أنطاركتيكا
![](http://upload.wikimedia.org/wikipedia/commons/thumb/f/f2/Antarctica_%28orthographic_projection%29.svg/220px-Antarctica_%28orthographic_projection%29.svg.png)
أنطاركتيكا ؤلا لقارة لجانوبية هيّا قارة كاينة ف أقصى لجانوب د لأرض، جات ف لمنطقة لقطبية لجانوبية لي كاينة ف نّص لجانوبي د لأرض، تقريبا داخلة كاملة ف دّايرة لقطبية لجانوبية، ؤ ضاير بيها لموحيط لجانوبي. لمساحة ديالها 14.2 مليون كيلوميطر مربع، شي لي كيجعلها لخامسة ف تّرتيب د لقارات من حيت لمساحة، ؤ جوج مرات لمساحة ديال ؤسطراليا. 98% د أنطاركتيكا مغطية ب لجاليد لي كيوصل لغلض ديالو ف لموعدّال ل 1.9 كيلوميطر. ؤ هيّا أقل منطقة من حيت لعاداد د سّكان، لي كيوصل ل 5000 ف فصل صّيف ؤ 1000 ف شّتوة.[1]
ف لموعدّال، أنطاركتيكا هيّا أبرد ؤ أنشف بلاصة ف لأرض، ؤ أكتر منطقة كيضربو فيها رّياح. ؤ أغلبية ديالها عيبارة علا صحرا قطبية، ب موعدّال ديال تّساقطات ماكيفوتش 200 ميليميتر ف لعام. أنطاركتيكا كاتحتاوي علا 70% د لمخزون ديال لما لعدب ف لعالام علا شكل جاليد، لي يلا داب كامل يقدر يطلّع لمستوى د لبحر ب 60 ميترو.[2]
- ^ "موسوعة د بريطانيكا، أنطاركتيكا". مأرشيڤي من لأصل ف 2022-10-15. تطّالع عليه ب تاريخ 2021-12-02.
- ^ "لبيئة د أنطاركتيكا". مأرشيڤي من لأصل ف 2023-02-18. تطّالع عليه ب تاريخ 2021-12-02.
![]() هادي زريعة ديال مقالة خاصها تّوسع. تقدر تشارك ف لكتبة ديالها. |