Saltar al conteníu

Bandera de Bulgaria

De Wikipedia
Ficha d'escuduBandera de Bulgaria
Datos
Estáu Bulgaria
Fecha d'adopción 16 d'abril de 1879 (145 años)
Proporción 5:3
Colores      blancu (#FFFFFF)
     verde (#00966E)
     bermeyu (#D62612)
Elementos representaos campo (es) Traducir (blancu, verde, bermeyu)
Cambiar los datos en Wikidata

La bandera de Bulgaria ye una bandera tricollor formada por trés bandes horizontales del mesmu tamaño de color, d'arriba embaxu, blancu, verde y bermeyu. La bandera foi adoptada tres de la guerra ruso-turca de 1877-1878, cuando'l país alcanzó la independencia. La bandera incluyía también, na esquina superior izquirda, l'escudu nacional, especialmente na era comunista. L'actual bandera quedó definida na constitución de 1991, y foi confirmada por una llei de 1998.

Historia

[editar | editar la fonte]

Tres de la lliberación de Bulgaria tres la guerra ruso-turca, en 1878, la bandera foi definida, na Constitución de Tarnovo de 1878, como vien darréu:

Art. 23. La bandera del pueblu de Bulgaria ye tricollor, y consiste en trés bandes horizontales de color blancu, verde y bermeyu.[1]

Dende 1946 l'escudu de la República Popular de Bulgaria asitiose na esquina izquierda de la franxa blanca. Contenía la figura d'un lleón rampante dientru de dos espigues de trigu enllazaes pela base, coronada por una estrella bermeya y asitiada sobre un llazu nel que figuraba la fecha del 9 de setiembre de 1944, la del golpe d'estáu que llevó al establecimientu de la República Popular. En 1971 al añu qu'apaecía nel llazu añadióse-y el 681, añu del establecimientu del Primer Imperiu búlgaru por Asparukh. Tres del final del comunismu la Constitución de Zhivkov, vixente nesa dómina, foi enmendada, de forma que la bandera volvió ser la de la era precomunista. La nueva constitución de 1991 describe la bandera como vien darréu:

Art. 166. La bandera de la República de Bulgaria será tricollor: blanca, verde y collorada d'arriba abaxu, con bandas en sentíu horizontal.[2]

Esiste tamién una versión popular de la bandera, que nun tien reconocimientu oficial. Inclúi l'escudu d'armes completu na fastera izquierda de la bandera, ocupando les franxes blanca y verde.

Llei de la bandera

[editar | editar la fonte]

Acordies colo qu'apaez na Llei del Sellu del Estáu y la Bandera Nacional de la República de Bulgaria, promulgada'l 24 d'abril de 1998:

Art. 15. (1) La bandera nacional de la República de Bulgaria ye un símbolu nacional qu'espresa la independencia y soberanía del estáu búlgaru.

(2) La bandera nacional de la República de Bulgaria ye tricollor: tien trés campos blancu, verde y colloráu, asitiaos horizontalmente y d'arriba embaxu. Cuando se coloque la bandera nacional en posición vertical los colores habrán iguase d'izquierda a derecha: blancu, verde, colloráu.

(3) La bandera nacional tien forma rectangular. Los campos de cada color han ser d'igual tamañu, y asitiaranse nel rectángulu en sentíu horizontal.[3]

Colores

[editar | editar la fonte]

Acordies col Comité de Metroloxía y Estandarización los colores de la bandera nacional de Bulgaria son:

Colores de la bandera de Bulgaria[4]
Esquema de color Blancu Verde Colloráu
Escala testil Pantone[5] Blancor perriba del 80% 17-5936 ТСX[6] 18-1664 ТСX[7]
Pantone[5] Safe RAL 6024 RAL 3028
Colores web[5] #FFFFFF #009B75 #D01C1F
RGB 255,255,255 0,155,117 208,28,31

Galería

[editar | editar la fonte]


  • Bandera de Bulgaria (1946–1948)
    Bandera de Bulgaria (1946–1948)
  • Bandera de Bulgaria (1948–1967). Válida dende'l 27 de xineru de 1948.
    Bandera de Bulgaria (1948–1967). Válida dende'l 27 de xineru de 1948.
  • Bandera de Bulgaria (1967–1971). Incorpora cambeos menores del diseñu del escudu con respectu a la versión anterior. Válida dende'l 14 de xunu de 1967.
    Bandera de Bulgaria (1967–1971). Incorpora cambeos menores del diseñu del escudu con respectu a la versión anterior. Válida dende'l 14 de xunu de 1967.
  • Bandera de Bulgaria (1971–1990). Añadiose, a la fecha de fundación del estáu socialista búlgaru (1944) la de fundación del Primer Imperiu búlgaru por Asparukh. Izada por primer vegada'l 21 de mayu de 1971.
    Bandera de Bulgaria (1971–1990). Añadiose, a la fecha de fundación del estáu socialista búlgaru (1944) la de fundación del Primer Imperiu búlgaru por Asparukh. Izada por primer vegada'l 21 de mayu de 1971.
  • Bandera de guerra del Exércitu Popular de Bulgaria de la era comunista. El testu qu'inclúi ye "Por la madre patria socialista".
    Bandera de guerra del Exércitu Popular de Bulgaria de la era comunista. El testu qu'inclúi ye "Por la madre patria socialista".
  • Actual bandera de guerra búlgara, asemeyada a la vixente nes décades de 1880-1940. Inclúi, en búlgaru, el testu "Dios ta con nosotros".
    Actual bandera de guerra búlgara, asemeyada a la vixente nes décades de 1880-1940. Inclúi, en búlgaru, el testu "Dios ta con nosotros".
  • Bandera naval de Bulgaria
    Bandera naval de Bulgaria
  • Bandera de proba de Bulgaria
    Bandera de proba de Bulgaria
  • Bandera naval de Bulgaria (1879–1949)
    Bandera naval de Bulgaria (1879–1949)
  • Bandera naval de Bulgaria (1949–1954)
    Bandera naval de Bulgaria (1949–1954)
  • Bandera naval de Bulgaria (1954–1990)
    Bandera naval de Bulgaria (1954–1990)
  • Estandarte del zar, usáu hasta 1946
    Estandarte del zar, usáu hasta 1946

Referencies

[editar | editar la fonte]
  1. ↑ «Tarnovo Constitution of 1879» (bulgarian). Juridical Encyclopedia. Archiváu dende l'orixinal, el 2007-09-11. Consultáu'l 15 de setiembre de 2007.
  2. ↑ «Constitution of the Republic of Bulgaria». National Assembly of the Republic of Bulgaria. Consultáu'l 15 de setiembre de 2007.
  3. ↑ «Law for the State Seal and National Flag of the Republic of Bulgaria». National Assembly of the Republic. Consultáu'l 15 de setiembre de 2007.
  4. ↑ bg:Национално знаме на България
  5. ↑ 5,0 5,1 5,2 Government of Bulgaria. «Bulgaria's National Flag». Archiváu dende l'orixinal, el 2009-02-08. Consultáu'l 2007-11-09.
  6. ↑ PANTONE. «PANTONE 17-5936 TCX Simply Green - Find a Pantone Color - Quick Online Color Tool». Archiváu dende l'orixinal, el 2017-08-09. Consultáu'l 12 December 2017.
  7. ↑ PANTONE. «PANTONE 18-1664 TCX Fiery Red - Find a Pantone Color - Quick Online Color Tool». Archiváu dende l'orixinal, el 2017-08-09. Consultáu'l 12 December 2017.

Enllaces esternos

[editar | editar la fonte]
Sacáu de «https://ast.wikipedia.org/w/index.php?title=Bandera_de_Bulgaria&oldid=4307519»