الكنيسه الانجليكانيه
| ||||
---|---|---|---|---|
![]() | ||||
صنف فرعى من | بروتيستانتيه | |||
تعديل ![]() |
![](http://upload.wikimedia.org/wikipedia/commons/thumb/1/1f/Canterbury-cathedral-wyrdlight.jpg/200px-Canterbury-cathedral-wyrdlight.jpg)
الأنجليكانيه Anglicanism هو تقليد جووا المسيحيه ، بيضم كنيسة انجلترا والكنايس اللى مرتبطه بيها تاريخى ، أو بتحمل معتقدات متصله وثيقه بيها، زى كنيسة كندا الأنجليكانيه والكنيسة الأسقفيه البروستانتيه فى أميركا وكنيسة اسكتلندا الأسقفيه. الكنيسة الانجليكانيه بيرجع تاريخها لالقرون الوسطى، وبتتكتب باللاتينيه ecclesia Anglicana يعني: الكنيسة الانجليزية. بتستخدم لوصف الناس والمؤسسات والكنايس وكمان التقاليد الدينيه والطقوسيه والمفاهيم المتقدمه اللى اتنشئت فى كنيسة انجلترا الانجليكانيه والكنايس الانجليكانيه المستمره (يعنى الجماعات المنتسبة لمجموعة من الكنايس المستقله اللى انفصلت عن الاتحاد الانجليكانى نتيجة للاختلافات المذهبية والطقسية مع مختلف الدول). فى بعض أجزاء العالم، تعرف الانجليكانيه بالاسقفيه. الايمان الانجليكانى هو واحد من اكبر العقائد البروتستانتيه. الكنيسه الانجليكانيه بتعتبر نفسها جزء من الكنيسه الواحده الجامعه المقدسه الرسوليه ، كمان البعض منهم بيعتبرو كنيستهم كاتوليكيه وتم اصلاحها. لبعض المؤمنين بالعقيده دى، فهيا تمثل الكاتوليكيه غير البابويه ، للتانيين بتعتبر بروتستانتيه من غير أى شخص مهيمن زى لوثر و كالفين و نوكس و يسلي. لكن كتير من الانجليكانيين بيهتمو بالهويه الذاتيه وبيعتبروها بتمثل مزيج من الاثنين. المشاركه الواسعه هيا بشكل لاهوتى و أحيانا متباينة الانتماء بين الواحد والاربعين اقليم (province) اللى بيتواصلو مع ريس اساقفة كانتربري.الاقليم ممكن يكون ف دوله واحده او يكون فيه دول كتيره . الانجليكانيه هيا من اكبر الطوايف المسيحيه فى العالم، وفيها حوالى 73 مليون عضو.