Gran Conseyu Fascista
| Gran Conseyu Fascista | |
|---|---|
organización, conseyu y constitutional institution (en)  | |
 | |
| Llocalización | |
| Sede |
Palazzo Venezia (es) |
| Direición | Reinu d'Italia |
| Historia | |
| Fundación | 15 avientu 1922 |
| Disolución | 5 agostu 1943 |
| Fundador | Benito Mussolini |
| Organigrama | |
| Presidente | Benito Mussolini |
 | |
 | Esti artículu necesita wikificase. |
 | Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
El Conseyu Fascista (italianu: Gran Consiglio del Fascismu) foi'l principal órganu del gobiernu fascista d'Italia cuando Mussolini yera'l Primer Ministru. L'organismu foi creáu como un órganu del Partíu Fascista en 1922[1] (institucionalizáu seis años más tarde), pero depués convirtióse nun organismu estatal el 9 d'avientu de 1928, que controló les instituciones de gobiernu.
Los sos miembros yeren los siguientes:
- El Primer Ministru:
- Benito Mussolini (9 d'avientu de 1928 - 25 de xunetu de 1943)
- La Quadrumvir, esto ye, les persones que lideraron la Cola sobre Roma: Benito Mussolini, Michele Bianchi, Emilio de Bono, Cesara María de Vecchi y Italo Balbo.
- El Presidente del Senáu italianu.
- El Presidente de la Cámara de Diputaos d'Italia llamada mientres la era fascista: Camera dei Fasci y delle Corporazioni.
- El Ministru de Xusticia.
- El Ministru d'Asuntos Esteriores.
- El Ministru d'Agricultura y Silvicultura.
- El Ministru d'Educación.
- El Ministru de Corporaciones.
- El Ministru de Cultura Popular
- El Presidente de la Real Academia d'Italia. Por ser Presidente de l'Academia d'Italia, Guglielmo Marconi, l'inventor de la radio foi un miembru del Conseyu.
- El Presidente del Tribunal Especial del Estáu d'Emerxencia y Defensa.
- El Presidente de la Corporación d'Industriales, Trabayadores agrícoles, Trabayadores industriales y de los Agrícultores.
- El Xefe de Gabinete, esto ye, el comandante de les Camises Negres.
- El Secretariu del Partíu Nacional Fascista, que tamién yera'l secretariu del Conseyu.
- Delles persones escoyíes por el mesmu Mussolini, qu'ocupaben el cargu por un periodu de 3 años.
Esencialmente, el conseyu podía:
- Escoyer a los diputaos del Partíu Nacional Fascista, crear les nominaciones pa Secretariu del Partíu y otros puestos d'importancia nel mesmu, aprobar los estatutos del Partíu y dirixir la política d'ésti.
- Trazar la llinia de socesión real, otorgar el derechu a la corona, escoyer a los posibles socesores del Primer Ministru, escoyer la función y la composición del Gran Conseyu, el Senáu, la Cámara de Diputaos, el poder de decidir los derechos y poderes del Primer Ministru, aprobar trataos internacionales y les rellaciones esteriores.
El Gran Conseyu yera convocáu pol Primer Ministru y tolos decretos y les lleis creaes pol Conseyu namái podíen ser aprobaes pol Primer Ministru.
La mayoría del Gran Conseyu votó'l 25 de xunetu de 1943 a favor de la resolución de Dino Grandi d'aquel día (19 contra 8 y 1 astención), que quitaba a Mussolini de los sos poderes, siendo depuestu nun golpe d'estáu non violentu. Esto asocedió como respuesta direuta a la invasión aliada de Sicilia, qu'amenaciaba en convertir a Italia nun campu de batalla, como n'efeutu, depués asocedió (vease Frente d'Italia).
Referencies
[editar | editar la fonte]- ↑ «Fascismu italianu» (castellanu). Consultáu'l 23 de marzu de 2015.
Datos: Q1330482