Jorge Ahijado
Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
Jorge Ahijado![]() | |
---|---|
Vida | |
Nacimientu | Uviéu, 1 de febreru de 1977 (47 años) |
Nacionalidá |
![]() |
Estudios | |
Llingües falaes | castellanu |
Oficiu | actor, compositor, cantante |
![]() |
Jorge Ahijado (1 de febreru de 1977, Uviéu) ye un compositor, cantante y actor asturianu.
Biografía
[editar | editar la fonte]Multi-instrumentalista autodidacta nel mundu de la música, a los 12 años formó la so primer banda onde exercía de solista. Una vegada qu'aprendió a tocar la guitarra, formó delles bandes lo cual dio-y muncha versatilidad a la d'interpretar cualquier música, según a la d'escribir cualquier tipu de melodía.
A los 19 años treslladóse a Sunderland, al norte d'Inglaterra, país que-y influyera nes sos creaciones, onde se dedica más seriamente a aquello que-y apasiona: la música.
Nel añu 2002 treslladóse a Madrid, onde forma dellos proyeutos colos cualos graba 3 discos y realiza delles xires. Pero nun foi hasta'l branu de 2005 cuando decide formar el so propiu proyeutu: Ahija2. La idea yera crear un proyeutu que, independientemente de la industria discográfico, trabayara como si d'un gran grupu tratárase: planteamientos de xires, discos... tou.
Pon la voz, amás, en dellos anuncios televisivos.
2006 ye un añu decisivu. A principios de marzu entra a formar parte d'Iguana Events, compañía de teatru musical que crea los sos propios espectáculos, como artista y compositor. Compón dellos d'ellos y actúen per distintes ciudaes d'España.
Esi mesmu añu Jorge Ahijado -guitarra y voz-, xunto con Jim Kerr (dende Escocia) -teclaos y voz-, David Ruiz -batería- , Paula Guida -percusión y coros- y Jesús Biezma –baxu- llograron dar conciertos nes meyores sales de Madrid y n'otres munches del restu de la península.
En payares tamién de 2006, sale al mercáu Grandes Ésitos d'Ahija2, un discu cargáu de música, pasión, mensaxes y enerxía. Producíu por él mesmu y qu'afigura perfectamente la riqueza musical que Ahija2 quieren ufiertar: dende'l rock hasta'l swing, pasando pol funky o hard rock.
En 2007 participa nel casting pal musical Xesucristu Superstar onde ye escoyíu pa representar un importante papel: Anás. Mientres el 2007/2008 va representase Xesucristu Superstar nel teatru Lope de Vega de Madrid. Mientres el 2008/2009 el mesmu montaxe fai una xira per España y asina superen les 550 funciones y más de 400.000 persones de públicu. Nel 2009 protagoniza tamién el musical El Llibru de la Selva nel personaxe de Mowgly.
Nel 2010 da'l saltu al teatru clásicu protagonizando na piel de Puk una versión de: A Midsummer Night's Dream de William Shakespeare. Más de 6 meses en cartel y con gran ésitu de públicu. Tamién nel mesmu añu forma parte de Pirates del Caribe (musical).
El 2011 empieza cola grabación de lo que va ser el primer discu en solitariu de Jorge Ahijado que va ver la lluz nel 2012. Una grabación que van desenvolver íntegramente él mesmu y Álvaro de Azkarate. Cantares compuestos íntegramente por Ahijado y que va dar un nuevu xira a la so carrera. Amás a principios del 2011 forma parte de Toys. A mediaos del 2011 confírmase la gran y esperada noticia de que'l musical del Rey Lleón por fin llega a España y va cuntar con Jorge Ahijado nel papel de Banzai...
Esperiencia profesional
[editar | editar la fonte]Grupos musicales
[editar | editar la fonte]- Shivá, El so primer grupu de música, afincaos n'Uviéu y colos que dio los sos primeros conciertos.
- Aniellos de diamantes, banda de country-rock liderada por él mesmu, cola que graba un discu col mesmu nome.
- Star, nel que participa na producción según con distintos preseos: guitarra, teclaos y baxu. Grabación d'un discu llamáu 25 hores.
- Sandro (cantautor madrilanu), nel que realiza los arreglos, coros y toca los teclaos.
- Ahija2 (2005–2009), banda de rock/pop/R&B cola qu'editó'l discu Grandes Ésitos.
- Teparatres (2009-) Siguen xuntos na actualidá. Amás d'un repetorio de covers escoyíu por ellos con grandes clásicos estrenaron grandes espectáculos como Música a la Carta siendo la banda central del Hard Rock Café de Madrid.
- Jorge Ahijado (2010-), yá centráu na so carrera en solitariu y con nuevos cantares, idees y enerxía anovada rock/pop/R&B.
Teatru-Musical
[editar | editar la fonte]Interpretación
[editar | editar la fonte]- Eses lloques pantasmes (2014-)
- Los invencibles (2015)
- Gala Aniversario Stage Entertainment 15 Aniversariu (2014)
- The Lion King (2011–2014), unu de los musicales más importantes de la hestoria. Basáu na película de Disney qu'ellos mesmos lleven a escena en manes de Julie Taymor cola música de Hans Zimmer, Elton John, Lebo M...
- Toys (2011),
- Pirates nel Caribe (2010), Fergashow producciones.
- A Midsummer Night's Dream (2010) de William Shakespeare un gran clásicu. Jorge Ahijado como Puk.
- El llibru de la Selva (2009) nel papel de Mowgly.
- Xesucristu Superstar (2008–2009), xira per España.
- Xesucristu Superstar (2007–2008), dirixida por Stephen Rayne, como Anás. Nel teatru Lope de Vega.
- Aventures nel Reinu de la Fantasía, empobinada y escrita por Juan Carlos Guerra. Personaxe: Detritus, un sarxentu bufono y cabileño qu'arrincaba sorrises de contino. Mientres principios del 2007 nel teatru Alcazar.
- Rebelión de los xuguetes (2007), na so primer versión, como Peter, papel protagonista.
- Llimbu Rock (2006-2007), como Incisu, un demoniu con mal xeniu que vive nel llimbu.
- La vuelta al mundu en 80 díes (2006). Dellos personaxes: trovador en Francia, cowboy n'USA, caballeru-inventor en Londres...
- Nubia (2006), como Garish, elfo azul de los montes arreyáu nuna guerra na qu'anima al héroe a lluchar.
Composición y lletres
[editar | editar la fonte]- La Caxa Máxica (2015), íntegra. Composición, guión y direición.
- El Monte Máxicu (2015), íntegra. Composición, guión y direición.
- Eses Lloques Pantasmes (2015) Composición, guión y direición y producción completa.
- Cristobal Colón destín Gran Canaria (2013)
- Toys (2010), íntegra.
- A Midsummer Night's Dream (2010), íntegra.
- Pirates nel Caribe (2009), íntegra.
- El Llibru de la Selva (2009)
- Pirates nel Caribe 3 (promocional de la película) (2007), dos de los trés cantares.
- Rebelión de los xuguetes (2007), íntegra.
- Navidaes On Ice (2006-2007), íntegra.
- Llimbu Rock (2006-2007), íntegra.
- La vuelta al mundu en 80 díes (2006), íntegra.
- Nubia (2006), íntegra.