Bob Dylan
Robert Allen Zimmerman (24 de mayu de 1941, Duluth (es) ), conocíu como Bob Dylan, ye un músicu de Minnesota, nel mediueste d'Estaos Xuníos. Dylan foi un iconu de la xeneración Beat nelos años 60. En xunu de 2007 anuncióse que yera'l ganador del Premiu Príncipe d'Asturies de les Artes y en 2016 col Nobel de Lliteratura[17]
Discografía
[editar | editar la fonte]Discografía esencial
[editar | editar la fonte]- Bob Dylan (1962)
Un discu nel que Dylan amuesa'l so procesu formativu: Woody Guthrie, la fondua del folk americanu, el gran bluesman Robert Johnson. Dellos temes son versiones clásiques ("Man of constant sorrow", "House of the rising sun").
- The Freewheelin' Bob Dylan (1963)
El discu l'entamu. Dellos temes perconocíos ("Blowin' in the wind", "A hard rain's a-gonna fall", "Don't think twice, it's all right") nelos que pue vese ya el xeitu lliterariu de Dylan.
- The Times They Are A-Changin (1964)
Dylan caltién el xeitu'l discu anterior. Nun s'atopen temes famosos (sacante "The times they are a-changin") y amuésase un fondu camarzu pollíticu y social.
- Bringing It All Back Home (marzu 1965)
El discu decisoriu na historia musical de Dylan: un cambéu pal formatu llétricu, ensin amurniase poles quexes del so públicu. Hai bonos temes perdayuri: "Subterranean homesick blues", "Love Minus Zero/No limit", "It's all over now, Baby Blue", "It's allright ma (I'm only bleeding)".
- Highway 61 Revisited (agostu 1965)
Discu nela mesma llinia, anque el conxuntu paez más "firme". Blues llétricu con poques concesiones pa lo acústico (la perbona y escura "Desolation row", per exemplu) y ún de los sos temes míticos: "Like a rolling stone".
- Blonde on Blonde (1966)
Dylan pieslla la so triloxía con otra obra mítica, el primer discu doble na historia del rock. Nel alcuéntrase pela última vegada esi "soníu de mercuriu llíquidu", como él nomaba a la música que naguaba por facer: "Pledging my time", "I want you", "Sad-eyed Lady of the Lowlands".
- John Wesley Harding (1967)
Espublízase mientres Dylan vive en Woodstock tres el so acidente de moto, lloñe del "circu mediáticu" creáu al rodiu de so. Una torna al folk de los sos anicios y un cantar que naide nun pue escaecer pola so escuridá y fondura: "All along the watchtower". Jimi Hendrix, que nel so discu Electric Ladyland (1968) fizo una versión d'esti tema, dixo que, tres ascuchalu la primer vegada, quedó tan alloriáu que tuvo que cantala él mesmu.
- Blood On The Tracks (1975)
Un nuevu pasu allantre. Temes llargos, enllenos d'ironíes y firíes. Neles sos memories (Cróniques I), Dylan fala "d'un discu fechu con dellos cuentiquinos de Chéjov" que naide nun tenía entendío: "Simple twist of fate", "You're a big girl now", "Shelter from the storm".
- Desire (1976)
Un bon discu, col raigón nela so xira "Rolling Thunder Revue". El violín de Scarlett Rivera ensámase cola vieya armónica de Dylan nun soníu únicu, enllenu xeitos que nun s'atopen nel restu los discos de Dylan: "Isis", "Oh Sister", "One more cup of coffee", "Hurricane" (canciu perllargu onde Dylan amuesa la so solidaridá col boseador prietu Rubim 'Hurricane' Carter, xulgáu inxustamente).
- Oh Mercy (1989)
Un bon discu nuna dómina que quiciabes seya la menos valatible de Dylan, somerxíu en duldes relixoses.
- Time Out Of Mind (1997)
Tres años d'escaezu y la muerte la so má, Dylan fai un discu de blues escuru, fondu, enllenu camarzu y llercia. Dellos temes perbonos: "Love Sick", "Not dark yet", "Standing in the doorway", "Cold irons bound".
- The Bootleg Series 4-Live 1966 'Royal Albert Hall (1998)
El conciertu más conocíu de Dylan, anque nun fuera nel Albert Hall, sinón en Manchester. Tres la parte acústica, Dylan amuesa'l so cambéu llétricu y toca dellos temes del futuru Bringing it all back home. Enantes que toque "Like a rolling stone", daquién glayía-y: "¡Xudes!". Dylan respónde-y: "Nun te creyo. Yes un mentirosu..." y pide-y a la banda (la futura The Band): "play fucking loud" ("tocái al alto la lleva").
- Love & Theft (2001)
Magar que caltenga munchos xeitos de Time out of mind, ye esti un discu muncho más roqueru y enfotáu. Les lletres amesten rexistros del blues clásicu d'Estaos Xuníos cola escura imaxinería surrealista de Dylan.
Discografía completa
[editar | editar la fonte]![](http://upload.wikimedia.org/wikipedia/commons/thumb/0/07/Bob_Dylan_1996.jpg/250px-Bob_Dylan_1996.jpg)
- Bob Dylan. 19 de marzu 1962
- The Freewheelin' Bob Dylan. 27 de mayu de 1963
- The Times They Are A-Changin'. 10 de febreru de 1964
- Another Side of Bob Dylan. 1 de mayu de 1964
- Bringing it all Back Home. 22 de marzu de 1965
- Highway 61. 30 d'agostu de 1965
- Blonde on Blonde. 16 de mayu de 1966
- Bob Dylan's Greatest Hits. 27 de marzu de 1967
- John Wesley Harding. 27 d'avientu de 1967
- Nashville Skyline. 9 d'abril de 1969
- Self Portrait. 8 de xunu de 1970
- New Morning. 21 d'ochobre de 1970
- Bob Dylan's Greatest Hits Vol.2. 12 de payares de 1971
- Pat Garrett & Billy the Kid. 13 de xunetu de 1973
- Dylan. 16 de payares de 1973
- Planet Waves. 17 de xineru de 1974
- Before the Flood (direutu). 20 de xunu de 1974
- Blood on the Tracks. 20 de xineru de 1975
- The Basement Tapes. 1 de xunetu de 1975
- Desire. 5 de xineru de 1976
- Hard Rain (direutu). 1 de setiembre de 1976
- Street Legal. 15 de xunu de 1978
- Masterpieces. 1978
- At Budokan (direutu). 23 d'abril de 1979
- Slow Train Coming. 20 d'agostu de 1979
- Saved. 19 de xunu de 1980
- Shot Of Love. 12 d'agostu de 1981
- Infidels. 27 d'ochobre de 1983
- Real Live (direutu). 29 de payares de 1984
- Empire Burlesque. 30 de mayu de 1985
- Biograph. 7 de payares de 1985
- Knocked Out Loaded. 14 de xunetu de 1986
- Dylan And The Dead. 18 de xineru de 1988
- Down In The Groove. 19 de mayu de 1988
- Oh Mercy. 12 de setiembre de 1989
- Under The Red Sky. 11 de setiembre de 1990
- The Bootleg Series Vol.1-3. 29 de marzu de 1991
- Good As I've Been To You. 3 de payares de 1992
- World gone wrong. 26 d'ochobre de 1993
- Bob Dylan's Greatest Hits Vol.3. 15 de payares de 1994
- MTV Unplugged. 2 de mayu de 1995
- Time Out Of Mind. 30 de setiembre de 1997
- The Best Of Bob Dylan. 1997
- The Bootleg Series 4-Live 1966 'Royal Albert Hall'. 13 d'ochobre de 1998
- The Essential Bob Dylan. 31 d'ochobre 2000
- Love & Theft. 11 de setiembre de 2001
- The Bootleg series Vol. 5.Live 1975. The Rolling Thunder Revue. 26 de payares de 2002
- The Bootleg series Vol 6. Live 1964. 30 de marzu de 2004
Referencies
[editar | editar la fonte]- ↑ Afirmao en: Gemeinsame Normdatei. Data de consulta: 10 avientu 2014. Llingua de la obra o nome: alemán. Autor: Biblioteca Nacional d'Alemaña.
- ↑ Biblioteca Nacional d'Alemaña. «Bob Dylan» (alemán). Gemeinsame Normdatei. Consultáu'l 9 abril 2014.
- ↑ URL de la referencia: http://www.bbc.co.uk/music/sevenages/artists/bob-dylan/.
- ↑ 4,00 4,01 4,02 4,03 4,04 4,05 4,06 4,07 4,08 4,09 4,10 4,11 URL de la referencia: https://www.biography.com/people/bob-dylan-9283052. Data de consulta: 11 avientu 2018.
- ↑ URL de la referencia: https://www.rollingstone.com/music/music-news/dylans-secret-wife-talks-254789/. Data de consulta: 11 febreru 2024.
- ↑ «SU Cas : an overtone pulsator» (n'inglés). Bulletin of the American Astronomical Society: páxs. 894. 1985.
- ↑ Biblioteca Nacional de Francia. «autoridaes BNF» (francés). Consultáu'l 10 ochobre 2015.
- ↑ 8,0 8,1 8,2 8,3 8,4 Afirmao en: Premios Grammy. Identificador Premios Grammy de artista: bob-dylan/3014.
- ↑ Identificador Rock Hall of Fame: bob-dylan.
- ↑ URL de la referencia: https://borntolisten.com/2020/12/07/december-7-bob-dylan-received-the-kennedy-center-honors-lifetime-achievement-award-in-1997/.
- ↑ URL de la referencia: https://www.rollingstone.com/movies/movie-news/dylan-wins-oscar-76603/.
- ↑ URL de la referencia: https://elpais.com/cultura/2007/06/13/actualidad/1181685603_850215.html.
- ↑ National Medal of Arts winner ID: bob-dylan.
- ↑ «Honorary Degree awarded to Environmental photographer Mark Edwards - UWE Bristol: News Releases» (inglés). Universidad del Oeste de Inglaterra (14 xunetu 2017). Consultáu'l 4 avientu 2022.
- ↑ URL de la referencia: https://www.rollingstone.com/music/music-news/bob-dylan-awarded-presidential-medal-of-freedom-98634/.
- ↑ URL de la referencia: https://www.nobelprize.org/nobel_prizes/literature/laureates/2016/.
- ↑ Bob Dylan, Premiu Nobel de Literatura 2016. La Nueva España, consultao'l 20.10.2016
Wikimedia Commons tien conteníu multimedia tocante a Bob Dylan.
Wikiquote tien frases célebres suyes o que faen referencia a Bod Dylan.