الربيع د الشعوب
![](http://upload.wikimedia.org/wikipedia/commons/thumb/7/77/Arab_Spring_and_Regional_Conflict_Map.svg/200px-Arab_Spring_and_Regional_Conflict_Map.svg.png)
لخريطة د لمضاهرات ف لمنطقة ف وقت الربيع د الشعوب.
![](http://upload.wikimedia.org/wikipedia/commons/thumb/c/c5/2011_Moroccan_protests_1.jpg/200px-2011_Moroccan_protests_1.jpg)
مضاهرات د 20 فبراير ف لمغريب.
الربيع د الشعوب ولاّ الربيع لعربي، ولاّ التورات لعربية، هو مجموعة د لحركات لإحتجاجية السلمية اللي وقعات ف بزاف د لبلدان د شمال إفريقيا و الشرق لأوسط ما بين اللخر د 2010 و اللخر د 2012. بدا الربيع د الشعوب ف دجنبر 2010 ف تونس، ملّي واحد الشاب سميتو محمد لبوعزيزي حرق راسو، و بدات لمظاهرات تاتكبر تا ولاّت تورة و طاح النضام د الرئيس زين لعابدين بنعلي.[1]
بزاف د لبلدان تأترات بالربيع د الشعوب، ما بين اللي كانت فيها تورة، و اللي دازو فيها مضاهرات، و اللي بدات فيها حروب، باقا شي وحدين منها تال دابا. ف مصر طاح النضام د حسني مبارك ف 25 يناير 2011، ف ليبيا تقتل معمر لقدافي ف 20 أكتوبر، و ف سوريا بدات حرب كبيرة ما بين النضام د بشار لأسد و بزاف د لمعارضين ديالو من بزاف د لإيديواوجيات.
ف لمغريب، كانت لحركة د 20 فبراير، اللي دارت مضاهرات ضد لفساد و لإستبداد، و بقات من فبراير 2011 تال مارس 2014.
- ^ "محمد البوعزيزي - شرارة أطلقت الربيع العربي - لجزيرة (2015)". مأرشيڤي من لأصل ف 2023-01-29. تطّالع عليه ب تاريخ 2022-01-27.
![]() هادي زريعة ديال مقالة خاصها تّوسع. تقدر تشارك ف لكتبة ديالها. |