Xulio Berros

Xulio Berros
Vida
Nacimientu	Sotrondio, 1963 (60/61 años)
Nacionalidá	España
Estudios
Llingües falaes	castellanu asturianu
Oficiu	escritor

Xulio Berros (1963, Sotrondio) ye un escritor asturianu.

Perfil

Nacíu en Sotrondio en 1963 ye maestru d'educación primaria. Como escritor ta especializáu en lliteratura infantil y xuvenil, campu nel que tien llevaes a cabu estremaes aplicaciones interactives de calter didáuticu coles que pon en rellación les nueves teunoloxíes y la lliteratura infantil en llingua asturiana que tán repartíes pela rede.

Cuando publicó la so primera obra declaraba a los posibles llectores que con esi llibru pretendía "cenciellamente que puedas pasar dalgún bon momentu cola llectura, y si amás te suena dalguna de les situaciones qu'apaecen, meyor que meyor". Estes pallabres dicen muncho del so mou de trabayar, que busca siempre averase al mundu real y cotidianu que vive la xente mozo anguaño.

Obra

• Lo mío cómu ye (1994)
• Maxa de branu (1996)
• Fuera de xuegu (1998)
• Toya (1998)
• La triba de Xinés (1998)
• El mundu de Toya (2004)
• Toya yá ye grande (2009)

Tien espublizáu un rellatu nel númberu 2 de la revista Sietestrellu, col qu'algamó'l Premiu de Cuentos de Riañu-Llangréu, y tamién participó nel volume coleutivu "Cinco años de lliteratura asturiana" d'Editora del Norte, amás de presentar dalgunes ponencies en congresos y xornaes d'estudiu alredor de la lliteratura n'asturianu pa neños y neñes.

Referencies

http://www.smra.eu/node/1035 Archiváu 2016-03-05 en Wayback Machine

http://www.asturies.com/node/5753

https://www.elcomercio.es/v/20120821/corvera/veranu-lliterariu-escritor-xulio-20120821.html

http://www.asturnews.com/index2008.php?idn=12366

Enllaces esternos

• Páxina personal de Xulio Berros (enllaz rotu disponible n'Internet Archive; ver l'historial y la última versión).

• Datos: Q20604854