Antonín Novotný
Antonín Novotný (10 d'avientu de 1904, Letňany (en) y Praga – 28 de xineru de 1975, Praga) foi un políticu comunista checoslovacu, Primer Secretariu del Partíu Comunista de Checoslovaquia (1953-1968) y Presidente de la República (1957-1968).
Biografía
[editar | editar la fonte]Novotný ingresó nel Partíu Comunista de Checoslovaquia (KSČ) nel añu de la so fundación, 1921. Más tarde trabayó como delegáu nel VII Congresu de la Internacional Comunista, celebráu en 1935. Por cuenta de les sos xeres de direición na llucha clandestina mientres la ocupación nazi de Checoslovaquia, foi deteníu en 1941 y encarceláu nel campu de concentración de Mauthausen. Foi lliberáu poles tropes norteamericanes el 5 de mayu de 1945.
Tres la Segunda Guerra Mundial y el Golpe de Praga, Novotný xubió na direición del KSČ y foi escoyíu Primer Secretariu en 1953, tres la muerte de Klement Gottwald. Esi mesmu añu foi escoyíu diputáu y en 1957 foi nomáu Presidente de la República. Foi protagonista del procesu de desestalinización encabezáu pol Secretariu Xeneral del Partíu Comunista de la Xunión Soviética, Nikita Khrushchov, dende 1956.
Pero la creciente impopularidá pol estancamientu económicu y la represión de les protestes estudiantiles fixéron-y perder el control en 1967. Dimitió como Primer Secretariu en 1968 siendo reemplazáu pol reformista Alexander Dubček. En marzu d'esi añu foi cesáu como Presidente y en mayu dimitió como miembru del Comité Central del KSČ.
En 1971, mientres el periodu de la normalización que siguió a la invasión soviética de 1968, foi de nuevu escoyíu miembru del Comité Central, pero la so influyencia política foi mínima. Finó en Praga el 28 de xineru de 1975.
Ver tamién
[editar | editar la fonte]- Historia de Checoslovaquia
- Partíu Comunista de Checoslovaquia
- República Socialista de Checoslovaquia
Referencies
[editar | editar la fonte]- George Shaw Wheeler (1973). The Human Face of Socialism: The Political Economy of Change in Czechoslovakia. Lawrence Hill and Company, Publishers, Inc.: U.S.A.
- Milan Čechvala: Dejinné zadosťočinenie. En Slovenské národné noviny 7/2006 (4 d'abril de 2006).
Referencies
[editar | editar la fonte]- ↑ Afirmao en: catálogu de la Biblioteca Nacional Checa. Identificador NKCR AUT: jk01090639. Data de consulta: 2 febreru 2023.
- ↑ 2,0 2,1 Afirmao en: Find a Grave. Identificador Find a Grave: 44293108. Apaez como: Antonin Novotny. Data de consulta: 9 ochobre 2017. Llingua de la obra o nome: inglés.
- ↑ Afirmao en: catálogu de la Biblioteca Nacional Checa. Identificador NKCR AUT: jk01090639. Data de consulta: 23 payares 2019.
- ↑ «idRef» (francés). Agencia Bibliográfica de Enseñanza Superior. Consultáu'l 22 mayu 2020.
- ↑ URL de la referencia: https://www.valka.cz/Rad-25-unora-1949-t88194. Data de consulta: 22 payares 2020.
Enllaces esternos
[editar | editar la fonte]
Predecesor: Antonín Zápotocký |
![]() 1957 - 1968 |
Socesor: Jozef Lenárt |
- Homes
- Wikipedia:Mantenimientu:Persones con más d'un llugar de nacimientu
- Persones nacíes en 1904
- Persones finaes en 1975
- Wikipedia:Revisar traducción
- Persones de Praga
- Miembros de la resistencia na Segunda Guerra Mundial
- Presidentes de Checoslovaquia
- Comunistes de Chequia
- Secretarios xenerales de partíos comunistes
- Persones de Chequia