yeghegnadzor  Aksat Tan- Tol- Bar- Bal- Alub- Tev- Per- Any- Lerd- San- STan- STol- Tanda Cugafa yankacka (°C) 0.9 3.0 9.5 16.4 21.1 26.0 30.3 29.5 25.9 18.7 10.8 4.1 16.4 Yankacka (°C) -3.2 -1.4 4.2 10.4 14.8 19.2 23.1 22.4 18.5 12.3 5.7 0.1 10.5 Vugafa yankacka (°C) -7.3 -5.7 -1.0 4.4 8.6 12.4 16.0 15.4 11.2 5.9 0.7 -3.9 4.7 Kotafa muvareka (mm-) 17 20 35 45 62 47 31 19 18 30 25 19 368 Xantaza : Climate-data.org Izva Savsaf yolt ke Yeghegnadzor tiyir Yeghegik az Keshishkend kali 1935 az Mikoyan kali 1957. Wida bal V-eafa decemda yolton gu Pondzatagh taneatomon zo miwayar. Soe joxayana bada ke lano awalkikxo is xim ke slape evlon gu taneafa decitda AGJ slamed da gola tiyir saneliakirafa valevi V-eafa decemda. Strabrega ke ralma ke Urartu tigisa mone widava tid evlafa gu -VII-eafa decemda. Sedme izvaf valdig, sersik ke Syunik va oga mal Sisian kal Vayots Dzor winka arplekuyur nume va Yeghegis az stekef Yeghegnadzor folkayer. Bak mialukugal, Leso Vawa va gola ke Vayots Dzor remlakiyir, tulon wale Martuni is Yeghegdnazor. Jontika zolonafa uja is yone tucpastaxe isu za isu tedaxe koe gola wali X-eafa decemda isu XIII-eafa zo kolnayad. Yeghegnadzor banugale tiyir ke Syunik gazaxo. Titi XVI-eafa decemda, taltefa Armena gan Safavi Persa zo kofeliyir. XVI-eafa decemda isu XVII-eafa tid orikafa rekola ugale gola tir ferefo meldxo wal turkaf grelt isu iranaf. Numen jontika cugexa isu trigafa wida zo apkayad ike zo vilayad isen pakap ke sanelia zo arplekuyur. Bak 1747 Yeghegnadzor gu Nakhchevān sersaxo zo tunotrayar. Titi XIX-eafa decemda, yolt ke wida tiyir Keshishkend. Nope Turkmantcay bioga sugdayana wal rossiafo gindaxo is Persa bak 1828 teni rossiapersafa geja ke 1826-1828, jontiko tawavo ke ronefa Armena don Vayots Dzor gola gan Rossia zo tunotrayad. Moion jontika armenafa yasa vey Salmas is Khoy iranafa widava va ronefa Xayastana koirubayad. Taneafa boniasa runta ko Vayots Dzor moni 1830 dilizeyer. Wali 1935 is 1956 widava gu Mikoyan zo yoltayar, tis yolt ke Anastas Mikoyan Bolcevik gadesik, abdi va izvaf yolt vas Yeghegnadzor katrasiyir. Yeghegnadzor tir widot ke warzaf Vayots Dzor winka winka mali ristulafa fabdura ke 1995. Sanelia Varafa sanelia ke Yeghegnadzor dota tir vas 7944 irubasik otulayan bak 2011 moe welmot vas 40.80 km², trabe for vas 194 ir-/km². Towara ke sanelia ke Yeghegnadzor widava (1831-2011) Xantaza : ArmStat Ewava Ridaf wiks va Yeghegnadzor Wiks va Yeghegnadzor Wiks va Yeghegnadzor Wiks va Yeghegnadzor Wiks va Yeghegnadzor Wiks va patcetoy male Yeghegnadzor Wevala ke Yeghegnadzor Cugexa va kosik ke taneafa geja ke Karabagh Tcilaxe ke Yeghegnadzor Xatckar atcom koe tcilaxe ke Yeghegnadzor Witaf xatckar atcom koe Yeghegnadzor xatckar atcom koe Yeghegnadzor Viga ke Yeghegnadzor Noravank tucpastaxe mone Yeghegnadzor Cugexa Mone Yeghegnadzor, konaka zolonafa cugexa tigid : Noravank tucpastaxe Spitakavor tucpastaxe Tanahat tucpastaxe Gladzor kotla Proshaberd ralma Vuestexa

Yeghegnadzor RISTULA Patecta Xayastana   Gola Vayots Dzor winka, Yeghegnadzor dota Welmot 40.80 km² SANELIOPA Sanelia 7944 ir- (2011) TAWAVOPA Maneka  39° 45′ 40" L-, 45° 20′ 00" R- Ontine 1194 m- LAPIRA, LIZIBA Bira, kuksa Rid Kelot Vawa Debala ke Yeghegnadzor koe Vayots Dzor winka