Rockall
Rockall | |
---|---|
Rockall (en) | |
![]() | |
Situación | |
País | ![]() |
Nación constitutiva | ![]() |
Archipiélagu | Hébrides Esteriores |
Tipu |
peña (es) ![]() |
Asitiáu en | Océanu Atlánticu |
Coordenaes | 57°35′47″N 13°41′14″W / 57.596277777778°N 13.687305555556°O |
Datos | |
Altitú media | 23 m |
Superficie | 0,0007843 km² |
Población | 0 |
Fusu horariu | UTC±00:00 |
Llonxitú | 0,031 km |
![]() |
Rockall ye un pequeñu peñón predresu o castru allugáu nel océanu Atlánticu Norte a más de 300 km del territoriu más cercanu.
Pertenez a Escocia (Reinu Xuníu) dende 1955, a les Hébridas Esteriores, anque la soberanía británica sobro'l castru ye cuestionada per Irlanda, Islandia y Dinamarca, quien lo reclamen pa sí.
Con un anchor d'unos 27 m y un altor d'unos 23 m, esti pequeñu castru, -anguaño tien un área remanecida de 570 m²- suel ser cubiertu poles grandes foles provocaes en tiempu tormentosu, especialmente pel iviernu.
Les sos coordenaes son: 57°35′48″N 13°41′19″W / 57.59667°N 13.68861°O 57°35′48″N 13°41′19″W / 57.59667°N 13.68861°O
Xeoloxía
[editar | editar la fonte]La roca ta compuesta por un granitu peralcalinu, relativamente ricu en minerales raros, que se formó nel Eocenu. La pequeña intrusión de granitu, güei bien erosionada, integrase nel centru ígneu de Rockall, la so roca caxa son basaltos y gabros del Cretácicu, y formó parte de la provincia ígnea del Atlánticu Norte, formada de la mesma mientres l'apertura del Atlánticu al dixebrase les plaques norteamericana y euroasiática.[1]
Historia
[editar | editar la fonte]![](http://upload.wikimedia.org/wikipedia/commons/thumb/9/97/LE_Roisin_at_Rockall.jpg/280px-LE_Roisin_at_Rockall.jpg)
![](http://upload.wikimedia.org/wikipedia/commons/thumb/d/df/Rockall_EEZ_map-en.svg/280px-Rockall_EEZ_map-en.svg.png)
La primer referencia apaeció nun mapa holandés de 1655. Darréu, en 1810, el capitán británicu Basil Hall realizó'l descubrimientu “oficial” y volvió un añu dempués con científicos, desembarcando y faciendo el so primer estudiu.
Toponimia
[editar | editar la fonte]Según les fontes britániques el nome d'esti estratéxicu castru deriva del gaélicu escocés Sgeir (roca nel mar) y Rocail (resgada), transcripto depués polos ingleses (“Roaring Rock", n'inglés, o "Roca Ruxente" en castellán), quedando finalmente la palabra gaélica rocail tresformada en Rockall.
Importancia
[editar | editar la fonte]La so importancia anicia en que'l Reinu Uníu, anque'l castru nun tien una zona económica esclusiva, reivindica para sí'l derechu sobro los recursos del llechu submarín alredor del peñón. Sicasí esa reivindicación topeta colos pidimientos sobro'l mesmu territoriu per parte d'Islandia, Islles Feroe (Dinamarca) ya Irlanda.
En 1997 la organización Greenpeace ocupó'l castru en protesta pola esploración de yacimientos petrolíferos per parte de los británicos. Camudaron el so nome a Waveland y proclamaron la so independencia como un nuevu estáu.
El gobiernu británicu limitose a autorizar la so permanencia na roca. L'esperimentu duró hasta 1999, cuando colapsó por falta de fondos. Mientres esi periodu llegó a ocupase la roca mientres 42 díes siguíos, lo que constitúi'l récord de permanencia nel castru.
El 8 de febreru de 2000, el barcu oceanográficu inglés "R.R.S. Discovery" rexistra una fola de 29,1 metros, la mayor fola midida hasta'l momentu. El fechu asocedió nes proximidaes del castru de Rockall mientres un temporal con vientos de fuerza 9 y foles de 18 metros d'altor mediu.
En setiembre de 2007 l'estáu británicu dio a conocer la so pretensión d'estender la soberanía sobro l'área marítima en redol a Rockall hasta 350 milles náutiques (563,3 km).
Descubrimientu de nueves especies
[editar | editar la fonte]N'avientu de 2013, estudios realizaos por la Marina de Escocia afayaron cuatro nueves especies d'animales nel mar alredor de Rockall. Créese qu'estos viven n'un área onde libérense hidrocarburos del llechu marín, conocida como filtración fría .
El descubrimientu plantegó la cuestión d'acutar delles formes de pesca para protexer el llechu marín.
Les especies son:
- Volutopsius scotiae ,Frussen, McKay & Drewery, 2013 – un cascoxu de mar d'un llargor aproximáu de 10 cm.
- Thyasira scotiana Zelaya, 2009 – una amasuela.
- Isorropodon mackayi – una amasuela del orde Veneroida.
- Antonbruunia sociabilis sp. – un viérbene marín del orde Phyllodocida