جامعة القاهره
| ||||
|---|---|---|---|---|
| (بالعربى: جامعة القاهرة) | ||||
 | ||||
 | ||||
| جامعه عامه ، وجامعه [1] | ||||
| البلد |  مصر
| |||
| الأسماء السابقة | الجامعة المصرية (1908-1940) جامعة فؤاد الاولانى (1940-1952) | |||
| معلومات | ||||
| التأسيس | 1908 | |||
| النوع | جامعة حكومية | |||
| المعاهد | 5 معاهد و 3 مراكز | |||
| الكليات | 20 كلية | |||
| الموقع الجغرافى | ||||
| احداثيات | 30°01′39″N 31°12′37″E / 30.0276°N 31.21014°E | |||
| الشارع | شارع جامعة القاهرة، ميدان النهضة | |||
| المدينه | مدينة الجيزة | |||
| الاداره | ||||
| الرئيس | محمد عثمان الخشت | |||
| احصاءات | ||||
| الطلاب | اكتر من 155 ألف طالب [2](سنة ؟؟) | |||
| الموظفين | ||||
| الموقع | الموقع الرسمى | |||
| ||||
تعديل  |
||||
جامعة القاهرة | |
Thoth, the embodiment of knowledge, hieroglyphs, and wisdom. | |
Former names | Egyptian University Fuad I University |
|---|---|
| Type | Public |
| Established | 1908 |
| President | Mohammed Othman Al Khasht |
| Students | 231,584 |
| Location | ، ، |
| Campus | Urban |
| Affiliations | UNIMED |
| Website | cu.edu.eg/ |
جامعة القاهرة ، اتنشئت سنة 1908 فى القاهره باسم الجامعة المصرية نتيجة لزيادة الوعى الوطنى و الحركه الوطنيه فى مصر. اتبرع الوطنيين من الشعب المصرى بالفلوس و الاطيان عشان تتعمل.
الزعيم مصطفى كامل كان ابتدا من سنة 1904 يروج فى جورنال " اللواء " بتاع الحزب الوطنى المصرى لفكرة انشأ جامعه مصريه. احمد باشا المناوى كان عايز ينشىء جامعه مصريه على نفته فى باسوس او ابو غيط لكن اتوفى قبل ما ينفذ حلمه لكن الفكره ما ماتتش و اتبارى الكتاب و السياسيين الوطنيين فى الدعوه لعمل اكتتاب لجمع فلوس لانشاء الجامعه.
الاكتتاب
بدأ تنفيذ المبادره سنة 1906 على ايد راجل من أعيان بنى سويف اسمه مصطفى كامل الغمراوى و اتبرع بخمسميت جنيه و ده كان مبلغ كبير اياميها ، و فى 8 اكتوبر 1906 اجتمع اشخاص من كبار الوطنيين المصريين من المتحمسين للمشروع و طلعو بيان بيهيب بالمصريين انهم يشاركو فى الاكتتاب و يتبرعو ، و انتخبو لجنه تحضيريه بتتكون من سعد زغلول و قاسم امين و أخنوخ فانوس و محمد راسم و حسن جمجوم و زكريا نامق ومحمد الشيتى ومصطفى الغمراوى وحسين سعيد ومحمد عثمان أباظه و بكده اتشكلت بذرة الجامعه.
اتولى قاسم امين منصب نايب الرئيس بعد سعد زغلول و انعقدت الجلسه التالته يوم 19 يناير 1907 و أعلن قاسم امين ان الخديوى عباس حلمى التانى قرر انه يعمل ولى عهده رئيس شرفى للجامعه. و فى يوم الجمعه 31 يناير 1908 اجتمعت الجمعيه العموميه برياسة قاسم امين و اتقرر قبول الامير احمد فؤاد لرياسة الجامعه، و اجتمعت اللجنه تحت رعاية رئيسها الجديد فى سراية احمد فؤاد باشا يوم 12 مارس 1908 ، و ابتدت اجراءات تنفيذ المشروع و اتبرع الخديوى عباس بمنحه سنويه للمشروه مقدارها 5000 جنيه ، و اتعملت حفلة الافتتاح فى مقر جمعية شورى القوانين يوم 21 ديسمبر 1908. و استمر تدفق التبرعات على شكل فلوس و اطيان و قامت الاميره فاطمه بنت اسماعيل باشا بجهد كبير ، و لما عرفت من دكتورها الشخصى محمد علوى باشا ، اللى كان عضو فى مجلس الجامعه ، ان الجامعه بتواجه صعوبات ماليه اتبرعت بعمل وقف من جزء من اراضيها الزراعيه لفايدة الجامعه ب تاخد الجامعه ريع الاراضى دى و بكده تضمن تمويل ثابت ، و كمان اتبرعت بمجوهراتها عشان توفر للجامعه سيوله ماليه عاجله ، و فوق كده اتبرعت كمان بأرض عشان تتبنى عليها الجامعه. اتوفت الاميره فاطمه قبل ما تتبنى الجامعه.
بدات الجامعه المصريه كجامعه اهليه ، و اول كلياتها كانت كلية الاداب. فى سنة 1925 بقت جامعه حكوميه و ادمجت فيها مدارس الطب و الحقوق و اتاسست كليه جديده للعلوم ، و فى سنة 1935 ادمجت فيها مدارس الهندسه ، و الزراعه ، و التجاره العليا ، و بعدين الطب البيطرى و اتضاف ليها معهد الأحياء المائيه. اتعرفت الجامعه باسم جامعة فؤاد الاول. فى سنة 1945 اضمت ليها دار العلوم و بقت اسمها " جامعة القاهرة " فى خمسينات القرن العشرين.
الجامعه
الجامعه بتتكون من كليات كتيره زى كليات الاداب ، و الحقوق ، و الاقتصاد ، و العلوم السياسيه ، والتجاره ، و العلوم ، و الطب ، و طب الأسنان ، و الصيدله ، و الهندسه ، و الزراعه ، و الطب البيطرى ، و الاثار ، و الاعلام ، و دار العلوم. و لجامعة القاهره فرع فى الخرطوم بيضم كليات الاداب و الحقوق.
اتخرج من جامعة القاهره اساتذه و علما كبار ساهموا فى تطوير العلم و الثقافه على مستوى العالم. من اشهر اللى اتخرجوا من جامعة القاهره اديب مصر نجيب محفوظ و طه حسين.
رئيس امريكا باراك اوباما اختار جامعة القاهره عشان تكون المكان اللى يوجه منه خطبه للعالم الاسلامى فى 4 يونيه 2009.[3][4]
رئيس جامعة القاهره دلوقتى هو د. على عبد الرحمن يوسف.
رمز الجامعه تحوت اله الحكمه فى مصر القديمه.
مكتبة جامعة القاهرة
جامعة القاهره فيها مكتبه ضخمه و عندها مطابع بتطبع بحوث الاساتذه و المجلات العلميه للكليات. المكتبه نشئت مع الجامعه سنة 1908 و بقت فى المبنى الموجوده فيه دلوقتى فى جناين الأورمان من سنة 1932. المكتبه فيها حوالى مليون كتاب ، من ضمنها كتب نادره و قيمه للعلما و الامرا و المشرقين ، و فيها كمان مجموعات ورق بردى و عملات قديمه. المكتبه مشتركه فى حوالى 1400 مجله غربيه ، و بتتبادل المطبوعات مع حوالى 400 هيئه علميه اوروبيه. كل مكتبات كليات و معاهد جامعة القاهره بتتبعها.
شوف
لينكات برانيه
- جامعة القاهره – صور وتسجيلات صوتيه و مرئيه على ويكيميديا كومونز (الإنجليزية)
- جامعة القاهره على موقع كيورا - Quora (الإنجليزية)
- جامعة القاهره معرف قاعده بيانات الملف للسلطه الافتراضيه الدوليه (الإنجليزية)
- جامعة القاهره معرف مخطط فريبيس للمعارف الحره (الإنجليزية)
- جامعة القاهره معرف قاعده البيانات الجغرافيه لموقع جيونيمز (الإنجليزية)
- جامعة القاهره معرف مكتبه الكونجرس (الإنجليزية)
- جامعة القاهره معرف ملف استنادى متكامل (الإنجليزية)
مصادر
- ↑ https://www.4icu.org/reviews/1244.htm
- ↑ جامعة القاهرة. Archived 2010-10-06 at the Wayback Machine
- ↑ President Obama Addresses Muslim World in Cairo The Washington Post
- ↑ من هنا سبيتكلم أوباما الى العالم الاسلامي The BBC
- ماهر حسن ، المصرى النهارده ، مؤسسة المصرى النهارده للصحافة و النشر ، عدد 2017 ، 21 ديسمبر 2009.
مواقع خارجيه ليها علاقه بالموضوع
الأزهر · القاهرة · الاسكندريه · أسيوط · عين شمس · المنصورة · حلوان · الزقازيق · قناة السويس · المنيا · بنها · الفيوم · بني سويف · كفر الشيخ · المنوفية · سوهاج · طنطا · جنوب الوادي · بورسعيد · دمنهور · مدينة السادات · السويس · دمياط · جامعة الاقصر · جامعة اسوان · جامعة العريش | | |