Academia Francesa de les Ciencies
Academia Francesa de les Ciencies | |
---|---|
academia de ciencies, academia nacional y archivu | |
![]() | |
Llocalización | |
Sede | París |
Direición | Francia |
Coordenaes | 48°51′27″N 2°20′13″E / 48.8574°N 2.337°E |
Forma xurídica |
establecimiento público nacional de carácter administrativo (es) ![]() |
Historia | |
Fundación | 22 avientu 1666 |
Fundador | Jean-Baptiste Colbert |
Organigrama | |
Presidente |
Jean Aubouin (1989) Hubert Curien (2001) Étienne-Émile Baulieu (2003) Jules Hoffmann (2007) Jean Salençon (2009) Alain Carpentier (2011) Philippe Taquet (es) ![]() Bernard Meunier (2015) Sébastien Candel (2017) Pierre Corvol (2019) Patrick Flandrin (2021) Alain Fischer (2023) |
Sector | |
Industria |
administración pública (supervisión) de servicios sanitarios, de formación, culturales y sociales, distintos de la seguridad social (es) ![]() |
Participación empresarial | |
Propietariu de |
ver
|
Forma parte de | |
Bolsa de valores |
Instituto de Francia (es) ![]() |
Web oficial | |
![]() |
L'Academia de Ciencies de Francia (en francés, Académie des sciences) ye la institución francesa que: «Anima y protexe l'espíritu de la investigación, y contribúi al progresu de les ciencies y aplicaciones». Creada en 1666, mientres el reináu de Lluis XIV sol patrociniu del so primer ministru Jean-Baptiste Colbert, cuntó primeramente con científicos como René Descartes, Blaise Pascal y Pierre de Fermat. Trátase d'una de los cinco academies franceses que constitúin l'actual Institutu de Francia.
Foi la primer institución qu'adoptó'l sistema métricu decimal como sistema universal.
Historia
[editar | editar la fonte]![](http://upload.wikimedia.org/wikipedia/commons/thumb/7/78/Acad%C3%A9mie_des_Sciences_1671.jpg/220px-Acad%C3%A9mie_des_Sciences_1671.jpg)
L'Academia de ciencies debe'l so orixe al proyeutu de Colbert de crear una academia xeneral. Inscríbese igualmente na llinia de diversos círculos de sabios que s'axunten nel sieglu XVII, alredor d'un mecenes o d'una personalidá erudita. Colbert escueye un pequeñu grupu de sabios que se rexunten el 22 d'avientu de 1666 na biblioteca del rei, y ellí tienen sesiones de trabayu. Los trenta primeros años d'esistencia de l'Academia fueron relativamente informales, la nueva institución nun recibiera estatus.[1]Páxina oficial de l'Academia
El 20 d'abril de 1699, Lluis XIV da a la Academia Real de Ciencies el so primer reglamentu: compuesta nun principiu por 70 miembros, l'Academia recibe'l títulu de real ya instálase nel Louvre.
Mientres el sieglu XVIII contribúi al movimientu científicu del so tiempu per mediu de les sos publicaciones, y xuega un rol d'asesor pal poder. El 8 d'agostu de 1793, la Convención suprime toles academies. Dos años más tarde, el 22 d'agostu de 1795, foi creáu nel so llugar un Institutu Nacional de Ciencies y Artes» reagrupando les antigües academies científiques, lliteraries y artístiques. La primer clase del Institutu de Ciencies Físiques y Matemátiques» foi la más numberosa, con 66 miembros de 144.
En 1816, l'Academia de Ciencies recupera la so autonomía participando nel Institutu de Francia. El xefe d'Estáu ye'l so proteutor. En 1835, so la influyencia de François Arago, fueron creaes les Cuentes rindíes de l'Academia de les Ciencies», que vuelve ser un preséu de primera importancia pal espardimientu de trabayos de científicos franceses y estranxeros.
Fines
[editar | editar la fonte]Pa entender correutamente los oxetivos, l'estatus y la forma de trabayar de l'Academia, recuéyense equí los artículos 1 al 5 del so reglamentu de funcionamientu:
Artículu 1 | L'Academia de les ciencies del Institutu de Francia axunta a sabios franceses y acomuña a sabios estranxeros escoyíos, los unos y los otros, ente los más eminentes. |
Artículu 2 | Anima y protexe l'espíritu de la investigación, y contribúi al progresu de les ciencies y de les sos aplicaciones.
Vela pola calidá de la enseñanza y obra por que les meyores del desarrollu científicu sían integraos na cultura de los homes del nuesu tiempu. Ye sollerte al caltenimientu del rol y de la calidá del llinguaxe científicu francés. |
Artículu 3 | L'Academia de ciencies participa na vida científica y apurrir el so sofitu:
|
Artículu 4 | L'Academia de ciencies contribúi al desarrollu de les rellaciones científiques internacionales y a la representación de la ciencia francesa:
|
Artículu 5 | L'Academia de ciencies fai una reflexón y una vixilancia constantes sobre la organización de la investigación, de la formación de la investigación y de les enseñances científiques, sobre les aplicaciones de les ciencies, sobre les grandes orientaciones de programes y más xeneralmente sobre toles cuestiones interesantes a la vida científica,
|
Archivos
[editar | editar la fonte]Unu de los llabores más importantes que realiza l'Academia ye la busca y salvaguarda de los documentos científicos más importantes, por que perduren a lo llargo de la historia y sían accesibles a los científicos que deseyen consultar trabayos y artículos. Ye un grandiosu trabayu de divulgación en favor de la conocencia de la ciencia y el so desarrollu.
L'Academia de les Ciencies tuvo siempres la esmolición de caltener la so memoria, anque tuvo qu'esperar a los años 1880 pa ver constituyise les coleiciones de les que s'arguyez. Guarda les actes orales de les sesiones (les más antigües daten de 1666), numberoses memories, informes, cartes, manuscritos de too tipu, datos bibliográficos de los sos sabios, actes y alderiques de premios, etc.
Conserva tamién los dossieres biográficos que concernen a tolos sabios que pertenecieren a l'Academia dende la so creación, al traviés de manuscritos, documentos iconográficos y documentación. Guarda los dossieres sobre los precios de les coses, qu'apaecieron per vegada primera en 1720.
Tien un depósitu que dexa a los autores garantizar los sos derechos tocantes a l'anterioridá d'un descubrimientu, siendo una idea que se remonta al sieglu XVIII.
Almacena los papeles de los comités y comisiones, creaos na Academia pa estudiar cuestiones científiques o p'asegurar responsabilidaes alministratives; un fondu importante d'archivos personales —siendo unu de los más destacaos el de Lavoisier— que constitúin una fonte de primera importancia pa los historiadores de la ciencia y de la vida político y económico.
![](http://upload.wikimedia.org/wikipedia/commons/thumb/8/8f/Acta_Eruditorum_-_I_orologi%2C_1737_%E2%80%93_BEIC_13458392.jpg/220px-Acta_Eruditorum_-_I_orologi%2C_1737_%E2%80%93_BEIC_13458392.jpg)
Los archivos de l'Academia caltienen documentos impresos, como la coleición de « Comptes rendus », creaos en 1835, dixitalizaos pola Biblioteca Nacional de Francia, lo mesmo que de una importante coleición de semeyes, bustos, medayes y medallones, usualmente roblaos por grandes artistes.
Miembros distinguíos
[editar | editar la fonte]Dalgunu de los miembros más distinguíos d'esta institución fueron: Pierre Simon Laplace, Henri Léon Lebesgue, Joseph Fourier, Simeon Poisson, Jean-Victor Poncelet, Henri Poincaré, Charles Hermite, Émile Borel, Alfred Grandidier, Frederick Sanger, Pedro Vicente Maldonado, A.L.Lavoisier.
Referencies
[editar | editar la fonte]- ↑ « L'Académie des sciences doit son origine au projet de Colbert de créer une académie générale. Elle s'inscrit également dans la lignée des divers cercles de savants qui se réunissaient au XVIIe siècle, autour d'un mécène ou d'une personnalité érudite. Colbert choisit un petit groupe de savants qui s'assemblèrent le 22 décembre 1666 dans la bibliothèque du Roi, nouvellement installée rue Vivienne, et y tinrent désormais des séances de travail bihebdomadaires. Les trente premières années d'existence de l'Académie furent relativement informelles, la nouvelle institution n'ayant pas reçu de statuts. »
Enllaces esternos
[editar | editar la fonte]- Academie des Sciences — Páxina oficial de l'Academia (en francés).
- Páxina cola llista completa de los miembros de l'Academia (en francés).
- Discursu pronunciáu por Condorcet en nome de l'Academia de les ciencies, na Asamblea Nacional francesa, en favor del Sistema Métricu Internacional («Discours à l'Assemblée nationale, au nom de l'Académie des Sciences (12 de xunu de 1790)». Un enllaz pa ser conscientes de la gran importancia de l'Academia na dómina (y anguaño), nel que se ve la intervención de l'Academia na vida política y cómo intenta resolver los problemes que se plantegen na sociedá, y la so puesta en práutica.
- Gallica.bnf.fr (buscar: Comptes Rendus). Los Comptes Rendus («Cuentes rindíes de l'Academia de les Ciencies»), un preséu de primera importancia pal espardimientu de trabayos de científicos franceses y estranxeros. Tán disponibles na Biblioteca Nacional.
- Comptes rendus de l'Académie des sciences. Série 1, Mathématique en Gallica, la biblioteca dixital de la BnF.