June Caprice
June Caprice | |
|---|---|
 | |
| Vida | |
| Nacimientu |
Arlington (es)  , 19 de payares de 1895[1] |
| Nacionalidá |
 Estaos Xuníos |
| Muerte | Los Angeles, 9 de payares de 1936[1] (40 años) |
| Sepultura | Forest Lawn Memorial Park |
| Causa de la muerte | infartu de miocardiu |
| Familia | |
| Casada con | Harry F. Millarde (1923 – 1931) |
| Oficiu | actriz de teatru, actriz de cine |
| IMDb | nm0135645 |
 | |
June Caprice (19 de payares de 1895, Arlington (es) – 9 de payares de 1936, Los Angeles) foi una actriz cinematográfica d'Estaos Xuníos, activa na dómina del cine mudu.
Biografía
[editar | editar la fonte]El so verdaderu nome yera Helen Elizabeth Lawson, y nació n'Arlington, Massachusetts. Empecipió la so carrera artística como actriz teatral en 1916, siendo dempués contratada por Fox Film Corporation pa trabayar nel cine.
En 1916, William Fox buscaba una "segunda Mary Pickford", y nel branu d'esi añu creía atopar la que predixo diba ser la más famosa actriz cinematográfica nos seis meses futuros.
Ella debutó en pantalla'l 9 de xunetu, siendo vista polos espectadores nel llocal Academy of Music, na cai 14 de Manhattan, con Caprice of the Mountains, siendo la so actuación allabada pola crítica del New York Times.
Adoptando'l nome artísticu de June Caprice, rodó dieciséis filmes pa Fox, la metá d'ellos empobinaos por Harry F. Millarde. El direutor y ella empecipiaron una rellación sentimental que remató en matrimoniu.
En 1919, June Caprice foi contratada por Pathé, actuando en seis películes. Dalgunes d'elles rodaron nel vieyu estudiu de Pathe en Nueva York. El so últimu trabayu pal cine llegó en 1921 con un serial de ciencia ficción de quince episodios tituláu The Sky Ranger (o The Man Who Stole the Moon).
Caprice dexó'l mundu del cine pa dedicase a la familia, dando a lluz una neña, June Elizabeth Millarde, en 1923. Probablemente volvió al trabayu como actriz teatral y modelu, apaeciendo nun calendariu de la compañía Coca Cola editáu nos años 1920.
El so home finó en 1931, a los cuarenta y seis años d'edá. June Caprice finó cinco años dempués en Los Angeles, California, por causa de un ataque cardiacu, anque carecía un cáncer. Foi soterrada nel Campusantu Forest Lawn Memorial Park, en Glendale (California).
La fía de Caprice tenía trece años cuando morrió la so madre, polo qu'hubo de ser criada polos sos güelos en Long Island, Nueva York.
Filmografía
[editar | editar la fonte]
- The Window of Dreams, de Howard M. Mitchell (1916)
- Caprice of the Mountains, de John G. Adolfi (1916)
- Little Miss Happiness, de John G. Adolfi (1916)
- The Ragged Princess, de John G. Adolfi (1916)
- The Mischief Maker, de John G. Adolfi (1916)
- The Sunshine Maid, de Harry F. Millarde (1917)
- A Modern Cinderella, de John G. Adolfi (1917)
- A Child of the Wild, de John G. Adolfi (1917)
- The Small Town Girl, de John G. Adolfi (1917)
- Patsy, de John G. Adolfi (1917)
- Every Girl's Dream, de Harry F. Millarde (1917)
- Miss U.S.A., de Harry F. Millarde (1917)
- Unknown 274, de Harry F. Millarde (1917)
- The Heart of Romance, de Harry F. Millarde (1918)
- A Camouflage Kiss, de Harry F. Millarde (1918)
- Blue-Eyed Mary, de Harry F. Millarde (1918)
- Miss Innocence, de Harry F. Millarde (1918)
- Oh Boy!, d'Albert Capellani (1919)
- The Love Cheat, de George Archainbaud (1919)
- A Damsel in Distress, de George Archainbaud (1919)
- In Walked Mary, de George Archainbaud (1920)
- Rogues and Romance, de George B. Seitz (1920)
- The Sky Ranger, de George B. Seitz (1921)
Referencies
[editar | editar la fonte]- New York Times, June Caprice Dies; Silent Film Star, 11 de payares de 1936.
Enllaces esternos
[editar | editar la fonte]
Wikimedia Commons acueye conteníu multimedia sobre June Caprice.- June Caprice na Internet Movie Database (n'inglés)
- June Caprice n'AllMovie (n'inglés)
- «June Caprice». en Find a Grave. (n'inglés)
- June Caprice na New York Public Library Digital Gallery
- June Caprice en silentsaregolden
- Filmografía en AFI American Film Institute
| Control d'autoridaes |
|
|---|
Datos: Q760712- Multimedia: June Caprice