حمدى غيث

محمود حمدى الحسينى غيث ، اسم شهرته حمدى غيث ( كفر شللمون ، منيا القمح ، الشرقيه ، 7 يناير 1924 - القاهره ، 7 مارس 2006 ) ممثل و مخرج مسرحى مصرى كبير و رائد من رواد العصر الدهبى فى المسرح المصرى فى الستينيات كممثل و مخرج.

اتولد حمدى غيث فى كفر شلشلمون التابع لمنيا القمح فى محافظة الشرقية سنة 1924 ، درس فى كلية الحقوق فى جامعة القاهره و درس فى معهد المثيل و اتخرج منه سنة 1947 و كان اول دفعته. سافر باريس كذا مره عشان يدرس فن المسرح.

اشتغل حمدى غيث استاذ فى اكايمية الفنون و فى معهد التمثيل ، و اشتغل مخرج و ممثل فى فرقة المسرح الحديث ، و ممثل فى الاذاعه ، و مخرج فى مسارح التلفزيون ، و مشرف ع المسرح الحديث ، و مدير للمسرح القومى ، و مدير للادارات الثقافيه و المهرجانات ، و وكيل وزارة لشؤون الثقافة الجماهيرية و لعب دور كبير وقتها فى انشأ مسرح الاقاليم ، و اتولى منصب نقيب الممثلين لكذا دوره.وهو اخو الفنان عبدالله غيث

بدايته فى السينما المصريه كانت دوره فى فيلم " صراع فى الوادى " سنة 1945 ، و مع ان ادواره فى السينما كانت قليله لكن كانت ادوار كبيره و متميزه. خبرته الطويله فى المسرح ادته قدره على تأدية ادوار الشخصيات التاريخيه فلعب بنجاح دور ريتشارد قلب الأسد فى فيلم الناصر صلاح الدين اللى اخرجه يوسف شاهين ، و مثل فى فيلم الرساله. و من اشهر الافلام اللى مثل فيها افلام " بنت الليل " و " صراع العشاق " (1981) و " الحكم اخر الجلسه " (1985) و " إسماعيلية رايح جاى " (1997).

شارك كمان تمثليات تلفزيونيه كان منه " المال و البنون " و " الفرسان " و كان ليه ادوار مميزه فى " ذئاب الجبل " و " زيزينيا ".

وهو اخو الفنان عبدالله غيث.

فى المسرح اخرج كذا مسرحيه كان منها " مأساة جميلة " و " أرض النفاق ".

اتوفى حمدى غيث فى 7 مارس 2006 فى مستشفى عين شمس التخصصى فى القاهره و اندفن فى قريته كفر شلشمون فى الشرقيه.

تكريم

• كرمته الدوله المصريه بشهاده تقديريه فى عيد الفن سنة 1978
• وسام العلوم والفنون من الطبقة الأولى
• جايزة الدوله التقديريه للفنون

مصادر

• المصرى اليوم ، عدد 2093 ، 7 مارس 2010

فيلموجرافيا

إخراج

• ست البنات [مسرحية] (1900)

موسيقى

• الرسالة (1976)

تمثيل

• هدى شعراوي [مسلسل] (2005)
• أيامنا [مسلسل] (2004)
• الأصدقاء [مسلسل] (2002)
• الأحلام البعيدة [مسلسل] (2002)
• زيزينيا (ج 1) [مسلسل] (1999)
• أرض الخوف (1999)
• أمراة من زمن الحب [مسلسل] (1998)
• اسماعيلية رايح جاي (1997)
• الغجر (1996)
• خالتي صفية والدير [مسلسل] (1995)
• البحث عن توت عنخ امون (1995)
• الفرسان [مسلسل] (1994)
• عصر الائمة [مسلسل] (1994)
• فى قلب الليل [مسلسل] (1992)
• ذئاب الجبل [مسلسل] (1992)
• المال والبنون [ب] [مسلسل] (1990)
• حارة برجوان (1989)
• اغتيال مدرسة (1988)
• التوت والنبوت (1986)
• المدبح (1985)
• الحكم اخر جلسة (1985)
• الشهد والدموع (الجزء الأول) [مسلسل] (1983)
• الجزار الشاعر [مسلسل] (1983)
• محمد رسول الله ج(2) [مسلسل] (1981)
• صراع العشاق (1981)
• العملاق [مسلسل] (1979)
• برديس [مسلسل إذاعي] (1977)
• الرسالة (1976)
• عندما يغنى الحب (1973)
• طريق الانتقام (1972)
• حياة خطرة (1971)
• نار الشوق (1970)
• الدخيل (1967)
• فجر يوم جديد (1965)
• الناصر صلاح الدين (1963)
• بنات الليل (1955)
• فى صحتك (1955)
• شيطان الصحراء (1954)
• قرية العشاق (1954)
• صراع فى الوادى (1954)
• آثار فى الرمال (1954)
• طريق الذئاب [مسلسل] (1900)
• الاعماق البشرية [مسلسل إذاعي] (1900)
• بيت الزعفراني [مسلسل] (1900)
• عنترة [ج] [مسرحية] (1900)
• الأيام [مسلسل]
• نحن لانزرع الشوك [مسلسل]