كليوباترا الرابعه
كليوباترا الرابعه هوه حاكم مصر رقم 158 حكمت مصر مع اخوها/بطليموس التاسع |
---|
| ||||
---|---|---|---|---|
(باللغه يونانى: Κλεοπάτρα) | ||||
معلومات شخصيه | ||||
الميلاد | سنة 138 ق م | |||
الوفاة | سنة 112 ق م | |||
مواطنه | مصر الفرعونيه | |||
الزوج | بطليموس التاسع انطيوخوس التاسع | |||
ابناء | بطليموس قبرص ، وبطليموس الاتناشر ، وانطيوخوس العاشر | |||
الاب | بطليموس التامن [1] | |||
الام | كليوباترا التالته [1] | |||
اخوه و اخوات | ||||
عيله | البطالمه | |||
معلومات تانيه | ||||
المهنه | ملكه حاكمه | |||
اللغات المحكيه او المكتوبه | لغه يونانى قديم | |||
تعديل مصدري - تعديل ![]() |
كليوباترا الرابعه - باليوناني : Κλεοπάτρα - ( اتولدت ح 140 ق.م - انطاكيه ، 112 ق.م ) ملكة مصر. بنت بطليموس التامن و كليوباترا التالته. حكمت مصر مع اخوها/جوزها بطليموس التاسع - سوتر 2 (لاثيروس) و امهم كليوباترا التالته و جدتهم كليوباترا التانيه من 116 ق.م لغاية 115 ق.م. اجبرته امه كليوباترا التالته على تطليقها و الجواز من اخته اللى أصغر منها كليوباترا سيلينا اللى بقت فى الترقيم التاريخى الجديد كليوباترا الخامسه.
بعد الطلاق ، كليوباترا الرابعه اتفقت على الجواز من الملك السيليوقى انتيوخوس التاسع كيزيزيكينوس ( 114/3 - 95 ) اللى كان صاحب مطلقها بطليموس التاسع و كان جوز اختها كليوباترا تريفانيا. كيزيكينوس كان من سنة 113 ق.م مشغول فى حرب مع اخوه المش-شقيق انتيوخوس التامن جريبوس ( 125 - 96 ق.م ) على حكم سوريا ، فراحت كليوباترا الرابعه على قبرص و جمعت قوات عسكريه و راحت بيهم على اسيا عشان تساعد سيزيكينوس بإعتبارها حاتكون مراته ، لكن القوات اللى بعتتها اتغلبت فاستخبت فى معبد فى انطاكيه و حاصرها انتيوخوس جريبوس و اختها و اتقتلت فى الاخر فى المعبد و هى متشبثه بتمثال الاهه بأمر اختها تريفانيا من غير رغبة انتيوخوس جريبوس اللى كان ضد قتلها لإنها كانت اخت مراته و خالة عياله و قال ان قتلها ما يرضيش الالهه. فى المعركه اللى حصلت بعد كده انتصر انتيوخوس كيزيكينوس و انتقم لقتل خطيبته بإعدام تريفانيا.
شوف كمان: لستة ملوك مصر البطلميه
حكم قبلها: بطليموس 9 و كليوباترا 3 |
ملكة مصر البطلميه مع بطليموس 9 و كليوباترا 2 و كليوباترا 3 |
حكم بعدها: بطليموس 9 و كليوباترا 2 و كليوباترا 3 |
- ↑ أ ب باسم: Cleopatra IV — مُعرِّف دي أجوستيني (De Agostini): https://www.sapere.it/enciclopedia/Cleopatra+IV.html — تاريخ الاطلاع: 18 يونيه 2023 — الناشر: دي أغوستيني